मंगळवार, 29 सप्टेंबर 2026
(फोटो सौजन्य-AI एआय)
अल्ट्राव्हायोलेट शॉकवेवला मार्च 2025 मध्ये पहिल्या 1000 कस्टमरसाठी ₹1.49 लाखांच्या एक्स-शोरूम किंमतीत सादर करण्यात आले होते. त्यावेळी 2026 च्या सुरुवातीपासून डिलिव्हरी सुरू करण्याचे सांगण्यात आले होते. पण आता लाँचला आणखी काही काळ लागणार आहे. कंपनीने शॉकवेवच्या उत्पादनासाठी आपल्या विद्यमान मॅन्युफॅक्चरिंग प्लांटमध्ये प्रोडक्शन लाइनची तयारी सुरू केली आहे.
ई-स्कूटरच्या निर्यातीत ‘या’ कंपनीचा धुमाकूळ! TVS, Bajaj, Hero अन् Atherलाही टाकलं मागे
नव्या 100V टेक्नोलॉजीमुळे काय बदलणार?
शॉकवेवमध्ये वापरले जाणारे नवीन 100V आर्किटेक्चर या इलेक्ट्रिक बाइकचे खास आकर्षण ठरणार आहे. या टेक्नोलॉजीमुळे पॉवर डिलिव्हरी जास्त प्रभावी होण्यासोबत थर्मल एफिशियन्सी सुधारण्याची अपेक्षा आहे. तसेच चार्जिंगचा वेगही वाढणार आहे. कंपनीने ही बाइक हलक्या वजनाच्या राइडिंग अनुभवासाठी विकसित केली आहे.
शॉकवेवमध्ये 3.5 kWh बॅटरी पॅक देण्यात आला असून IDC सर्टिफाइड रेंज 165 किमी आहे. बाइकचा पीक पॉवर आउटपुट 14.5 bhp आहे, तर मागच्या चाकावर तब्बल 505 Nm टॉर्क मिळतो. 0-60 kmph वेग पकडण्यासाठी तिला फक्त 2.9 सेकंद लागतात. त्यामुळे शहरातील दैनंदिन वापरासोबतच स्पोर्टी राइडिंगचा अनुभव देण्यावर कंपनीचा भर आहे.
Honda QC3 vs TVS iQube 3.1 kWh: किंमत, रेंज आणि फीचर्समध्ये कोण किती पुढे? जाणून घ्या
19-इंच फ्रंट व्हील आणि USD फोर्क
अल्ट्राव्हायोलेट शॉकवेवमध्ये पुढील बाजूला 19-इंच स्पोक व्हील असून त्यावर 90/90 सेक्शन टायर आहे. मागे 17-इंच स्पोक व्हीलसह 110/90 टायर मिळतो. सस्पेन्शनसाठी पुढे USD फोर्क आणि मागे मोनोशॉक देण्यात आला आहे. ब्रेकिंगसाठी दोन्ही चाकांवर डिस्क ब्रेक्स मिळतात.
ही इलेक्ट्रिक बाइक Cosmic Black आणि Frost White अशा 2 रंगांमध्ये येणार आहे. सिंगल-सीट आणि ड्युअल-सीट असे दोन्ही ऑप्शन कस्टमरसाठी अव्हेलेबल असतील.
अल्ट्राव्हायोलेटने शॉकवेवला जुन्या 2-स्ट्रोक मोटरसायकलच्या हलक्या, मजेशीर आणि एंगेजिंग राइडिंग अनुभवातून प्रेरणा घेत तयार केले आहे. याआधी कंपनीने Tesseract इलेक्ट्रिक स्कूटरचे लाँच आणि डिलिव्हरी वेळापत्रकही पुढे ढकलले होते. आता शॉकवेवसाठी Q1 2027 ची वेळ निश्चित करण्यात आली असून, लाँचच्या जवळ कंपनी अंतिम स्पेसिफिकेशन्स आणि इतर डिटेल्स जाहीर करणार आहे.
