(फोटो सौजन्य - सोशल मीडिया)
हा महत्त्वपूर्ण निर्णय हरियाणा सरकारने घेतला आहे. सरकारने अन्नपदार्थ आणि उत्पादनांमधील भेसळीविरोधात एक मोठं आणि महत्त्वाचं पाऊल उचललं आहे. ज्यामुळे ग्राहकांची दिशाभूल केली जाते अशा गोष्टींचे शिगंजे आवळण्याचं काम सध्या सरकार करत आहे. राज्य सरकारने, मानकांची पूर्तता न करणाऱ्या आणि ‘तूप’ म्हणून लेबल लावलेल्या उत्पादनांचे उत्पादन, विक्री, साठवणूक आणि पुरवठ्यावर एका वर्षासाठी बंदी घातली आहे. हा आदेश संपूर्ण हरियाणा राज्यात लागू करण्यात आला आहे.
हा निर्णय अशा वेळा घेण्यात आला आहे ज्यावेळी राज्यात अन्न सुरक्षा विभाग अन्न गुणवत्ता आणि भेसळीविरोधात सातत्याने कारवाई केली जात आहे. या आदेशानुसार, बाजारात ‘तूप’ या नावाने विकल्या जाणाऱ्या बनावट उत्पादनांवर बंदी घालण्यात आली आहे.
हरियाणा सरकारच्या आदेशानुसार, ‘तूप’ म्हणून विकले जाणारे किंवा जाहिरात केले जाणारे कोणतेही उत्पादन, ज्याची रचना आणि गुणवत्ता ठरवून दिलेल्या गुणवत्ता मानकांची पूर्तता करत नाही अशा गोष्टींच्या विक्री आणि वितरणावर बंदी घालण्यात येईल. विशेषतः, पूजेसाठीचे तूप, दिव्यासाठीचे तूप, वनस्पती तूप, स्वयंपाकाचे तूप, जेवणाचे तूप आणि हवनासाठीचे तूप यांसारख्या नावांनी विकल्या जाणाऱ्या उत्पादनांचाही या आदेशात समावेश करण्यात आहे. ही उत्पादने बाजारात ‘तूप’ या नावाने विकली जाऊ शकत नाहीत.
सरकारने घेतलेल्या या निर्णयाचा अर्थ असा नाही की बाजारातील सर्व प्रकारच्य तुपाच्या विक्रीवर बंदी घालण्यात आली आहे. अन्न सुरक्षा मानकांची पूर्तता करणाऱ्या तुपाची विक्री सुरूच राहणार आहे. या आदेशात स्पष्ट करण्यात आले आहे की, शुद्ध तुपावर बंदी घालण्यात आलेली नाही. पण बनावट किंवा मानकांची पुर्तता केली जात नाही अशा तुपावर बंदी घातली आहे.
२१ ऑगस्ट २०२६ पासून एक वर्षासाठी हा आदेश लागू करण्यात आला आहे. याचा अर्थ असा की, जर हा आदेश रद्द केला नाही, तर ही बंदी ऑगस्ट २०२७ पर्यंत लागू राहील. हरियाणाचे अन्न सुरक्षा आयुक्त, डॉ. मनोज कुमार यांनी जारी केलेला हा आदेश, अन्न सुरक्षा आणि मानक कायदा, २००६ च्या कलम ३०(२)(अ) चा आधार येतो.
तुपाव्यतिरिक्त, हरियाणा सरकारने अॅनालॉग किंवा नॉन-डेअरी चीज आणि बटरच्या नावाखाली विकल्या जाणाऱ्या मार्जरीनच्या विक्रीवरही एक वर्षाची बंदी घातली आहे. अॅनालॉग चीजमध्ये अशा उत्पादनांचा समावेश होतो, जी दिसायला आणि स्पर्शाला नेहमीच्या चीजसारखीच असतात, परंतु दुधाच्या फॅटऐवजी, ती पूर्णपणे किंवा अंशतः वनस्पती तेल आणि वनस्पती फॅट वापरून बनवलेली असतात.
.png "Videos"){kind=small}
