Tax Relief On Medical Bills: ऑफिसने रुग्णालयाचा खर्च नाकारला? इन्कम टॅक्स रिटर्नमध्ये करा असा दावा; पाहा कसा होईल फायदा

Tax Relief On Medical Bills : आजारपणात किंवा अपघाताच्या वेळी ऑफिसने वैद्यकीय खर्च देण्यास नकार दिला तर काळजी करण्याचे कारण नाही. Income Tax Act मधील विविध कलमांतर्गत तुम्ही तुमच्या आणि कुटुंबाच्या हॉस्पिटल बिलांवर कर सवलतीचा दावा करू शकता.

• ऑफिसने रुग्णालयाचा खर्च नकारला?
• इन्कम टॅक्स रिटर्नमध्ये करा असा दावा
• पाहा कसा होईल फायदा

Tax Relief On Medical Bills : आजारपणात किंवा अपघाताच्या वेळी ऑफिसने वैद्यकीय खर्च म्हणजे Medical Claim देण्यास नकार दिला तर काळजी करण्याचे कारण नाही. Income Tax Act विविध कलमांतर्गत तुम्ही तुमच्या आणि कुटुंबाच्या हॉस्पिटल बिलांवर कर सवलतीचा दावा करू शकता. वैद्यकीय खर्चाबाबत बऱ्याच जणांना बरेच प्रश्न निर्माण पडतात. जसे की पूर्वीच्या मालकाकडून मिळालेली वैद्यकीय खर्चाची परतफेड करपात्र आहे का, परतफेड न झालेला वैद्यकीय खर्च कलम 80D अंतर्गत कपातीसाठी पात्र आहे का, आणि मालकाकडून मिळणाऱ्या सेवानिवृत्ती वेतनावर प्रमाणित कपात म्हणजे standard deduction मागता येते का? तर या सगळ्या प्रश्नांची उत्तर यामध्ये देण्यात आली आहेत.

Maggi Controversy: 2 मिनिटांत तयार होणारी ‘मॅगी’ खाणाऱ्यांसाठी मोठी बातमी! वादावर दिल्ली उच्च न्यायालयाचा मोठा निकाल

तुम्ही आयकर कायद्याच्या कलम 80D अंतर्गत वैद्यकीय खर्चाचा दावा करू शकता. तथापि, यासाठी काही अटी आहेत. पहिली अट अशी आहे की, हा खर्च ६० वर्षे किंवा त्याहून अधिक वयाच्या ज्येष्ठ नागरिकाच्या उपचारासाठी झालेला असावा. दुसरी अट अशी आहे की, त्यांच्या नावावर कोणतीही आरोग्य विमा पॉलिसी नसावी.

कलम 80D अंतर्गत दावा करण्यासाठी काय नियम?

आयकर नियमांनुसार, विमा नसलेल्या ज्येष्ठ नागरिकांच्या वैद्यकीय उपचारांवर झालेला खर्च कर कपातीसाठी पात्र आहे. पण यात काही अपवाद आहेत. आयकर कायद्यात याला ‘ज्येष्ठ नागरिकांवरील वैद्यकीय खर्च’ म्हटले जाते.

पालकांसाठी दावे

पालकांचे वय ६० वर्षे किंवा त्याहून अधिक असावे आणि त्यांच्याकडे आरोग्य विमा नसावा. तुम्ही त्यांच्या वैद्यकीय खर्चासाठी वार्षिक ₹५०,००० पर्यंत दावा करू शकता. तुमचे पालक तुमच्यावर आर्थिकदृष्ट्या अवलंबून असणे आवश्यक नाही. जरी त्यांना स्वतःची पेन्शन किंवा उत्पन्न असले तरी, तुम्ही तुमच्या बँक खात्यातून त्यांची वैद्यकीय बिले किंवा विम्याचे हप्ते भरल्यास कर कपातीचा दावा करू शकता.

स्वतःसाठी किंवा आपल्या जोडीदारासाठी दावा

जर तुम्ही किंवा तुमचे जोडीदार ज्येष्ठ नागरिक वर्गात मोडत असाल आणि तुमच्याकडे आरोग्य विमा पॉलिसी नसेल, तरीही तुम्ही स्वतःसाठी आणि तुमच्या कुटुंबासाठी वैद्यकीय खर्चाकरिता दरवर्षी ५०,००० रुपयांपर्यंत दावा करू शकता.

पेमेंटची पद्धत कोणती आहे?

हॉस्पिटलची बिले किंवा औषधांचा खर्च फक्त UPI, क्रेडिट किंवा डेबिट कार्ड, किंवा नेट बँकिंग यांसारख्या डिजिटल माध्यमांद्वारेच भरणे आवश्यक आहे. रोखीत केलेल्या पेमेंटसाठी आयकर विभाग कोणतीही सूट देत नाही.

Foreign Investment : शेखांच्या हाती सूत्रे जाताच ‘या’ भारतीय बँकेचं नशीब बदललं! नफ्यात 18 % दणदणीत वाढ; अहवालात मोठा खुलासा