सणासुदीच्या काळात कार कंपन्याकडून मोठ्या सवलतीच्या ऑफर्स, मात्र ‘या’ कंपनीकडून कारची किंमत वाढ

गणेशोत्सव सुरु झाला आहे. या काळात मोठ्या प्रमाणात कार खरेदी केली जाते. अनेक कंपन्यांकडून 3 लाखांपर्यंत कारवर सवलत दिली जात असताना मात्र भारतीय बाजारपेठेमध्ये एका कंपनीकडून कारची किंमत वाढवली आहे.

फोटो सौजन्य- iStock

Follow Us:

Follow Us:

सणासुदीच्या काळात अनेक कंपन्यांकडून कारवर सवलत दिली जात आहे.  या सवलतीची रक्कम 3 लाख रुपयांपर्यंत आहे. त्यामुळे ग्राहकांसाठी सध्या सुगीचा काळ आहे. मात्र एका कंपनीकडून कारच्या किंमतीमध्ये वाढ केली आहे. ती कंपनी आहे kia. या कंपनीने तिच्या SUV प्रकारातील कारमध्ये बदल केले आहेत.

Kia कंपनीने भारतातील लोकप्रिय मिड-साईज Seltos SUV च्या किंमतीमध्ये काही बदल केले आहेत. सप्टेंबरमध्ये Seltos SUV कारच्या किमती 8,000 रुपयांपर्यंत वाढल्या आहेत. किमतीत वाढ झाल्यानंतर, सेल्टोस कारची किंमत 10.90 लाख रुपयांपासून सुरू झाली आहे. दरम्यान. वैशिष्ट्यपूर्ण अशा टॉप-स्पेक एडिशनची एक्स शो रुम किंमत 20.45 लाख रुपये झाली आहे.

हे देखील वाचा- आनंद महिंद्रा वापरतात ‘ही’ कार ! सोशल मीडियावर केला खुलासा

Kia Seltos 11 ही कार बाजारात अनेक प्रकारांमध्ये  उपलब्ध आहे. या प्रकारांमध्ये Kia Seltos 11 HTE, HTK, HTK Plus, HTX, Gravity, HTX Plus, GTX, GTX Plus (S), X-Line (S), GTX Plus, आणि X-Line. किंमतीत वाढ झाल्यानंतर, HTK, HTK Plus, HTX, HTX Plus, GTX आणि X-Line प्रकार 8,000 रुपयांनी महाग झाले आहेत. कारच्या डिझेल प्रकारात 5,000 रुपयांची वाढ झाली आहे. मात्र, या  दरवाढीचा पेट्रोल आवृत्तीवर कोणताही परिणाम झालेला नाही. पेट्रोल आवृत्तींची सुरुवातीची किंमत कायम आहे. मात्र ही वाढ का केली आहे हे कळू शकले नाही.

हे देखील वाचा- Hyundai Exter च्या नव्या दोन व्हेरिएंटचे सणासुदीच्या काळात लॉंचिग! जाणून घ्या वैशिष्ट्ये, किंमत

दरम्यान, Kia कंपनीने अलीकडेच Seltos साठी एक नवीन ग्रॅव्हिटी व्हेरियंट लाँच केला आहे.  ही आवृत्ती 16.63 लाख रुपयांच्या सुरुवातीच्या किमतीत ऑफर करण्यात आली आहे आणि मॅट फिनिशमध्ये ग्लेशियर व्हाइट पर्ल, अरोरा ब्लॅक पर्ल आणि डार्क गन मेटल या तीन रंगांमध्ये उपलब्ध असेल.

Kia Seltos ग्रॅव्हिटी वैशिष्ट्ये

Kia Seltos ग्रॅव्हिटी व्हेरियंटमध्ये अनेक वैशिष्ट्ये आहेत. ज्यामध्ये  डॅश कॅमेरा, 10.25-इंच डिजिटल इन्स्ट्रुमेंट क्लस्टर, हवेशीर फ्रंट सीट्स, बोस-सोर्स्ड म्युझिक सिस्टम, ऑटो होल्डसह इलेक्ट्रॉनिक पार्किंग ब्रेक, 17-इंच अलॉय व्हील, मागील स्पॉयलर आणि ग्रॅव्हिटी बॅज आहे.Kia ने Sonet आणि Carens साठी एक नवीन प्रकार देखील लॉन्च केला आहे. नंतरचे, ग्रॅव्हिटी व्हेरियंट पेट्रोल आणि डिझेल इंजिनसह रु.च्या सुरुवातीच्या एक्स-शोरूम किमतीत उपलब्ध आहे. 12.1 लाख.

Web Title: Huge discount offers from car companies during festive season but price increase of cars from kia company

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com