शुक्रवार, 30 ऑक्टोबर 2026
AMPSTAR Electric Trucks: (फोटो सौजन्य- सोशलमीडिया)
जेएसडब्ल्यू ग्रुप’च्या इलेक्ट्रिक व्यावसायिक वाहन विभागातील जेएसडब्ल्यू ग्रीनटेक लिमिटेड कंपनीने एएमपीस्टार इलेक्ट्रिक ट्रक्सची पहिली व्यावसायिक विक्री जाहीर केली आहे. जेएसडब्ल्यू सिमेंटच्या विजयनगर येथील प्रकल्पासाठी १०० ‘एएमपीस्टार ४x२ ५५ टन ट्रॅक्टर ट्रक्स’ची ऑर्डर कंपनीला मिळाली आहे. या ट्रक्सचा वापर औद्योगिक क्षेत्रातील जड मालाची वाहतूक करण्यासाठी केला जाईल. या कामासाठी जेएसडब्ल्यू इको-मोबिलिटी बॅटरी-अॅज-अ-सर्व्हिस (बीएएएस) सेवा देणार आहे. परादीप परिवहन लिमिटेड वाहतूक भागीदार म्हणून काम पाहणार आहे. AMPSTAR Electric Trucks:
एएमपीस्टार ४x२ आणि ६x४ ट्रॅक्टर ट्रक्सना ऑटोमोटिव्ह रिसर्च असोसिएशन ऑफ इंडिया (एआरएआय) या संस्थेकडून केंद्रीय मोटार वाहन नियमांनुसार (सीएमव्हीआर) प्रमाणपत्र मिळाले आहे. त्यामुळे हे ट्रक्स भारतीय रस्त्यांवर वापरता येण्यासाठीची आवश्यक सुरक्षा, कामगिरी आणि नियामक निकष पूर्ण करतात. ब्रँड सादर केल्यानंतर महिन्याभरापेक्षा थोड्याच अधिक काळात ही ऑर्डर मिळाली आहे. त्यामुळे एएमपीस्टार ट्रक्स आता बाजारात सादर करण्याच्या टप्प्यातून प्रत्यक्ष वापराच्या टप्प्यात दाखल झाले आहेत.
JSW मोटर्सच्या 3 नवीन SUV भारतात येणार! कॉम्बॅट, J5 आणि V23 ची तयारी; जाणून घ्या सविस्तरपणे
‘एएमपीस्टार ४x२ ५५ टन ट्रॅक्टर ट्रक’ची निर्मिती भारतातील कठीण व्यावसायिक परिस्थितीतही काम करता येईल, अशा पद्धतीने करण्यात आली आहे. या ट्रकमध्ये ४३० किलोवॅट क्षमतेची सर्वोच्च शक्ती आणि २,६०० न्यूटन-मीटरचा सर्वोच्च टॉर्क आहे. हे १०० ट्रॅक्टर ट्रक्स जेएसडब्ल्यू सिमेंट लिमिटेडमधील एकात्मिक वाहतूक व्यवस्थेचा भाग असतील. आंध्र प्रदेशातील नंद्याळ ते कर्नाटकातील विजयनगर या सुमारे ३३० किलोमीटरच्या मार्गावरून क्लिंकर आणि स्लॅगची वाहतूक केली जाईल.
या मार्गावर दरमहा अंदाजे १.२५ लाख टन मालाची वाहतूक होईल. ‘जेएसडब्ल्यू ग्रीनटेक’ची उपकंपनी असलेली जेएसडब्ल्यू इको-मोबिलिटी या ट्रक्सना बॅटरी पुरवेल. तसेच, विजयनगर ते नंद्याळ या मार्गावर स्वतंत्र वाहतूक मार्गिका तयार करेल. या मार्गावर बॅटरी बदलण्याची चार केंद्रे असतील.
कराराच्या संपूर्ण कालावधीत या वाहतूक व्यवस्थेमुळे सुमारे ४.५ कोटी लिटर डिझेलची बचत होईल असा अंदाज आहे. तसेच, कार्बन डायऑक्साइडचे उत्सर्जन सुमारे ६,२५० टनांनी कमी होईल.
“आमच्या एएमपीस्टार ब्रँडच्या अनावरणाच्या वेळी ५५ टन क्षमतेचा इलेक्ट्रिक ट्रॅक्टर ट्रक पहिल्यांदा सादर करण्यात आला होता. व्यावसायिक वाहतुकीच्या क्षेत्रातील हे एक अत्यंत आव्हानात्मक वाहन आहे. ब्रँड सादर केल्यानंतर महिन्याभरापेक्षा थोड्याच अधिक काळात आम्ही एक महत्त्वाचा टप्पा गाठला आहे. ‘जेएसडब्ल्यू सिमेंट’च्या औद्योगिक मालवाहतुकीसाठी पहिल्या १०० ट्रक्सचा वापर सुरू होत आहे.
