‘Maharashtra Energy Expo’ मध्ये पुणेकरांचे लक्ष! जेनस इनोव्हेशनकडून ‘हाय-फ्लो हायब्रिड सोलर इन्व्हर्टर’ सादर

Business: जेनस इनोव्हेशनने ऊर्जा साठवणूक आणि विद्युत उपकरणांच्या क्षेत्रात आपली उपस्थिती मजबूत केली असून, कंपनीकडे दरवर्षी ७ लाख ५० हजारांहून अधिक उपकरणांच्या निर्मितीची क्षमता आहे.

हाय-फ्लो हायब्रिड सोलर इन्व्हर्टर’चे सादरीकरण
पुण्यात महाराष्ट्र ऊर्जा एक्स्पो 2026 चे आयोजन
देशभरात वाढत आहे सौर उर्जेचा वापर

पुणे/Business:  ऊर्जा साठवणूक प्रणाली आणि अक्षय ऊर्जा व्यवस्थापन क्षेत्रातील आघाडीची कंपनी जेनस इनोव्हेशन लिमिटेडने पुणे येथील ऑटो क्लस्टर डेव्हलपमेंट अँड रिसर्च इन्स्टिट्यूट येथे आयोजित महाराष्ट्र ऊर्जा एक्स्पो 2026 मध्ये आपल्या ‘हाय-फ्लो हायब्रिड सोलर इन्व्हर्टर’चे सादरीकरण केले. सौर ऊर्जा, बॅटरी साठवणूक आणि वीज वितरण जाळ्यातील वीज यांचे एकत्रित व्यवस्थापन करणाऱ्या या प्रणालीचे यावेळी प्रात्यक्षिक सादर करण्यात आले.

देशात घरगुती तसेच व्यावसायिक स्तरावर सौर ऊर्जेचा वापर वाढत असताना, अखंडित वीजपुरवठा आणि ऊर्जा व्यवस्थापनाची गरजही वाढत आहे. या पार्श्वभूमीवर ‘हाय-फ्लो हायब्रिड सोलर इन्व्हर्टर’ची निर्मिती करण्यात आली आहे. ही प्रणाली सौर ऊर्जा, बॅटरी आणि वीज वितरण जाळ्यातील वीज यांचा समन्वय साधून सौर ऊर्जेचा अधिकाधिक वापर करण्यास मदत करते.

यावेळी जेनस इनोव्हेशन लिमिटेडचे संचालक तथा मुख्य विपणन व विक्री अधिकारी यश तोडी म्हणाले, “देशातील ऊर्जा संक्रमणाच्या पुढील टप्प्यात वीजपुरवठ्याची विश्वासार्हता, ऊर्जा साठवणूक आणि बुद्धिमान ऊर्जा व्यवस्थापन यांना विशेष महत्त्व प्राप्त होणार आहे. घरांच्या छतावरील सौर ऊर्जा प्रकल्पांचा विस्तार होत असताना, सौर ऊर्जा, बॅटरी साठवणूक आणि वीज वितरण जाळ्याशी समन्वय साधणाऱ्या तंत्रज्ञानाची गरज वाढत आहे.

Gullak x CEEW: ‘गुल्लक’ आणि CEEW ची भागीदारी; छतावरील सौरऊर्जेबाबत जनजागृतीसाठी नवा उपक्रम

महाराष्ट्रात, विशेषतः पुणे परिसरात, सौर ऊर्जेबाबत वाढती जागरूकता आणि विविध धोरणात्मक उपक्रमांमुळे छतावरील सौर ऊर्जा प्रकल्पांचा वापर वाढत आहे. या बदलत्या गरजा लक्षात घेऊन सौर ऊर्जा निर्मिती, ऊर्जा साठवणूक आणि बुद्धिमान वीज व्यवस्थापन यांचा एकत्रित अनुभव देणारे तंत्रज्ञानाधारित समाधान उपलब्ध करून देण्याचा आमचा प्रयत्न आहे.”

‘हाय-फ्लो हायब्रिड सोलर इन्व्हर्टर’मध्ये बुद्धिमान ऊर्जा व्यवस्थापनाची सुविधा असून, सौर ऊर्जेचा कार्यक्षम वापर करताना वीज वितरण जाळ्यावरील अवलंबित्व कमी करण्यास ते सहाय्य करते. या प्रणालीमध्ये १० मिलिसेकंदांपेक्षा कमी वेळेत अखंडित वीजपुरवठ्यासाठी जलद संक्रमणाची सुविधा, भाराला प्राधान्य देण्याची प्रणाली आणि दूरस्थ निरीक्षणासाठी अंगभूत वाय-फाय सुविधा उपलब्ध आहे. तसेच, एकापेक्षा अधिक प्रणाली परस्पर जोडून क्षमतेत वाढ करण्याची सुविधाही देण्यात आली आहे. ९९.९ टक्क्यांहून अधिक प्रगत एमपीपीटी कार्यक्षमतेमुळे सौर ऊर्जेचा अधिकाधिक वापर साध्य करण्यास मदत होते.

याशिवाय, जेनस इनोव्हेशनने ऊर्जा साठवणूक प्रणालीच्या श्रेणीतील लिथियम-आधारित ‘मॅक्सिलायन’ इन्व्हर्टर आणि बॅटरी व्यवस्थापन प्रणालीचेही प्रदर्शन केले. ऊर्जा साठवणुकीची कार्यक्षमता, सुरक्षितता आणि प्रणालीचे कार्यकाल वाढविण्याच्या दृष्टीने या तंत्रज्ञानाची निर्मिती करण्यात आली आहे.

‘रूफटॉप सोलर’ने उजळणार गरिबांचे घर! २५०० रुपयात वीजबिलातून सुटका; अतिरिक्त वीज विकून उत्पन्नाचीही संधी

महाराष्ट्र ऊर्जा एक्स्पो २०२६ मधील जेनस इनोव्हेशनचा सहभाग हा भारतातील बदलत्या विकेंद्रित ऊर्जा व्यवस्थेसाठी तंत्रज्ञानाधारित आणि विस्तारक्षम उपाययोजना विकसित करण्याच्या कंपनीच्या प्रयत्नांचा एक भाग आहे. ऊर्जा साठवणूक, स्मार्ट ऊर्जा व्यवस्थापन आणि विकेंद्रित वीज प्रणाली या क्षेत्रांवर कंपनीचा विशेष भर आहे.

जेनस इनोव्हेशनने ऊर्जा साठवणूक आणि विद्युत उपकरणांच्या क्षेत्रात आपली उपस्थिती मजबूत केली असून, कंपनीकडे दरवर्षी ७ लाख ५० हजारांहून अधिक उपकरणांच्या निर्मितीची क्षमता आहे. १ लाख ५० हजार चौरस फुटांहून अधिक क्षेत्रफळाच्या एकात्मिक उत्पादन सुविधांच्या माध्यमातून कंपनीचे कामकाज सुरू आहे. देशभरातील १० हजारांहून अधिक विक्री भागीदारांच्या जाळ्याद्वारे कंपनीने ५० लाखांहून अधिक ग्राहकांपर्यंत आपली उत्पादने पोहोचवली आहेत. तसेच, २८ हून अधिक देशांमध्ये कंपनीची उत्पादने निर्यात केली जात आहेत. महाराष्ट्र ऊर्जा एक्स्पो २०२६ मध्ये जेनस इनोव्हेशनच्या स्टॉल क्रमांक २२ येथे उत्पादनांचे प्रत्यक्ष प्रात्यक्षिक आणि तज्ज्ञांशी संवाद साधण्याची सुविधा उपलब्ध आहे.