Farmer Loan Waiver : शेतकऱ्यांसाठी मोठी बातमी! कर्जमाफीचा दुसरा हप्ता खात्यात, मुख्यमंत्री फडणवीसांनी दिली माहिती

Farmer Loan Waiver : महाराष्ट्रातील बळीराजासाठी मोठी बातमी समोर येत आहे. राज्य सरकारने शेतकऱ्यांना मोठा दिलासा दिला आहे. शेतकरी कर्जमाफी योजनेचा दुसरा हप्ता पात्र शेतकऱ्यांच्या बँक खात्यात थेट जमा होण्यास सुरुवात झाली आहे. या संदर्भातील माहिती मुख्यमंत्री देवेंद्र फडणवीस यांनी दिली आहे.

• शेतकऱ्यांची प्रतिक्षा संपली!
• कर्जमाफीचा दुसरा हफ्ता वितरी
• मुख्यमंत्री फडणीसांची माहिती

Farmer Loan Waiver : शेतकरी कर्जमाफीबाबत मोठी बातमी समोर येत आहे. पुण्यश्लोक अहिल्यादेवी होळकर शेतकरी कर्जमुक्ती योजनेतील दुसरा हफ्ता वितरीत करण्यात आला आहे. महाराष्ट्र राज्याचे मुख्यमंत्री देवेंद्र फडणवीस यांनी याबाबत माहिती दिली आहे. दुसऱ्या यादीतील शेतकऱ्यांना कर्जमाफीची रक्कम वितरित करण्यासाठी चार हजार कोटी रुपये वितरीत करण्यास मान्यता देण्यात आली होती. त्यानुसार ही रक्कम शेतकऱ्यांच्या खात्यात जमा करण्यात आली आहे. ( Farmer Loan Waiver ) 

Online Onion Price : कांद्याचे भाव वाढले? ऑनलाईन मागवताना ‘या’ ॲपवर मिळेल चांगली ऑफर; Blinkit आणि Zepto मध्ये किती फरक?

पहिल्या हफ्त्यानंतर मुख्यमंत्र्यांची घोषणा

शेतकरी कर्जमाफी योजनेतील पात्र शेतकऱ्यांची पहिली यादी काही दिवसांपूर्वी जाहीर करण्यात आली होती. या यादीतील पात्र शेतकऱ्यांच्या खात्यात आता 5 हजार कोटींचा पहिला हफ्ता वितरित करण्यात आला होता. याबाबतची माहिती मुख्यमंत्री देवेंद्र फडणवीस यांनी 7 ऑगस्ट दिवशी पत्रकार परिषद घेत याबाबत माहिती दिली होती. तसेच कर्जमाफी योजनेत दुसरा हफ्त लवकरच वितरित करण्यात येणार असल्याचीही माहिती त्यांनी यावेळी दिली होती. त्यांनी सांगितल्या प्रमाणे 24 ऑगस्टला शेतकरी कर्जमाफीचा दुसरा हफ्ता वितरीत करण्यात आला आहे.

2 टप्प्यात इतक्या शेतकऱ्यांना कर्जमाफीची रक्कम

दुसऱ्या टप्प्यात 6 लाख 20 हजार शेतकऱ्यांना कर्जमाफीची रक्कम वितरित करण्यात आली आहे. कर्जमाफीसाठीर सरकारने पावसाळी अधिवेशनात 20 हजार कोटी रुपयांची तरतूद केली होती. सहकारमंत्री बाबासाहेब पाटील यांनी मागील आठवड्यात 6 लाख 20 हजार शेतकऱ्यांना कर्जमाफीची रक्कम वितरित करण्यात येणार असल्याचं सांगितलं होतं. त्यानंतर एका आठवड्याभरात ही रक्कम वितरित करण्यास सरकारकडून मान्यता देण्यात आली.

आधार प्रमाणीकरण शेतकऱ्यांना फायदा?

सरकारने पहिल्या टप्प्यात 16 लाख 96 हजार पात्र शेतकऱ्यांची यादी प्रसिद्ध करण्यात आली होती. यापैकी 13 लाख 56 हजार शेतकऱ्यांनी आधार प्रमाणीकरण केले आहे. तर बाकी 3 लाख 39 हजार शेतकऱ्यांचं प्रमाणीकरण झालेलं नाही. यापूर्वी 7 हजार कोटी रुपयांपैकी शिल्लक रक्कम आणि सध्या मंजूर झालेले 4 हजार कोटी रुपये अशी रक्कम थेट बँक खात्यात हस्तांतरीत करण्यात आली आहे. आधार प्रमाणीकरण झालेल्या शेतकऱ्यांना 4 हजार कोटी रुपयांचं वितरण करण्यात आली आहे.

Ganesh Idol Price Hike : गणेशोत्सवाला महागाईची झळ! बाप्पाच्या मूर्तींचे दर कडाडले, तब्बल 30 टक्क्यांची वाढ