सणासुदीला नवी Car घरी आणताय? डिलिव्हरी घेण्यापूर्वी ‘या’ अत्यावश्यक डॉक्युमेंट्सची तपासणी करा, अन्यथा…

अनेक जण कार घेण्याच्या उत्साहाच्या भरात अनेक महत्त्वाच्या बाबींकडे दुर्लक्ष होते. गाडीसोबतची सर्व कागदपत्रे बरोबर आणि पूर्ण आहेत की नाही, याची खात्री करणे अत्यंत आवश्यक आहे.

• कार खरेदीदारांसाठी महत्त्वाचा सल्ला
• सणासुदीला नवी कार घरी आणताय?
• डिलिव्हरी घेण्यापूर्वी ‘या’ अत्यावश्यक डॉक्युमेंट्सची तपासणी करा

Important Car Documents: सध्या सणासुदीचे दिवस चालू आहे. तसेच सरकारने ही जीएसटी कमी केली आहे. त्यामुळे कार कंपन्याही बंपर सुट देत आहे. अश्यात तुम्ही नवीन कार घेण्याचा विचार करत असाल तरी ही बातमी तुमच्यासाठी खुप महत्वाची आहे. खर, तर अनेक जण कार घेण्याच्या उत्साहाच्या भरात अनेक महत्त्वाच्या बाबींकडे दुर्लक्ष होते. गाडीसोबतची सर्व कागदपत्रे बरोबर आणि पूर्ण आहेत की नाही, याची खात्री करणे अत्यंत आवश्यक आहे. योग्य कागदपत्रांशिवाय भविष्यात तुम्हाला कायदेशीर किंवा सेवा-संबंधित समस्यांना सामोरे जावे लागू शकते. तुम्ही नवीन गाडीची डिलिव्हरी घेण्यापूर्वी काळजीपूर्वक तपासणी करायच्या अत्यावश्यक कागदपत्रांची यादी खालीलप्रमाणे आहे:

कार डिलिव्हरीपूर्वी तपासणी करावयाची आवश्यक कागदपत्रे:

1. इन्व्हॉइस (Invoice)

इन्व्हॉइसमध्ये कारचे मॉडेल, व्हेरिएंट (Variant), चेसिस (VIN) नंबर आणि इंजिन नंबर स्पष्टपणे नमूद केलेला असावा. हे सर्व नंबर वाहनावरील नंबरशी जुळले पाहिजेत.

2. आरटीओ (RTO) कागदपत्रे

नोंदणीशी (Registration) संबंधित कागदपत्रांमध्येही योग्य चेसिस आणि इंजिन नंबर असल्याची खात्री करा. हेच तपशील तुमच्या नोंदणी प्रमाणपत्रावर (RC) येतील.

3. पेमेंट पावत्या

वाहनासाठी केलेल्या सर्व पेमेंटच्या पावत्या गोळा करा. यामध्ये अॅक्सेसरीज, रोड टॅक्स, नोंदणी शुल्क आणि इतर शुल्क समाविष्ट असल्याची खात्री करा.

4. विमा पॉलिसी (Insurance Policy)

विमा कागदपत्रांमध्ये कारचे सर्व तपशील (मॉडेल, चेसिस इ.) आणि योग्य कव्हरेजच्या तारखा जुळत आहेत का, हे तपासा.

Bike Care in Winter: थंडी सुरू होण्यापूर्वी करा ‘हे’ काम! गाडी स्टार्ट करण्यात होणार नाही त्रास, इंजिनही राहील सुरक्षित

5. वॉरंटी प्रमाणपत्र

कारचे वॉरंटी कव्हर तपासा आणि त्याची वैधता (Validity) किती आहे, याची पुष्टी करा.

6. विस्तारित वॉरंटी (लागू असल्यास)

जर तुम्ही विस्तारित वॉरंटी (Extended Warranty) घेतली असेल, तर त्यासंबंधीची कागदपत्रे घेणे विसरू नका.

7. रोडसाईड असिस्टन्सची प्रत

डीलरकडून रोडसाईड असिस्टन्स (Roadside Assistance) प्रोग्राम (जर प्रदान केला असेल तर) मिळाला आहे की नाही, हे निश्चित करा आणि त्याबद्दल माहिती घ्या.

8. मालकाचे मॅन्युअल आणि सेवा पुस्तिका

तुम्हाला कारचे मालकाचे मॅन्युअल (Owner’s Manual) आणि अधिकृत सेवा वेळापत्रक पुस्तिका (Service Booklet) मिळाल्याची खात्री करा.

9. प्रदूषण नियंत्रण प्रमाणपत्र (PUC)

जर डिलिव्हरीच्या वेळी प्रदूषण नियंत्रण प्रमाणपत्र (Pollution Under Control Certificate) दिले गेले असेल, तर ते तपासा.

टीप: भविष्यात कोणतीही समस्या टाळण्यासाठी, या सर्व कागदपत्रांची योग्यरित्या तपासणी आणि पडताळणी केल्यानंतरच तुम्ही तुमची नवीन कार स्वीकारणे सुरक्षित ठरेल.

TATA ची दिवाळी भेट! Tiago ते Safari पर्यंत गाड्यांच्या खरेदीवर मिळणार बंपर सूट