Yamaha ची नवीन E Scooter पाहिलीत का? ड्रायव्हिंग रेंज तर एकदमच भारी

यामाहाने जपानमध्ये त्यांची नवीन इलेक्ट्रिक स्कूटर सादर केली आहे. खासकरून शहरांमध्ये ही स्कूटर चालवण्यासाठी अगदी योग्य आहे. चला याबद्दल अधिक माहिती जाणून घेऊयात.

• यामाहाची नवीन इलेक्ट्रिक स्कूटर
• जपानमध्ये केली स्कूटर सादर
• किंमत 90 हजार रुपये

भारतीय बाजारासह अनेक कंपन्या आहेत, ज्या बदलत्या काळानुसार दमदार वाहनं ऑफर करत असतात. सध्या मार्केटमध्ये इलेक्ट्रिक वाहनांचे वारे जोरात वाहत आहे. ग्राहक देखील इंधनावर चालणाऱ्या वाहनांपेक्षा इलेक्ट्रिक वाहनांना जास्त प्राधान्य देत आहे. त्यातही इलेक्ट्रिक दुचाक्यांना विशेष मागणी मिळताना दिसत आहे. नुकतेच Yamaha ने त्यांची नवीन इलेक्ट्रिक स्कूटर जपानमध्ये सादर केली आहे.

जपानमध्ये यामाहाने त्यांची नवीन इलेक्ट्रिक स्कूटर Yamaha Jog E सादर केली आहे. ही एक कॉम्पॅक्ट, व्यावहारिक आणि परवडणारी इलेक्ट्रिक स्कूटर आहे जी शहरातील प्रवाशांसाठी डिझाइन केलेली आहे. यात अनेक प्रभावी फीचर्स आहेत. ही इलेक्ट्रिक स्कूटर आयसीई-चालित जॉग स्कूटरची जागा घेते. चला या स्कूटरच्या फीचर्सबद्दल जाणून घेऊयात.

Skoda च्या वाहनांना जबरदस्त मागणी! 20 लाख वाहन उत्पादनाचा टप्पा केला पार

Yamaha Jog E बॅटरी पॅक आणि रेंज

या इलेक्ट्रिक स्कूटरचे खास फीचर्स म्हणजे त्याचे स्वॅपेबल बॅटरी सिस्टीम. कंपनीने होंडा, सुझुकी, यामाहा आणि कावासाकी यांच्या सहकार्याने ही स्कूटर विकसित केली आहे. यात 1.5 किलोवॅट क्षमतेची बॅटरी आहे. Jog E मध्ये सिंगल स्वॅपेबल बॅटरी पॅक आहे. ही स्वॅपेबल बॅटरी पूर्ण चार्ज केल्यानंतर फक्त 53 किमीची रेंज देते. यात एसी सिंक्रोनस मोटर आहे, जी 2.3 पीएस पॉवर आणि 90 एनएम टॉर्क जनरेट करते.

व्हील, ब्रेक आणि सस्पेंशन

Yamaha Jog E मध्ये पुढे 12-inch आणि मागे 10-inch ची व्हील्स दिली आहेत. पुढच्या बाजूला डिस्क ब्रेक आणि मागील बाजूला ड्रम ब्रेक मिळतो. सोबतच कॉम्बी ब्रेक सिस्टीमचाही समावेश आहे. Yamaha च्या या इलेक्ट्रिक स्कूटरमध्ये पुढे टेलिस्कोपिक फोर्क आणि मागे ड्युअल शॉक अब्झॉर्बर दिले आहेत.

घर आणि ऑफिसच्या प्रवासासाठी Petrol Car चांगली की Electric? अगदी सोप्या भाषेत समजून घ्या

Yamaha Jog E चे डिझाइन

या स्कूटरचे डिझाइन साधे, क्लीन आणि मॉडर्न आहे. ही स्कूटर Grey Metallic आणि Light Grey दोन कलर ऑप्शन्समध्ये उपलब्ध आहे Dark. यात ऑल-LED लाईटिंग, पॉलीगोनल हेडलॅम्प, सर्क्युलर मिरर्स, फ्लॅट बॉडी पॅनेल, इंटिग्रेटेड इंडिकेटर्ससह हॉरिझॉन्टल टेल-लॅम्प दिला आहे. तसेच 500 ml फ्रंट युटिलिटी पॉकेट, USB Type-A चार्जिंग स्लॉट, मोठा हुक, सीटखाली स्टोरेज आणि इन्व्हर्टेड LCD इन्स्ट्रुमेंट स्क्रीन मिळते. स्कूटरमध्ये तीन राइडिंग मोड्सही दिले आहेत.

किती आहे किंमत?

Yamaha Jog E इलेक्ट्रिक स्कूटरची किंमत 159,500 JPY (सुमारे ₹90,000) ठेवण्यात आली आहे. ही किंमत फक्त स्कूटरसाठी आहे. तिच्या बॅटरी आणि स्वॅपिंग सर्व्हिससाठी स्वतंत्र शुल्क भरावे लागेल.