हिवाळा सुरु होण्याअगोदर बाईकमध्ये करून घ्या ‘ही’ 5 कामं, मग बघा कशी सुसाट धावेल बाईक

हिवाळा सुरू होण्यापूर्वी काही महत्वाची कामे बाईकवर केले गेले पाहिजे. चला जाणून घेऊया, अशी कोणती कामे आहे ज्यामुळे बाईकची कार्यक्षमता दुप्पट होईल.

फोटो सौजन्य: Freepik

Follow Us:

Follow Us:

सप्टेंबर महिना चालू झाला आहे. म्हणजेच पावसाळा आता संपायला आला आहे आणि लवकरच आपल्याला थंडीची चाहूल लागणार आहे. अनेकांनी तर आपले स्वेटर आधीच बाहेर काढून ठेवले असेल. पण ज्याप्रकारे हिवाळ्यात आपण आपली काळजी घेत असतो, तसेच आपल्या बाईकची सुद्धा काळजी घेणे गरजेचे आहे.

हिवाळ्यात बाईक चांगली चालवण्यासाठी आणि तिचा परफॉर्मन्स टिकवून ठेवण्यासाठी काही महत्त्वाची देखभालीची कामे वेळेवर करायला हवीत. यामुळे बाईकचे आयुष्य तर वाढेलच पण तुमची राइड आरामदायी आणि सुरक्षितही होईल. चला जाणून घेऊया या कामांबद्दल.

इंजिन ऑइल तपासणे किंवा बदलणे

हिवाळ्यात इंजिन ऑइलची गुणवत्ता खूप महत्त्वाची असते. जाड ऑइलमुळे थंड हवामानात इंजिन सुरळीतपणे काम करणे कठीण होऊ शकते. त्यामुळे बाईकसाठी योग्य दर्जाचे इंजिन ऑइल निवडा आणि हिवाळा सुरू होण्यापूर्वी तेल बदलून घ्या. हे इंजिन योग्यरित्या लुब्रिकेट ठेवेल आणि थंड हवामानात सहज सुरू होण्यास मदत करेल.

हे देखील वाचा: कार्सच्या शोरूममध्ये पोहोचताच करा ‘या’ गोष्टी आणि मिळवा कारवर बंपर डिस्काउंट!

बॅटरी तपासा

थंड हवामानात बॅटरीच्या कार्यक्षमतेवर परिणाम होतो, जेणेकरून हिवाळ्यात बॅटरी कमकुवत होऊ शकते. म्हणूनच बाईकची बॅटरी तपासा आणि ती योग्य प्रकारे चार्ज होत असल्याची खात्री करा. तसेच बॅटरीचे कनेक्शन तपासा आणि जर बॅटरी जुनी असेल तर ती बदलून घ्या जेणेकरून हिवाळ्यात बाईक सुरू करण्यास कोणतीही अडचण येणार नाही.

टायरचा दाब आणि ग्रीप तपासा

थंड हवामानात टायरचा दाब कमी होऊ शकतो, त्यामुळे रायडींग करताना नियंत्रण सुटू शकते. टायरचा दाब योग्य पातळीवर ठेवा. तसेच टायरची ग्रिप बरोबर आहे की नाही हे देखील तपासा. टायर जीर्ण झाले असल्यास, घसरण्याची शक्यता जास्त असते. त्यामुळे, रस्त्यावर चांगली पकड मिळविण्यासाठी नवीन टायर लावा.

ब्रेक तपासणी आणि देखभाल

हिवाळ्यात ब्रेकची स्थिती खूप महत्वाची असते, कारण थंड हवामानात रस्ते निसरडे होऊ शकतात. ब्रेक पॅड आणि ब्रेक ऑइल तपासा आणि आवश्यक असल्यास ते बदला. अचानक ब्रेक लावल्यावर बाईक घसरणार नाही म्हणून ब्रेक नीट काम करणं गरजेचं आहे.

बाईकची चेन आणि सस्पेन्शन तपासा

बाईकची चेन नीट स्वच्छ करा आणि वंगण लावा. थंड हवामानात साखळी लवकर कोरडी होऊ शकते आणि त्यामुळे बाइकच्या परफॉर्मन्सवर परिणाम होऊ शकतो. तसेच बाईकचे सस्पेन्शन तपासा आणि त्यात कोणतीही समस्या नाही याची खात्री करून घ्या. योग्य सस्पेन्शन तुमची राइड आरामदायक आणि सुरक्षित बनवते.

Web Title: 5 repairing you should do before winter starts to increase bike performance

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com