इस्रायल-इराण तणाव आणि कच्च्या तेलाच्या किमती निश्चित करतील या आठवड्यात शेअर बाजाराची हालचाल

Market Outlook: रेलिगेअर ब्रोकिंग लिमिटेडचे ​​वरिष्ठ उपाध्यक्ष (संशोधन) अजित मिश्रा म्हणाले, "या आठवड्यात बाजाराची दिशा जागतिक संकेतांवरून ठरवली जाईल. विशेषतः इस्रायल-इराण तणाव, अमेरिकेचे आर्थिक डेटा आणि फेडरल रिझर्व्ह

इस्रायल-इराण तणाव आणि कच्च्या तेलाच्या किमती निश्चित करतील या आठवड्यात शेअर बाजाराची हालचाल (फोटो सौजन्य - सोशल मीडिया)

Follow Us:

Follow Us:

Market Outlook Marathi News: या आठवड्यात देशांतर्गत शेअर बाजाराची दिशा इस्रायल आणि इराणमधील वाढत्या तणावावर आणि जागतिक पुरवठ्यावर त्याचा परिणाम यावर अवलंबून असेल. तसेच, कच्च्या तेलाच्या किमतीतील चढ-उतारांचाही बाजारातील हालचालींवर परिणाम होईल. जागतिक संकेत, परदेशी गुंतवणूकदारांच्या हालचाली आणि देशांतर्गत पातळीवर मान्सूनची प्रगती या आठवड्यात बाजाराचा मूड निश्चित करेल असे तज्ज्ञांचे म्हणणे आहे.

रेलिगेअर ब्रोकिंग लिमिटेडचे ​​वरिष्ठ उपाध्यक्ष (संशोधन) अजित मिश्रा म्हणाले, “या आठवड्यात बाजाराची दिशा जागतिक संकेतांवरून ठरवली जाईल. विशेषतः इस्रायल-इराण तणाव, अमेरिकेचे आर्थिक डेटा आणि फेडरल रिझर्व्ह अधिकाऱ्यांच्या टिप्पण्या महत्त्वाच्या असतील.”

कच्च्या तेलाचे दर १२० डॉलर्सच्या पुढे जाण्याची शक्यता! इराणवरील अमेरिकेचा हल्ला बाजारासाठी धोक्याची घंटा

त्यांनी असेही सांगितले की, देशांतर्गत पातळीवर गुंतवणूकदार मान्सूनची परिस्थिती, महिन्याचा शेवटचा आठवडा असल्याने डेरिव्हेटिव्ह्जचे सेटलमेंट, कच्च्या तेलाच्या किमती आणि परदेशी संस्थात्मक गुंतवणूकदारांचा (एफआयआय) वाटा यावर लक्ष ठेवतील. गेल्या आठवड्यात, बीएसई सेन्सेक्स १,०४६ अंकांनी वाढून ८२,४०८.१७ वर बंद झाला, तर एनएसई निफ्टी ३१९ अंकांनी वाढून २५,११२.४० वर पोहोचला.

जिओजित इन्व्हेस्टमेंट लिमिटेडचे ​​संशोधन प्रमुख विनोद नायर म्हणाले की, भू-राजकीय अनिश्चितता अजूनही कायम आहे. या आठवड्यात गुंतवणूकदार अमेरिकेच्या जीडीपी वाढीवर आणि पीसीई (वैयक्तिक वापर खर्च) डेटावरही लक्ष ठेवतील. याशिवाय, भारताचा पीएमआय (खरेदी व्यवस्थापक निर्देशांक) डेटा देखील बाजारासाठी महत्त्वाचा असेल. गेल्या आठवड्यात, सेन्सेक्सने एकूण १.५८ टक्के आणि निफ्टीने १.५९% ची वाढ नोंदवली.

मोतीलाल ओसवाल फायनान्शियल सर्व्हिसेसचे वेल्थ मॅनेजमेंटचे संशोधन प्रमुख सिद्धार्थ खेमका म्हणाले की, अमेरिकेतील उत्पादन आणि सेवा पीएमआय डेटा तसेच भू-राजकीय घटनांमुळे येत्या काळात जागतिक निर्देशकांची भूमिका अधिक महत्त्वाची होईल.

एफपीआय सहभागाबाबत, वॉटरफिल्ड अ‍ॅडव्हायझर्सचे वरिष्ठ संचालक (सूचीबद्ध गुंतवणूक) विपुल भोवर म्हणाले की, एप्रिलमध्ये एफपीआयचा प्रवाह कमी झाला होता, परंतु मे महिन्यात त्यात मोठी वाढ झाली, जी गेल्या आठ महिन्यांतील सर्वाधिक होती. तथापि, इस्रायल-इराण संघर्ष आणि इतर आंतरराष्ट्रीय घटनांमुळे जूनमध्ये बाजार सावध आणि सकारात्मक राहिला, असे त्यांनी सांगितले.

शुक्रवारी शेयर बाजाराची कामगिरी

सेन्सेक्समधील टॉप कंपन्यांमध्ये तेजी, ६ कंपन्यांचे मूल्य १.६२ लाख कोटींनी वाढले; एअरटेल-एचडीएफसी टॉप गेनर

Web Title: Israel iran tensions and crude oil prices will determine stock market movements this week

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com