Mirzapur The Movie Release : ‘मिर्झापूर’चा भौकाल आता थेट थिएटरमध्ये! PVR INOX बनणार ‘मिर्झाPVR’; चाहत्यांसाठी खास सरप्राइज

Mirzapur The Movie Release : ओटीटीवर तुफान यश मिळवल्यानंतर 'मिर्झापूर' ही अतिशय लोकप्रिय फ्रँचायझी आता 'मिर्झापूर: द मूव्ही' द्वारे मोठ्या पडद्यावर येण्यासाठी सज्ज झाली आहे. यानिमित्ताने PVR INOX, एक्सेल एंटरटेनमेंट आणि अमेझॉन MGM स्टुडिओज यांनी एका खास भागीदारीची घोषणा केली आहे.

• एक्सेल एंटरटेनमेंटच्या ‘मिर्झापूर’चा दबदबा
• PVR INOX बनलं ‘मिर्झाPVR’
• नावात बदल करत ‘मिर्झाPVR’ची मोठी घोषणा

Mirzapur The Movie Release : PVR INOX, एक्सेल एंटरटेनमेंट आणि अमेझॉन MGM स्टुडिओज यांनी आज ‘मिर्झापूर: द मूव्ही’साठी या खास भागीदारीची घोषणा केली. यासोबतच प्रचंड लोकप्रिय असलेली ही फ्रँचायझी आता सिनेमागृहांमध्ये ( Mirzapur The Movie Release ) दाखल होण्यासाठी सज्ज झाली आहे. या खास प्रसंगाचा जल्लोष करण्यासाठी PVR INOXचं नाव बदलून ‘मिर्झाPVR’ करण्यात येणार आहे. देशातील निवडक सिनेमागृहांमध्ये हा खास टेकओव्हर पाहायला मिळणार असून, त्याची टॅगलाइन आहे “मिर्झाPVR  भौकाल आता मोठ्या पडद्यावर.”

‘मराठी’चा डिजिटल दबदबा वाढणार! ZEE5 च्या नव्या कंटेंटमध्ये कथा, वैविध्य आणि भरपूर मनोरंजन

चाहत्यांमध्ये प्रचंड लोकप्रिय

PVR INOX साठी ही भागीदारी दर्शवते की चाहत्यांमध्ये प्रचंड लोकप्रिय असलेल्या फ्रँचायझीला मोठ्या पडद्यावर एका वेगळ्या सिनेमॅटिक अनुभवासह सादर करून प्रेक्षकांशी अधिक घट्ट नातं निर्माण करण्याच्या किती मोठ्या संधी आहेत. तर एक्सेल एंटरटेनमेंट आणि अमेझॉन MGM स्टुडिओजसाठी ही भागीदारी ‘मिर्झापूर’ची सातत्याने टिकून असलेली लोकप्रियता, त्यातील व्यक्तिरेखा, कथा आणि गेल्या अनेक वर्षांत निर्माण झालेली खास ओळख यासोबत प्रेक्षकांचं असलेलं घट्ट नातं अधोरेखित करते.

‘मिर्झापूर’ एक कल्चरल फेनोमेनन

एक्सेल एंटरटेनमेंटचे CEO विशाल रामचंदानी म्हणाले, “गेल्या काही वर्षांत ‘मिर्झापूर’ एक कल्चरल फेनोमेनन बनलं आहे आणि त्याचा चाहतावर्गही प्रचंड मोठा आहे. जेव्हा आम्ही ही फ्रँचायझी सिनेमागृहांमध्ये घेऊन येत आहोत, तेव्हा तिची घोषणा देखील तिच्या भव्यतेला आणि ओळखीला साजेशी असावी, अशी आमची इच्छा होती. ‘मिर्झाPVR’ हा याच खास क्षणाचा उत्सव आहे आणि ‘मिर्झापूर’ला आजच्या या उंचीवर पोहोचवणाऱ्या प्रेक्षकांना दिलेली ही एक खास आदरांजली आहे.”

PVR INOXमध्ये आमचा विश्वास

PVR INOX लिमिटेडच्या लीड-स्ट्रॅटेजिस्ट निहारिका बिजली म्हणाल्या, “PVR INOXमध्ये आमचा विश्वास आहे की सिनेमाची ताकद केवळ चित्रपट पाहण्यात नाही, तर असा अनुभव एकत्र जगण्यात आहे, जो पुढे जाऊन एक कल्चरल मोमेंट बनू शकतो. ‘मिर्झापूर’साठी एक्सेल एंटरटेनमेंट आणि अमेझॉन MGM स्टुडिओजसोबतची आमची भागीदारी देखील असाच एक खास क्षण आहे.

आयकॉनिक विश्व आणखी मोठं करण्याची संधी

‘मिर्झापूर’ ही एक अशी मोठी फ्रँचायझी आहे, जिने गेल्या अनेक वर्षांत प्रेक्षकांसोबत मजबूत नातं निर्माण केलं आहे. त्यामुळे तिचं मोठ्या पडद्यावर आगमन हे तिची दमदार कथा, लक्षात राहणाऱ्या व्यक्तिरेखा आणि प्रचंड उत्साही फॅन बेस यांचा स्वाभाविक विस्तार वाटतो. चाहत्यांनी यापूर्वी कधीही इतक्या भव्य आणि शानदार सिनेमॅटिक अंदाजात न पाहिलेलं हे आयकॉनिक विश्व आणखी मोठं करण्याची ही एक खास संधी आहे.”

भागीदारी संपूर्ण भारतातील निवडक PVR INOX सिनेमागृहांत

‘मिर्झाPVR’ची ही भागीदारी संपूर्ण भारतातील निवडक PVR INOX सिनेमागृहांमध्ये पाहायला मिळणार आहे. यामध्ये दिल्लीतील आयकॉनिक प्रिया सिनेमा देखील सहभागी आहे. याशिवाय मुंबई, हैदराबाद, अहमदाबाद, जयपूर, लखनऊ आणि इतर शहरांमधील सिनेमागृहांमध्येही हा खास टेकओव्हर पाहायला मिळेल.

या तारखेला सिनेमागृहात

अमेझॉन MGM स्टुडिओज आणि एक्सेल एंटरटेनमेंट प्रस्तुत ‘मिर्झापूर: द मूव्ही’चं दिग्दर्शन गुरमीत सिंह यांनी केलं असून, चित्रपटाची कथा पुनीत कृष्णा यांनी लिहिली आहे. रितेश सिधवानी आणि फरहान अख्तर यांनी एक्सेल एंटरटेनमेंटच्या बॅनरखाली या चित्रपटाची निर्मिती केली आहे. तर कासिम जगमगिया आणि विशाल रामचंदानी हे चित्रपटाचे सह-निर्माते आहेत. ‘मिर्झापूर: द मूव्ही’ ४ सप्टेंबर २०२६ रोजी सिनेमागृहांमध्ये प्रदर्शित होणार आहे.

Awarapan 2: इमरान हाश्मीची ‘आवारापन 2’ ठरतेय हिटची दावेदार; पहिल्याच दिवशी 15-20 कोटींची कमाई शक्य