गुरुवार, 5 नोव्हेंबर 2026
(फोटो सौजन्य-AI एआय)
कावासाकी Z650S 2027 (2027 Kawasaki Z650S) ही नवीन स्ट्रीट नेकेड बाईक भारतात ₹7.59 लाखांच्या एक्स-शोरूम किंमतीत लाँच झाली आहे. कावासाकी इंडियाने या बाईकच्या माध्यमातून आपल्या Z सीरिजमध्ये नवीन मॉडेल दाखल केले आहे. ही बाईक मागच्या Z650 ची जागा घेणार असून, नवीन डिझाइन, अपडेटेड फीचर्स आणि 649cc इंजिनसह मार्केटमध्ये दाखल झाली आहे. रॉयल एनफिल्ड इंटरसेप्टर 650 आणि ट्रायम्फ ट्रायडेंट 660 या बाईक्सना ती टक्कर देणार आहे.
नवीन डिझाइन आणि आकर्षक स्टाइल
2027 कावासाकी Z650S मध्ये कंपनीची ट्रेडीशनल सुगोमी (Sugomi) डिझाइन स्टाईल कायम ठेवण्यात आली आहे. या बाईकला नवीन पर्ल ब्लिझार्ड व्हाइट आणि कँडी लाइम ग्रीन असे ड्युअल-टोन कलर कॉम्बिनेशन मिळते. पुढील बाजूला LED हेडलॅम्प्स, LED टेललॅम्प्स आणि अ‍ॅल्युमिनियम रेडिएटर कव्हर देण्यात आले आहे. Z900 मधील काही डिझाइन एलिमेंट्सचा प्रभावही या बाईकमध्ये दिसतो. नवीन मॉडेलचा रायडिंग पोझिशन मागच्या Z650 पेक्षा जास्त पुढे झुकणारा आहे.
सस्पेंशन, ब्रेक्स आणि डायमेंशन्स
या बाईकमध्ये हलक्या ट्युब्युलर डायमंड फ्रेमचा वापर करण्यात आला आहे. पुढील बाजूला 41mm टेलिस्कोपिक फोर्क्स आणि मागे हॉरिझॉन्टल बॅक-लिंक स्विंगआर्म सस्पेंशन मिळते. ब्रेकिंगसाठी पुढे ड्युअल डिस्क आणि मागे सिंगल डिस्क ब्रेक देण्यात आले आहेत. बाईकमध्ये दोन्ही बाजूंना 17-इंच अलॉय व्हील्स असून, पुढे 120/70 आणि मागे 160/60 सेक्शन टायर्स मिळतात. तिचे वजन 193 kg असून फ्युल टँकची कॅपसिटी 15 लिटर आहे. सीटची उंची 805 mm आणि ग्राउंड क्लीयरन्स 130 mm आहे.
TFT डिस्प्ले आणि स्मार्ट फीचर्स
कावासाकी Z650S मध्ये 4.3-इंच कलर TFT डिजिटल इन्स्ट्रुमेंट क्लस्टर मिळते. ब्लूटूथ कनेक्टिव्हिटीच्या मदतीने रायडरला Rideology मोबाइल अ‍ॅप वापरता येते. कॉल अलर्ट, मेसेज नोटिफिकेशन, नेव्हिगेशन आणि मेंटेनन्स शेड्यूलची माहिती मिळते. यासोबत ट्रॅक्शन कंट्रोल, ड्युअल-चॅनल ABS आणि असिस्ट अँड स्लिपर क्लच देण्यात आले आहेत.
649cc इंजिन आणि किंमत
या बाईकमध्ये 649cc पॅरलल-ट्विन, लिक्विड-कूल्ड पेट्रोल इंजिन आहे. हे इंजिन 8,000 rpm वर 67.3 bhp पॉवर आणि 6,700 rpm वर 64 Nm टॉर्क देते. इंजिनला 6-स्पीड गिअरबॉक्स जोडण्यात आला आहे. मागच्या Z650 ची किंमत ₹7.26 लाख होती, तर नवीन Z650S ची किंमत ₹7.59 लाख आहे. म्हणजेच किंमतीत ₹33,000 ची वाढ झाली आहे. ही बाईक सिंगल स्टँडर्ड व्हेरिएंटमध्ये अव्हेलेबल आहे.
Ans: 2027 कावासाकी Z650S ची एक्स-शोरूम किंमत ₹7.59 लाख आहे.
Ans: या बाईकमध्ये 649cc पॅरलल-ट्विन, लिक्विड-कूल्ड इंजिन मिळते. हे इंजिन 67.3 bhp पॉवर आणि 64 Nm टॉर्क देते.
Ans: कावासाकी Z650S भारतात रॉयल एनफिल्ड इंटरसेप्टर 650 आणि ट्रायम्फ ट्रायडेंट 660 या बाईक्सना टक्कर देते.
