कोणाला अटक, कोणाची हत्या; भारतात आश्रय घेतलेल्या शेख हसीना यांच्या मंत्र्याचे पुढे काय झाले?

काही दिवसांपूर्वी शेख हसीना यांच्या सरकारमध्ये मंत्री असलेले हसन महमूद आणि जुनैद अहमद यांना ढाका विमानतळावरून देशातून पळून जाण्याच्या प्रयत्नात असताना अटक करण्यात आली. आता पंतप्रधानांचे माजी गुंतवणूक सल्लागार सलमान रहमान आणि माजी कायदा मंत्री अनिसुल हक यांना ढाका येथील सदरघाट येथून अटक करण्यात आली आहे

Photo Credit : Social Media

Follow Us:

Follow Us:

बांगलादेश:  बांगलादेशमध्ये जवळपास 15 वर्षांपासून सत्तेत असलेल्या अवामी लीगच्या नेत्यांसाठी वाईट दिवस सुरू झाले आहेत. अवामी लीगने यावर्षी 23 जून रोजी आपला 75 वा स्थापना दिवस साजरा केला होता, परंतु बांगलादेशच्या इतिहासातील सर्वात जुन्या राजकीय पक्षाला असे भाग्य मिळेल याची त्या वेळी कोणीही कल्पना केली नसेल. पण आरक्षणाच्या विरोधात जूनमध्ये सुरू झालेल्या आंदोलनाचे चटकन आंदोलनात रूपांतर झाले आणि या आंदोलनाच्या आगीत शेकडो घरे जाळली गेली, हजारो संसार उध्वस्त झाले.  अखेर 5 ऑगस्ट रोजी आंदोलन उग्र होत असल्याचे पाहून शेख हसीना यांनी पंतप्रधानपदाचा राजीनामा दिला आणि आपला जीव वाचवण्यासाठी त्या घाईघाईने भारतात आल्या.

भारतात पोहोचल्यानंतर शेख हसीना पूर्णपणे सुरक्षित आहेत आणि अशा कठीण काळात भारतात येऊन आश्रय घेण्याची ही पहिलीच वेळ नाही. यापूर्वीही आपल्या वडिलांच्या मृत्यूनंतर शेख हसीना यांनी भारताला आपले दुसरे घर बनवले होते. मात्र, या वेळी  भारतात किती काळ राहायचे हे त्यांच्यावर अवलंबून आहे.  कारण बांगलादेशातील सध्याचे वातावरण तिला आणि त्यांच्या पक्षासाठी योग्य नाही. अशा परिस्थितीत शेख हसीना भारतात सुरक्षित आहेत, पण त्यांच्या पक्षातील बाकीचे मंत्री,नेतेमंळी कुठे आहेत आणि त्यांची स्थिती काय आहे, असा प्रश्न उपस्थित होतो.

काही दिवसांपूर्वी शेख हसीना यांच्या सरकारमध्ये मंत्री असलेले हसन महमूद आणि जुनैद अहमद यांना ढाका विमानतळावरून देशातून पळून जाण्याच्या प्रयत्नात असताना अटक करण्यात आली. आता पंतप्रधानांचे माजी गुंतवणूक सल्लागार सलमान रहमान आणि माजी कायदा मंत्री अनिसुल हक यांना ढाका येथील सदरघाट येथून अटक करण्यात आली आहे. हे दोघेही पळून जाण्याचा कट रचत होते, असे सांगण्यात येत आहे. धक्कादायक म्हणजे अटकेनंतर दोन्ही माजी मंत्र्यांना दोरीने बांधून गुन्हेगारांप्रमाणे बोटीत बसवण्यात आले.

अवामी लीगचे नेते लष्कराच्या आश्रयाला!

बांगलादेशच्या लष्करप्रमुखांचे मोठे वक्तव्य समोर आले आहे. लष्करप्रमुख जनरल वकार उझ्झमान यांनी हसीना सरकारमधील अनेक प्रभावशाली लोकांना लष्कराने आश्रय दिल्याचे सांगितले जाच आहे. जीवाला धोका निर्माण होण्याच्या भीतीने या लोकांना आश्रय देण्यात आल्याचे त्यांनी सांगितले आहे, मात्र यापैकी कोणावरही आरोप किंवा गुन्हा दाखल झाल्यास कारवाई केली जाईल.

हसीनाच्या पक्षाच्या नेत्यांवर हल्ले

बांगलादेशातील शेख हसीना यांची सत्ता गेल्याने त्यांच्या पक्षाच्या नेत्यांवरील हल्लेही वाढले आहेत. मीडिया रिपोर्ट्सनुसार, बांगलादेशात सत्तापालट झाल्यापासून सुरू असलेल्या हल्ल्यांमध्ये अवामी लीगच्या 20 नेत्यांचे मृतदेह सापडले आहेत. संतप्त लोक त्यांच्या घरांना आणि कुटुंबांना लक्ष्य करत आहेत. त्याचबरोबर या नेत्यांवर एकामागून एक गुन्हे दाखल होऊ लागले आहेत.  न्यायालयाने काल शेख हसीना आणि अवामी लीगच्या काही नेत्यांसह ७ जणांविरुद्ध दुकानदाराच्या हत्येचा तपास करण्याचे आदेश दिले आहेत. सदरघाट येथून अटक करण्यात आलेल्या सलमान रहमान आणि अनिसुल हक यांच्यावर दुहेरी हत्याकांडाचा गुन्हा दाखल करण्यात  आला आहे,

अशा परिस्थितीत अवामी लीगच्या नेत्यांसाठी येणारा काळ अधिक अडचणींचा असेल असे म्हणता येईल. एकीकडे शेख हसीना सरकारच्या काळात ज्या विरोधी पक्षांच्या नेत्यांवर गुन्हे दाखल झाले होते किंवा ज्यांना तुरुंगात टाकण्यात आले होते, त्यांची सुटका होत आहे. विरोधी पक्षातील नेत्यांवरचे खटले मागे घेतले जात आहेत. तर माजी पंतप्रधान शेख हसीना आणि त्यांच्या पक्षाच्या लोकांवर नवीन गुन्हे दाखल केले जात आहेत.

Web Title: What happened to sheikh hasinas minister who took refuge in india

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com