रविवार, 15 नोव्हेंबर 2026
फोटो सौजन्य: Pinterest
चिनी स्मार्टफोन कंपनी म्हणून ओळखली जाणारी Xiaomi आता इलेक्ट्रिक कार मार्केटमध्येही वेगाने आपली ओळख निर्माण करताना दिसत आहे. नुकतेच कंपनीने आपली नवीन Xiaomi SU7 इलेक्ट्रिक कारचे अपडेटेड मॉडेल लाँच केले आहे. ही कार आधीपेक्षा अधिक पॉवरफुल, सुरक्षित आणि अत्याधुनिक तंत्रज्ञानाने सुसज्ज आहे. या कारचे सर्वात मोठे वैशिष्ट्य म्हणजे लॉंग रेंज आणि अतिशय फास्ट स्पीड, ज्यामुळे ती इतर इलेक्ट्रिक कार्सपेक्षा वेगळी ठरते.
Xiaomi SU7 तीन व्हेरिएंटमध्ये उपलब्ध आहे; स्टँडर्ड, प्रो आणि मॅक्स. स्टँडर्ड व्हेरिएंटची किंमत सुमारे 30 लाख रुपयांपासून सुरू होते. प्रो व्हेरिएंटची किंमत अंदाजे 34 लाख रुपये आहे, तर टॉप मॅक्स व्हेरिएंटची किंमत सुमारे 41 लाख रुपयांपर्यंत जाते. या प्रत्येक व्हेरिएंटमध्ये फीचर्स आणि परफॉर्मन्सनुसार फरक आहे.
Xiaomi SU7 ची सर्वात मोठी ताकद म्हणजे याची बॅटरी आणि परफॉर्मन्स. कंपनीच्या माहितीनुसार, प्रो व्हेरिएंट एकदा पूर्ण चार्ज केल्यानंतर सुमारे 902 किमीपर्यंत चालू शकतो. ही कार फास्ट चार्जिंगला सपोर्ट करते आणि केवळ 15 मिनिटांत सुमारे 670 किमी रेंज मिळू शकते. 10% ते 80% चार्ज होण्यासाठी फक्त 12 मिनिटे लागतात. स्पीडच्या बाबतीतही ही कार अतिशय वेगवान आहे. ती 0 ते 100 किमी प्रति तासाचा वेग फक्त 3.08 सेकंदात पकडते आणि तिचा टॉप स्पीड 265 किमी प्रति तास आहे.
Xiaomi SU7 मध्ये अनेक प्रगत फीचर्स देण्यात आले आहेत. यात Snapdragon 8 Gen 3 चिप आणि NVIDIA DRIVE AGX Thor चिपचा समावेश आहे. कारमध्ये 6 डिस्प्ले स्क्रीन आहेत, ज्या मागे बसलेले प्रवासीही कंट्रोल करू शकतात. ही कार Xiaomi च्या HyperOS वर चालते, ज्यामुळे घरातील स्मार्ट डिव्हाइसेसही कारमधून नियंत्रित करता येतात. यामध्ये AI व्हॉइस असिस्टंटचाही समावेश आहे.
Volkswagen Taigun Faelift च्या लाँच होण्याची तयारी सुरु? मिळाली ‘ही’ महत्वाची माहिती
Xiaomi SU7 चे डिझाइन प्रीमियम आणि आकर्षक आहे. ही सुमारे 5 मीटर लांबीची सेडान कार आहे. यात 9 वेगवेगळ्या रंगांचे पर्याय मिळतात. आतील सीट्स लांब प्रवासात आराम मिळावा यासाठी खास डिझाइन केल्या आहेत.
सेफ्टीसाठी यात 9 एअरबॅग्स देण्यात आल्या आहेत आणि मजबूत स्टील बॉडी वापरण्यात आली आहे. बॅटरी डिझाइन अशा प्रकारे केले आहे की अपघाताच्या वेळी आग लागण्याचा धोका कमी होतो. तसेच ही कार रस्त्याच्या परिस्थितीनुसार स्वतःची ग्रिप आपोआप अ‍ॅडजस्ट करू शकते.
