या किंमतीत लाँच झाली अपडेटेड Citroen C3 Aircross, जाणून घ्या फीचर्स

सिट्रोएनने भारतीय कार मार्केटमध्ये अनेक कार्स विक्रीसाठी उपलब्ध करून दिले आहेत. नुकतेच कंपनीने C3 Aircross ही अपडेटेड व्हर्जनसह लाँच केली आहे. चला जाणून घेऊया, त्यात कोणत्या प्रकारचे अपडेट्स दिले गेले आहेत, तसेच ही कार कोणत्या किंमतीला खरेदी केले जाऊ शकते?

फोटो सौजन्य: Social Media

Follow Us:

Follow Us:

भारतीय ऑटोमोबाईल क्षेत्र हे एवढे मोठे आहे की त्यात फक्त भारतीय ऑटो कंपनीज नाही तर जगभरातील कंपनीज कार्यरत आहे. बदलत्या काळानुसार ग्राहकांची कारबद्दल असणारी अपेक्षा सुद्धा बदलत आहे. अशावेळी प्रत्येक ऑटो कंपनी ही नेहमीच ग्राहकांना आकर्षित करण्यासाठी नवीन कार्स बाजारात आणत असते.

फ्रेंच ऑटोमोबाईल उत्पादक Citroen भारतीय बाजारपेठेत अनेक सेगमेंटमध्ये कार ऑफर करते. नुकतेच त्यांनी C3 Aircross कंपनीने अपडेटसह लाँच केले आहे. त्यात कोणते बदल करण्यात आले आहेत आणि आता ते कोणत्या किंमतीला खरेदी केली जाऊ शकते? त्याची डिलिव्हरी कधी सुरू होईल? या सर्व प्रश्नांची उत्तरे आपण जाणून घेणार आहोत.

हे देखील वाचा: Range Rover च्या ‘या’ कारचे लॉंचिंग! प्रत्येक कार विक्रीचा एक भाग दिला जाणार वाघ, वन्यजीव संरक्षणासाठी

अपडेटेड फीचर्स

कंपनीच्या माहितीनुसार, Citroen C3 Aircross च्या नवीन व्हर्जनमध्ये LED प्रोजेक्टर हेडलॅम्प, ऑटो एसी, पॉवर विंडो स्विच, पॅसेंजर साइड ग्रॅब हँडल, पॉवर फोल्डिंग ORVM, रिअर एसी व्हेंट, सॉफ्ट टच इन्स्ट्रुमेंट पॅनल यांसारख्या फीचर्ससह अपडेट करण्यात आले आहे. यासोबतच, यात इंटेलिजेंट स्टोरेज सोल्यूशन आणि 360 मिमी कॉम्पॅक्ट स्टीयरिंग व्हील, 10.25 इंच इन्फोटेनमेंट सिस्टम, 40 कनेक्टिव्हिटी फीचर्स सोबत MyCitroen Connect ॲप आणि 70 हून अधिक ॲक्सेसरीजसह कस्टमायझेशन ऑप्शन देण्यात आले आहेत.

ग्राहकांच्या सुरक्षेतेवर जास्त लक्ष

Citroen ने SUV च्या सुरक्षेकडे देखील खूप बारकाईने लक्ष दिले आहे. कंपनीने ही कार अपडेट करण्यासोबत तिला अधिक सुरक्षित बनवली आहे. आता यात इलेक्ट्रॉनिक स्टेबिलिटी प्रोग्राम, टायर प्रेशर मॉनिटरिंग सिस्टम आणि हिल-होल्ड असिस्ट यासारखी 40 हून अधिक ऍडव्हान्स सेफ्टी फीचर्स दिले आहेत.

हे देखील वाचा: टाटा पंचला टक्कर देण्यासाठी सिट्रॉन इंडियाची झेप? लाँच केली C3 ऑटोमॅटिक कार

दमदार इंजिन

कंपनीने 1.2 लिटर क्षमतेचे Gen3 Puretech 110 Turbo आणि Puretech 82 नॅचरली एस्पिरेटेड इंजिन दिले आहेत. यात पाच स्पीड मॅन्युअल, 6 स्पीड मॅन्युअल आणि 6 स्पीड ऑटोमॅटिक ट्रान्समिशनचा पर्याय आहे.

किंमत किती?

या कारच्या बेस व्हेरिएंटची एक्स-शोरूम किंमत 8.49 लाख रुपये ठेवण्यात आली आहे तर त्याच्या टॉप व्हेरिएंटची एक्स-शोरूम किंमत 13.99 लाख रुपये आहे. 5+2 व्हेरियंटसाठी तुम्हाला 35 हजार रुपये वेगळे द्यावे लागतील. त्यासाठीचे बुकिंग आजपासून म्हणजेच 30 सेप्टेंबपसून सुरू करण्यात आले असून 8 ऑक्टोबरपासून या कारची डिलिव्हरी सुरू होणार आहे.

Web Title: Updated citroen c3 aircross launched know price and features

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com