उद्या लाँच होणाऱ्या Maruti e Vitara बद्दल ‘या’ महत्वाच्या गोष्टी जाणून घ्या

उद्या म्हणजेच 2 डिसेंबर 2025 रोजी भारतीय मार्केटमध्ये मारुती सुझुकीची पहिली वाहिली इलेक्ट्रिक कार लाँच होणार आहे. चला या कारबद्दल अधिक माहिती जाणून घेऊयात.

फोटो सौजन्य: @MitulBhavsar9 (X.COM)

Follow Us:

Follow Us:

• उद्या मारुती सुझुकीची पहिलीवहिली इलेक्ट्रिक कार लाँच होणार
• Maruti e Vitara असे या कारचे नाव
• जाणून घ्या या कारचे वैशिष्ट्य

मारुती सुजुकी आपली पहिली इलेक्ट्रिक कार Maruti e Vitara भारतात उद्या म्हणजेच 2 डिसेंबर 2025 रोजी लाँच करणार आहे. ही कार भारत मोबिलिटी ग्लोबल एक्सपो 2025 मध्ये सादर करण्यात आली होती. तिच्या लाँचपूर्वी आज आपण या कारशी निगडित काही महत्त्वाच्या गोष्टी जाणून घेऊयात.

‘या’ Cars मुळे Tata Sierra चा मार्केट ढिल्ला होऊ शकतो, कोण मारेल बाजी? जाणून घ्या

Maruti e Vitara चे डिझाइन

ही एक ग्राउंड-अप इलेक्ट्रिक कार आहे. ज्याचे डिझाइन पूर्णपणे नवीन आणि वेगळे आहे. याला रग्ड SUV लुक देण्यात आला आहे. यात जाड बंपर आणि बॉडी-क्लॅडिंग दिले असून ते या कारला खास बनवतात. फ्रंटमध्ये Y-शेप्ड LED DRLs, शार्प हेडलॅम्प्स आणि आकर्षक कट-क्रिज लाईन्स मिळतात.

साइड प्रोफाइलमध्ये चंकी व्हील आर्च, जाड डोर क्लॅडिंग आणि 18-इंच ड्युअल-टोन एयरोडायनामिक अलॉय व्हील्स दिले आहेत. मागच्या बाजूस रग्ड बंपर आणि Y-शेप्ड LED टेललॅम्प्स मिळतात.

30-35 हजार पगारात Tata Harrier खरेदी करू शकतो का? Down Payment आणि EMI चा हिशोब एकदम सोपा

इंटिरिअर

या कारचे केबिन पूर्णपणे नवीन आहे. याचा डॅशबोर्ड इतर कोणत्याही मारुती कारपेक्षा वेगळा आहे. यात ड्युअल-टोन ब्लॅक-टॅन थीम आहे. यात नवीन टू-स्पोक स्टीअरिंग व्हील, अधिक चमकदार ब्लॅक फिनिश आणि सेमी-लेदरेट सीट्स देखील आहेत. ड्युअल-स्क्रीन सेटअप देखील उपलब्ध आहे, जो केबिनला आधुनिक आणि प्रीमियम फील देतो.

सेफ्टी फीचर्स

Maruti e Vitara मध्ये सुरक्षेची काळजी घेण्यासाठी 7 एअरबॅग्ज, ESC (इलेक्ट्रॉनिक स्टॅबिलिटी कंट्रोल), TPMS (टायर प्रेशर मॉनिटरिंग सिस्टम), समोर आणि मागील पार्किंग सेन्सर्स, इलेक्ट्रॉनिक पार्किंग ब्रेक आणि 360-डिग्री कॅमेरा यांसारखी महत्त्वाची फीचर्स देण्यात आली आहेत. युरो NCAP मध्ये या कारला 4-स्टार क्रॅश रेटिंग मिळाले आहे. तसेच यात ADAS लेव्हल-2 तंत्रज्ञानाचेही समावेश असून अ‍ॅडॉप्टिव्ह क्रूझ कंट्रोल, लेन कीप असिस्ट, हाय बीम असिस्ट, मागील क्रॉस ट्रॅफिक अलर्ट, ब्लाइंड स्पॉट अलर्ट आणि ऑटोनॉमस इमर्जन्सी ब्रेकिंग यांसारखी प्रगत सेफ्टी फीचर्सही उपलब्ध आहेत.

किती असेल किंमत?

Maruti e Vitara ची सुरुवातीची किंमत सुमारे 17 लाख रुपयांपासून होण्याची अपेक्षा आहे. भारतात ही कार Hyundai Creta Electric, Tata Curvv EV, MG Windsor EV आणि Mahindra BE 6 स्पर्धा करेल.

Web Title: Maruti e vitara features price design

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com