या कामासाठी जेएसडब्ल्यू इको-मोबिलिटी बॅटरी-अॅज-अ-सर्व्हिस (बीएएएस) भागीदार म्हणून मदत करत आहे. या उपक्रमातून आम्ही इलेक्ट्रिक वाहतुकीची एकात्मिक व्यवस्था उभारीत आहोत. यामध्ये स्वतंत्र इलेक्ट्रिक मार्गिका आणि बॅटरी बदलण्याची केंद्रे असतील. त्यामुळे मालाची वाहतूक सुरळीतपणे करता येईल.
आमच्या इलेक्ट्रिक वाहतुकीशी संबंधित सर्व सेवा आणि तंत्रज्ञान एकत्र आणून जड मालाची इलेक्ट्रिक वाहतूक व्यावसायिकदृष्ट्या परवडणारी करण्याचा आमचा प्रयत्न आहे. ‘एएमपीस्टार’च्या माध्यमातून संपूर्ण भारतात मालाची वाहतूक करण्याच्या पद्धतीत बदल घडवून आणण्याचे आमचे उद्दिष्ट आहे. हे पहिले १०० ट्रक्स त्या दिशेने टाकलेले महत्त्वाचे पाऊल आहे,” असे ‘जेएसडब्ल्यू ग्रीनटेक लिमिटेड’चे मुख्य कार्यकारी अधिकारी सुमित मित्तल यांनी सांगितले.
“जेएसडब्ल्यू सिमेंटमध्ये आम्ही औद्योगिक कामकाज अधिक पर्यावरणपूरक आणि कार्यक्षम करण्यासाठी प्रयत्नशील आहोत. ‘एएमपीस्टार’च्या १०० इलेक्ट्रिक ट्रक्सचा वापर सुरू होणे हे या दिशेने महत्त्वाचे पाऊल आहे. यामुळे मालवाहतुकीतील कार्बन उत्सर्जन कमी करण्यास मदत होईल. तसेच, आमच्या पुरवठा साखळीतील मालाची वाहतूकही सुरू राहील.
बॅटरी बदलण्याच्या सुविधांसह एकात्मिक इलेक्ट्रिक वाहतूक व्यवस्था उभारली जात आहे. यामुळे डिझेलवरील अवलंबित्व कमी करणे, उत्सर्जन घटवणे आणि पर्यावरणपूरक विकासाची उद्दिष्टे साध्य करणे हे सर्व आम्हाला शक्य होईल. हे करताना कामकाजाच्या कार्यक्षमतेवर कोणताही परिणाम होऊ नये, याचीही आम्ही काळजी घेत आहोत,” असे ‘जेएसडब्ल्यू सिमेंट’चे वित्त संचालक नरिंदर कहलॉन यांनी सांगितले.
‘एएमपीस्टार’ची वाहने ‘जेएसडब्ल्यू ग्रीनटेक’च्या नवीन एकात्मिक उत्पादन कारखान्यात तयार केली जातील. हा कारखाना महाराष्ट्रातील छत्रपती संभाजीनगर येथील ऑरिकमध्ये सुमारे ९० एकर जागेवर उभारला जात आहे. या कारखान्यात दरवर्षी १५ हजार इलेक्ट्रिक बस आणि ट्रक्स तयार करण्याची क्षमता असेल. तसेच ट्रकच्या केबिनसाठी स्वयंचलित उत्पादन लाइन आणि बॅटरीसाठी एकात्मिक व्यवस्था असेल. पुण्यातील ‘जेएसडब्ल्यू ग्रीनटेक’चे संशोधन आणि विकास केंद्रही या कारखान्याला तांत्रिक मदत करेल.
‘एएमपीस्टार’च्या वाहनांमध्ये १५० किलोवॅट ते ५०० किलोवॅटपर्यंतच्या क्षमतेचे पर्याय उपलब्ध असतील. ग्राहकांना वाहन थेट खरेदी करता येईल किंवा भाडेतत्त्वावर घेता येईल. बॅटरी-अॅज-अ-सर्व्हिस (बीएएएस) योजनेचाही पर्याय असेल. याशिवाय, वाहनांच्या मालकीचे आणि वापराचे इतर पर्यायही उपलब्ध असतील. कंपनीकडून चार्जिंगसाठी आवश्यक सुविधा, आर्थिक मदत आणि विक्रीनंतरची सेवाही दिली जाईल. ट्रॅक्टर ट्रक्सनंतर ‘एएमपीस्टार’च्या वाहनांच्या श्रेणीत टिपर्स आणि फिक्स बॉडी असलेल्या डंपर्सचाही समावेश करण्याची कंपनीची योजना आहे.
Ans: जेएसडब्ल्यू सिमेंटकडून १०० इलेक्ट्रिक ट्रॅक्टर ट्रक्सची ऑर्डर मिळाली आहे.
Ans: आंध्र प्रदेशातील नंद्याळ ते कर्नाटकातील विजयनगर या सुमारे ३३० किलोमीटर मार्गावर त्यांचा वापर होईल.
Ans: या ट्रकमध्ये ४३० किलोवॅट सर्वोच्च शक्ती आणि २,६०० न्यूटन-मीटर सर्वोच्च टॉर्क आहे.
