फोटो सौजन्य: @insanecreator83 (X.com)
भारतात दुचाकींची विक्री मोठ्या प्रमाणात वाढताना दिसत आहे. अशातच आता मार्केटमध्ये बाईकच्या तोडीस तोड अशा बेस्ट स्कूटर लाँच होत आहे. अनेक दुचाकी उत्पादक कंपन्या देशात बेस्ट परफॉर्मन्स देणाऱ्या स्कूटर ऑफर करत असतात. मार्केटमध्ये TVS Ntorq ला देखील मोठी डिमांड आहे. आता लवकरच या बाईकचे अपडेटेड व्हर्जन मार्केटमध्ये लाँच होणार आहे.
टीव्हीएस मोटर कंपनी नवीन NTORQ 150 लाँच करण्याची तयारी करत आहे. यासोबतच, कंपनी NTORQ लाइन-अपचा विस्तार करण्यावरही काम करत आहे. कंपनी 2025 च्या सणासुदीच्या हंगामात ही नवीन स्कूटर लाँच करू शकते. यासोबतच, कंपनी त्यांच्या लोकप्रिय 150-160cc स्कूटर आणण्याची योजना आखत आहे. या TVS Ntorq 150 मध्ये काय नवीन मिळू शकते, त्याबद्दल आज आपण जाणून घेऊयात.
TVS NTORQ 150 ला पूर्वीपेक्षा अधिक स्पोर्टी लूक दिला जाऊ शकतो. यामध्ये पूर्वीपेक्षा अधिक आकर्षक लाइन्स, मोठे ग्राफिक्स आणि चमकदार रंग दिसू शकतात. त्यात 14-इंच व्हील्स असण्याची शक्यता आहे. इतकेच नाही तर याशिवाय स्कूटरमध्ये इतरही अनेक बदल दिसून येतात.
आता पाणी होणार अधिकच शुद्ध ! livpure ने मेन्टेनन्स फ्री वॉटर प्युरिफायर्सची रेंज केली लाँच
150 सीसी व्हर्जनमध्ये NTORQ 125 प्रमाणेच एप्रन-माउंटेड हेडलाइट आणि एलईडी लाइटिंग असू शकते. यासोबतच, ब्लूटूथ कनेक्टिव्हिटी आणि टर्न-बाय-टर्न नेव्हिगेशनसह TFT इन्स्ट्रुमेंट कन्सोल देखील प्रदान केला जाऊ शकतो. या स्पोर्टी 150 सीसी टीव्हीएस स्कूटरमध्ये बेस व्हेरियंटमध्ये सिंगल-चॅनेल एबीएस असण्याची अपेक्षा आहे आणि टॉप व्हेरियंटमध्ये ड्युअल-चॅनेल एबीएस दिले जाऊ शकते. हे 125 सीसी NTORQ सारख्या अनेक व्हेरियंटसह लाँच केले जाऊ शकते.
Yamaha Aerox, Hero Xoom 160 आणि Aprilia SXR160 या 150-160 सीसी सेगमेंटमध्ये येतात. यापैकी फक्त SXR160 मध्ये एअर-कूल्ड इंजिन आहे. तर यामाहा आणि हिरोमध्ये लिक्विड-कूल्ड इंजिन आहेत. सध्या, टीव्हीएस 300 सीसीपेक्षा कमी क्षमतेच्या कोणत्याही बाईकवर लिक्विड-कूल्ड इंजिन देत नाही. याचा विचार करता असे म्हणता येईल की TVS Ntorq 150 मध्ये एअर-कूल्ड इंजिन दिले जाऊ शकते.
महागाई झाली कमी, एप्रिल २०२५ मध्ये किरकोळ महागाई ६ वर्षांच्या नीचांकी पातळीवर
टीव्हीएस मोटर नेहमीच किंमती स्पर्धात्मक ठेवण्यासाठी ओळखली जाते आणि कंपनीने 125 सीसी एनटॉर्कसह हेच केले आहे. त्यात उपलब्ध असलेल्या अपडेट्सबद्दल, असे म्हणता येईल की TVS Ntorq 150 ची किंमत 1.3 लाख ते 1.4 लाख रुपयांपर्यंत असू शकते. भारतीय मार्केटमध्ये, ही स्कूटर Yamaha Aerox, Hero Xoom 160 आणि Aprilia SXR 160 शी स्पर्धा करेल.
