Iran Israel War : युद्धाच्या भडक्यातही स्वस्त झालं जेवण! कांदा-बटाट्याचे दर उतरले; पाहा Nov-Veg Thali किती स्वस्त?

रशिया-युक्रेन आणि इस्रायलमधील तणावामुळे कच्च्या तेलाचे दर वाढत असताना, भारतात मात्र घरगुती जेवणाची थाळी स्वस्त झाली आहे. 'क्रिसिल' (CRISIL) च्या ताज्या अहवालात एक आश्चर्यकारक निष्कर्ष समोर आला आहे.

• CRISILच्या ताज्या अहवालात एक आश्चर्यकारक निष्कर्ष
• घरगुती जेवणाची थाळी स्वस्त झाली
• क्रिसिल अहवालातील काय धक्कादायक खुलासा

Nonveg Thali Price : रशिया-युक्रेन आणि इस्रायलमधील तणावामुळे कच्च्या तेलाचे दर वाढत असताना, भारतात मात्र घरगुती जेवणाची थाळी स्वस्त झाली आहे. ‘क्रिसिल’ (CRISIL) च्या ताज्या अहवालात एक आश्चर्यकारक निष्कर्ष समोर आला आहे. मागील वर्षाच्या तुलनेत मार्च २०२६ मध्ये घरगुती मांसाहारी थाळीच्या किमतीत १% घट झाली. नेमकी कारणं काय?
खरं तर, या काळात बटाटे, कांदे आणि कडधान्यांच्या किमती कमी झाल्यामुळे टोमॅटो, खाद्यतेल आणि इंधनाशी संबंधित वाढत्या खर्चाची भरपाई झाली आहे, ज्यामुळे किमतींमध्ये फरक दिसून येत आहे.

भारत बनला ‘Micro-Transaction’ Economy! 2025 मध्ये केले UPI द्वारे 228 अब्ज व्यवहार

क्रिसिल अहवालातील खुलासा

Crisil Intelligence च्या ताज्या ‘रोटी राईस रेट’ अहवालानुसार, उत्तर, दक्षिण, पूर्व आणि पश्चिम भारतातील लागणाऱ्या कच्च्या मालाच्या किमतींच्या आधारावर शाकाहारी आणि मांसाहारी थाळी तयार करण्यासाठी लागणारा सरासरी खर्च मोजण्यात आला आहे. हा महिन्याच्या रिपोर्टमध्ये, या किमतींमधील बदलांचा सर्वसामान्य व्यक्तीच्या खर्चावर होणारा परिणाम दाखवतो आणि धान्य, ब्रॉयलर चिकन व मसाले यांसारख्या प्रमुख वस्तूंच्या किमतींमधील या बदलामागील मुख्य कारणं स्पष्ट केलीत.
अहवालात म्हटले आहे की, “मार्च महिन्यात, गेल्या वर्षीच्या तुलनेत मांसाहारी थाळीची किंमत १ टक्क्याने कमी झाली आहे तर शाकाहारी थाळीची किंमत स्थिर राहिली आहे. बटाटे, कांदे आणि डाळींच्या कमी झालेल्या किमतींमुळे टोमॅटो, खाद्यतेल आणि इंधनाच्या वाढलेल्या किमतींचा परिणाम कमी झाल्यामुळे त्याचा परिणाम दिसून आला आहे.

अशा प्रकारे खर्चाचे संतुलन

पश्चिम आशियातील तणावामुळे यावर्षी मार्चमध्ये खाद्यतेल (६%), स्वयंपाकाचा गॅस (१४%) आणि टोमॅटोच्या (३३%) किमती वाढल्या असल्या तरी, बटाटा आणि कांद्याच्या किमतीत घसरण झाली आहे. त्यामुळे ही वाढलेली किंमत भरून निघाली आहे. याच काळात बॉयलरच्या किमतीत २% घट झाल्यामुळे, मार्च २०२५ च्या तुलनेत मार्च २०२६ मध्ये मांसाहारी थाळीच्या किमतीही १% ने स्वस्त झाल्या आहेत.

बटाटे आणि कांदे स्वस्त का झाले?

मार्च महिन्यात बटाट्याच्या किमती १३ टक्क्यांनी आणि कांद्याच्या किमती २५ टक्क्यांनी घसरल्या आहे. या काळात पिकांची विक्रमी आवक झाल्यामुळे किमतींमध्ये घसरण झाली आहे. शिवाय, युद्धामुळे निर्माण झालेल्या निर्यातीतील अडचणींमुळे देशांतर्गत साठ्यात वाढ झाली. कोल्ड स्टोरेज आणि बाजारपेठांमधून जुना साठा हटवला जात असल्यामुळे किमतींमध्ये घट झाली.

ब्रॉयलरची किंमत का कमी झाली?

मार्चमधील नवरात्रीमुळे मागणी कमी झाली. शिवाय, तेलंगणा आणि आंध्र प्रदेशच्या काही भागांमध्ये, चिकन विक्रेते आणि पोल्ट्री कंपन्या यांच्यात नफ्याच्या प्रमाणावरून झालेल्या वादामुळे किमतीत २% घट झाली. त्यामुळे या सगळ्याचा परिणाम जेवणांच्या थाळीच्या किमतीवर झाला आहे.

Stock Market : गुंतवणूकदार मालामाल! 5 वर्षांत ‘या’ शेअरने दिला तब्बल 1092 % रिटर्न