Top 10 Sensex Companies: भारतीय शेअर बाजारात तेजी! LIC आणि Airtel ला धक्का..; तर रिलायन्स आणि बजाज फायनान्स चमकले

भारतीय शेअर बाजारात टॉप १० कंपन्यांमध्ये रिलायन्स इंडस्ट्रीज, एचडीएफसी बँक, आयसीआयसीआय बँक, स्टेट बँक ऑफ इंडिया, इन्फोसिस, बजाज फायनान्स आणि हिंदुस्तान युनिलिव्हर यांचे बाजार भांडवल वाढले असून यामुळे बाजारात तेजी आली आहे

• सेन्सेक्सचा जबरदस्त आठवडा
• 7 कंपन्यांच्या मार्केट कॅपमध्ये ₹96,200 कोटींची वाढ
• रिलायन्स आणि बजाज फायनान्स चमकले

Top 10 Sensex Companies:  भारतीय बाजारात सेन्सेक्स टॉप १० कंपन्यांचे बाजार भांडवल समोर आले आहे. मागील आठवड्यात सेन्सेक्सच्या टॉप १० कंपन्यांपैकी ७ कंपन्यांचे बाजार भांडवल एकत्रितपणे ९६,२००.९५ कोटी रुपयांनी वाढले होते. यामध्ये रिलायन्स इंडस्ट्रीज आणि बजाज फायनान्स हे सर्वात जास्त वाढले गेलेल्या कंपन्या होत्या.  मागच्या आठवड्यात, बीएसईच्या ३० शेअर्सच्या सेन्सेक्समध्ये ४७४.७५ अंकांनी अथवा ०.५५ टक्के वाढ झाल्याचे समोर आले. गुरुवारी मात्र, सेन्सेक्सने ८६,०५५.८६ अंकांचा विक्रमी उच्चांक गाठला.

या बाजारात टॉप १० कंपन्यांमध्ये भारताच्या रिलायन्स इंडस्ट्रीज, एचडीएफसी बँक, आयसीआयसीआय बँक, स्टेट बँक ऑफ इंडिया, इन्फोसिस, बजाज फायनान्स आणि हिंदुस्तान युनिलिव्हर यांचे बाजार भांडवल अधिक वाढले आहे. या दरम्यान, भारती एअरटेल, टाटा कन्सल्टन्सी सर्व्हिसेस (टीसीएस) आणि लाइफ इन्शुरन्स कॉर्पोरेशन ऑफ इंडिया (एलआयसी) यांचे मात्र बाजार भांडवल घटल्याचे दिसून आले.

हेही वाचा : Safe Investment Plans: FD पेक्षा जास्त परतावा देणाऱ्या या ४ सरकारी योजना देतात सुरक्षित गुंतवणूक

या शेअर बाजारात मात्र आरआयएलच्या उत्पन्नात तब्बल  २८ हजार कोटी रुपयांची वाढ झाली आहे. या आठवड्यात रिलायन्स इंडस्ट्रीजचे बाजार भांडवल सुमारे २८,२८२.८६ कोटी रुपयांनी वाढून २१,२०,३३५.४७ कोटी रुपये झाले. तसेच, बजाज फायनान्सचे मूल्यांकनही  २०,३४७.५२ कोटी रुपयांनी वाढून ६,४५,६७६.११ कोटी रुपये झाले. तर, एचडीएफसी बँकेचे बाजार भांडवल १३,६११.११ कोटी रुपयांनी  वाढून अंदाजे १५,४८,७४३.६७ कोटी रुपये झाले. याचसोबत आयसीआयसीआय बँकेचे मूल्यांकन सुद्धा १३,५९९.६२ कोटी रुपयांनी वाढून ₹९,९२,७२५.९७ कोटी झाले. याव्यतिरिक्त, हिंदुस्तान युनिलिव्हरचे बाजार भांडवल ₹७,६७१.४१ कोटींनी वाढून ₹५,७९,६४४.१६ कोटी झाले.

हेही वाचा : Bank Account Closing Alert: बँक खाते बंद करताय? या 3 चुका टाळल्यास होणार नाही तुमचे आर्थिक नुकसान 

भारतीय बाजारात स्टेट बँक ऑफ इंडियाचे मार्केट कॅप 6,415.28 कोटी रुपयांनी वाढून 9,04,185.15 कोटी रुपये झाले. इन्फोसिसचे मूल्यांकन 6,273.15 कोटी रुपयांनी वाढून तब्बल 6,47,961.98 कोटी रुपये झाले. याउलट, भारती एअरटेलचे मार्केट कॅप 35,239.01 कोटी रुपयांनी घसरून 11,98,040.84 कोटी रुपये झाले. तसेच, LIC चेसुद्धा मूल्यांकन 4,996.75 कोटी रुपयांनी घसरून 5,65,581.29 कोटी रुपये झाले आणि भारतातील मोठी कंपनी TCS चे कॅपिटलायझेशन 3,762.81 कोटी रुपयांनी घसरून 11,35,952.85 कोटी रुपये झाले.

या सगळ्यात मात्र, रिलायन्स इंडस्ट्रीज अव्वल स्थानावर राहिली. त्यानंतर HDFC बँक, भारती एअरटेल, TCS, ICICI बँक, SBI, इन्फोसिस, बजाज फायनान्स, हिंदुस्तान युनिलिव्हर आणि LIC यांचा क्रमांक लागतो.