अतिरिक्त पैसे मोजायची तयारी ठेवा! महाराष्ट्रात ‘ही’ टॅक्सी सेवा महागणार ? प्रताप सरनाईकांनी दिली माहिती

महाराष्ट्रात इलेक्ट्रिक दुचाकी टॅक्सी सेवेसाठी भाडेदर निश्चित असणार अशी ,माहिती राज्यचे परिवहन मंत्री प्रताप सरनाईक यांनी दिली आहे. चला याबद्दल अधिक माहिती जाणून घेऊयात.

महाराष्ट्रात इलेक्ट्रिक दुचाकी टॅक्सी सेवेसाठी भाडेदर निश्चित असणार अशी ,माहिती राज्यचे परिवहन मंत्री प्रताप सरनाईक (Pratap Sarnaik) यांनी दिली आहे. चला याबद्दल अधिक माहिती जाणून घेऊयात.

महाराष्ट्र शासनाने “महाराष्ट्र बाईक-टॅक्सी नियम, २०२५” अंतर्गत राज्यात सेवा देणाऱ्या इलेक्ट्रिक दुचाकी वाहनांचे भाडेदर जाहीर केले आहेत. मोटार वाहन अधिनियम, १९८८ च्या कलम ७३ व ९६ नुसार शासनाला मिळालेल्या अधिकारांचा वापर करून हा निर्णय घेण्यात आला असून, तो तात्काळ लागू होणार आहे. त्यामुळे नागरिकांना आता इलेक्ट्रिक दुचाकी टॅक्सी सेवा वापरताना योग्य दरातच पैसे द्यावे लागणार आहे.

GST कमी झाला अन् Toyota Fortuner चा ‘हा’ व्हेरिएंट एका झटक्यात 3 लाख रुपयांनी स्वस्त झाला

ठरवलेले भाडेदर

बैठकीत घेण्यात आलेल्या निर्णयानुसार इलेक्ट्रिक दुचाकी टॅक्सींसाठी प्रति किलोमीटर ₹ १०.२७ प्रमाणे प्रवासी भाडे आकारले जाणार आहे. याशिवाय पहिला टप्पा १.५ किमीचा असून प्राथमिक भाडे ₹ १५/- इतके अनिवार्य असेल. म्हणजेच प्रवास कितीही छोटा असो, किमान १५ रुपये त्यांच्याकडून आकारले जाणार असून, त्यानंतर प्रत्येक किलोमीटरला १०.२७ रुपयांप्रमाणे दर लागू होतील.

परवाना व कार्यक्षेत्र

राज्य परिवहन प्राधिकरणाने तीन प्रमुख कंपन्यांना (उबेर इंडिया सिस्टीम्स प्रा. लि., रॅपिडो ट्रान्सपोर्टेशन सर्व्हिसेस प्रा. लि., व ॲनी टेक्नॉलॉजीज प्रा. लि.) तात्पुरता “मुंबई महानगर क्षेत्रासाठी प्राव्हिजनल लायसन्स” मंजूर केला आहे.

या परवान्याची मुदत 30 दिवसांची असून, त्यानंतर अंतिम लायसन्ससाठी अर्ज करावा लागेल. तात्पुरत्या परवान्यातील सर्व अटी-शर्ती मान्य करूनच कंपन्यांना पुढील लायसन्स देण्यात येईल.

Hero Splendor Plus की Bajaj Platina, जीएसटी कमी झाल्यानंतर कोणती बाईक जास्त स्वस्त?

या निर्णयामागे राज्य सरकारचा नेमका उद्देश काय?

या निर्णयामुळे प्रवाशांना स्वस्त, सोयीस्कर व पर्यावरणपूरक प्रवासाची सुविधा उपलब्ध होणार आहे. इलेक्ट्रिक दुचाकी टॅक्सींच्या माध्यमातून वाहतुकीवरील ताण कमी होऊन, प्रदूषणाला आळा बसण्यास मदत होईल, असा विश्वास राज्य परिवहन मंत्री प्रताप सरनाईक यांनी व्यक्त केला आहे.

थोडक्यात समजून घ्या

किमान भाडे : ₹१५/- (पहिले १.५ किमी साठी)

त्यानंतरचा दर : ₹१०.२७ प्रति किलोमीटर

कंपन्या : उबेर, रॅपिडो आणि ॲनी टेक्नॉलॉजीज यांना परवाना

प्रायोगिक सेवा : सुरुवातीला मुंबई महानगर क्षेत्रात सुरू