Ahilyanagar : अहिल्यानगरमध्ये आरोग्य कर्मचाऱ्यांचे बेमुदत आंदोलन, नेमकं प्रकरण काय ?

Follow Us:

राष्ट्रीय आरोग्य अभियानांतर्गत कार्यरत आरोग्य कर्मचारी शासन सेवेत समायोजनबाबत अद्याप निर्णय न झाल्याने आजपासून जिल्हा परिषद कार्यालयाच्या परिसरात बेमुदत आंदोलनाला सुरुवात करण्यात आली. राष्ट्रीय आरोग्य अभियानात 10 वर्ष नियमित सेवा करणाऱ्या कर्मचाऱ्यांना कायमस्वरूपी समायोजन करण्यात शासनाने जीआर काढला या जीआरची अंमलबजावणी होणारी दिरंगाई त्याचबरोबर इतर जे नवीन कर्मचारी आहेत यांच्या वेतनामधील तफावत, नवीन कर्मचाऱ्यांना समान काम समान वेतन ईपीएफ आरोग्य कर्मचाऱ्यांप्रमाणे इन्शुरन्स अशा वेगवेगळ्या मागण्यांसाठी राज्यभरातील ३३ हजार कर्मचारी राष्ट्रीय आरोग्य अभियानात काम करणारे सर्व कर्मचारी संपूर्ण राज्यभरातील मुख्यालयमध्ये या संपामध्ये उतरलेले आहेत. त्यामध्ये अहिल्यानगर जिल्ह्यामध्ये जवळजवळ एक ते दीड हजार कर्मचारी या राष्ट्रीय आरोग्य अभियानामध्ये काम करत आहे. यावेळी आंदोलनांकडून एकूण 18 मागण्या करण्यात आले आहे. तर जोपर्यंत आमच्या मागण्या मान्य होत नाही तोपर्यंत आमचे आंदोलन चालूच राहणार असल्याचे आंदोलकांकडून सांगण्यात आले.