(फोटो सौजन्य: सोशल मीडिया)
जगातील एकूण तेलापैकी एक तृतीयांश तेल हॉर्मुझच्या सामुद्रधुनीतूनच वाहून नेले जाते. ही सामुद्रधुनी बंद झाल्यामुळे, इंधनाच्या आयातीवर अवलंबून असलेल्या राष्ट्रांची अवस्था अत्यंत बिकट झाली आहे. परिणामी, जगभरातील ग्राहक आणि उद्योग पर्यायी ऊर्जा स्रोतांकडे वळण्यासाठी धडपड करत आहेत. चीनचे सौर पॅनेल आणि बॅटरी पॅक खरेदी करण्यासाठी जगभरात एकच चढाओढ सुरू आहे आणि या प्रवृत्तीमुळेच, चीनला लक्षावधी डॉलर्स कमावण्याची संधी मिळत आहे.
ब्लूमबर्गच्या एका अहवालानुसार, चीनच्या ‘जनरल ॲडमिनिस्ट्रेशन ऑफ कस्टम्स’कडील आकडेवारी असे दर्शवते की, मार्च महिन्यात देशाच्या Clean Tech निर्यातीत प्रचंड वाढ झाली आहे. लिथियम-आयन बॅटरींच्या निर्यातीत वार्षिक आधारावर ३४% वाढ झाली. इलेक्ट्रिक वाहनांच्या (EVs) निर्यातीत ५३% ची मोठी उसळी दिसून आली, तर Solar cells निर्यातीत मासिक आधारावर ऐतिहासिक ८०% वाढ नोंदवण्यात आली.
हॉर्मुझ सागरी मार्गाच्या बंद होण्यामुळे केवळ कच्च्या तेलाच्या किमतीच वाढल्या नाहीत, तर त्याची उपलब्धताही कमी झाली आहे. विश्लेषकांचे असं मानणं आहे की, जरी अमेरिका आणि इराण यांच्यात शांतता करार झाला, तरीही सागरी वाहतूक पूर्ववत होण्यासाठी अजूनही काही महिने लागतील. या अनिश्चिततेमुळे आशियाई आणि युरोपीय राष्ट्रांमध्ये इलेक्ट्रिक वाहनांच्या मागणीत मोठी वाढ झाली आहे. मार्च महिन्यात, चीनमधून होणारी इलेक्ट्रिक आणि हायब्रिड वाहनांची निर्यात ३,४९,००० युनिट्सच्या विक्रमी उच्चांकावर पोहोचली. यूके-स्थित ‘एम्बर’ या थिंक टँकचे विश्लेषक युआन ग्रॅहम यांच्या मते, “महागड्या इंधनापासून दिलासा मिळवून देणारा स्वच्छ तंत्रज्ञान हाच एकमेव मार्ग आहे आणि या वाढत्या मागणीचा लाभ उठवण्यासाठी चीन सर्वात अनुकूल स्थितीत आहे.”
.png "Videos"){kind=small}
