(फोटो सौजन्य: सोशल मीडिया)
भारतातील सौर क्षेत्राने गेल्या काही वर्षांत उल्लेखनीय प्रगती केली आहे, विक्रमी वेगाने वाढत आता १५० गिगावॅट क्षमतेचा टप्पा यशस्वीपणे ओलांडला आहे. या परिवर्तनामध्ये विक्रम सोलरने अत्यंत महत्त्वाची भूमिका बजावली आहे. जवळपास दोन दशकांचे उत्पादन कौशल्य आणि अंमलबजावणीतील अनुभवाच्या जोरावर कंपनीने मोठ्या प्रमाणावर उच्च-कार्यक्षम सौर उपाय उपलब्ध करून दिले आहेत.
यातील बहुतांश प्रकल्प भारतात असले तरी, विक्रम सोलरने जागतिक स्तरावरही आपली उपस्थिती सातत्याने वाढवली आहे. जवळपास १.५ गिगावॅटच्या निर्यातीसह कंपनीने ३९ देशांमध्ये आपली उपस्थिती निर्माण केली आहे. हे यश कंपनीला जागतिक उत्पादकांच्या निवडक गटामध्ये स्थान मिळवून देते, ज्यांचा विस्तार भारताबाहेर देखील मोठ्या प्रमाणात आहे. तसेच, या यशामधून स्वच्छ ऊर्जा संक्रमणाला आकार देण्यात कंपनीची वाढती भूमिका दिसून येते.
विक्रम सोलरच्या नाविन्यपूर्ण वारशामुळे आणि या क्षेत्रातील नेतृत्वामुळे हा टप्पा अधिक महत्त्वपूर्ण ठरला आहे. कोचीनमध्ये जगातील पहिले पूर्णतः सौर उर्जेवर चालणारे विमानतळ उभारण्यापासून भारतातील सुरुवातीच्या फ्लोटिंग सोलर प्रकल्पांपर्यंत ही कंपनी तंत्रज्ञान स्वीकारण्यात नेहमी अग्रस्थानी राहिली आहे. ब्लूमबर्ग एनईएफच्या टियर १ यादीत मिळालेले स्थान, सलग अनेक वर्षे किवा पीव्हीईएल (KIWA PVEL) मॉड्यूल रिलायबिलिटी स्कोरकार्डमध्ये मिळालेली मान्यता आणि इकोव्हॅडिसचे ‘प्लॅटिनम’ रेटिंग या सर्वांमधून कंपनीची गुणवत्ता, विश्वासार्हता आणि शाश्वततेप्रती कटिबद्धता दिसून येते. हाफ-कट सेल्स सारखे नेक्स्ट-जनेरशन मॉड्यूल तंत्रज्ञान भारतात सादर करणाऱ्या सुरुवातीच्या कंपन्यांमध्ये विक्रम सोलरचा समावेश आहे, ज्यामधून त्यांच्या कार्यक्षमता आणि गुणवत्तेवर असलेले लक्ष दिसून येते.
विक्रम सोलरने पश्चिम बंगाल आणि तामिळनाडूमध्ये मिळून ९.५ गिगावॅट क्षमतेची मॉड्यूल निर्मिती केंद्रे उभारली आहेत. यामध्ये तामिळनाडूतील वल्लम येथील ५ गिगावॅटचा प्रकल्प त्याच्या प्रगत ऑटोमेशन आणि अत्याधुनिक उत्पादन यंत्रणांसाठी ओळखला जातो. आपल्या बॅकवर्ड इंटिग्रेशन धोरणाचा भाग म्हणून, गंगाकोंडन येथील प्रकल्पाचा विस्तार करून त्याची क्षमता ६ गिगावॅट मॉड्यूल आणि १२ गिगावॅट सेल निर्मितीपर्यंत नेण्यात येणार आहे. कंपनी व्हीएसएल पॉवरहाईव्हच्या माध्यमातून ऊर्जा साठवणूक क्षेत्रातही विस्तार करत आहे. आर्थिक वर्ष २०२७ पर्यंत ५ गिगावॅट-तास (जीडब्ल्यूएच) क्षमतेचा बीईएसएस प्रकल्प उभारण्याचे नियोजन आहे. तसेच, निवासी आणि मोबिलिटी बॅकअप सोल्यूशन्ससाठी कंपनीचा वीयॉन (VION) हा लिथियम बॅटरी ब्रँड कार्यरत आहे.
विक्रम सोलरचे अध्यक्ष आणि व्यवस्थापकीय संचालक श्री. ज्ञानेश चौधरी म्हणाले, “१० गिगावॅट क्षमतेचा टप्पा ओलांडणे हा विक्रम सोलरसाठी अभिमानाचा क्षण आहे, तसेच या टप्प्यामधून सौर ऊर्जा जागतिक ऊर्जा क्षेत्राला वेगाने मिळत असलेला आकार दिसून येतो. आमच्या प्रगतीच्या पुढील अध्यायात प्रवेश करताना उच्च-कार्यक्षम तंत्रज्ञानाचा विकास, उत्पादन क्षमता मजबूत करणे आणि बॅकवर्ड इंटिग्रेशन सखोल करणे यांवर आमचा भर कायम राहील. यामुळे आम्हाला जागतिक ऊर्जा संक्रमणासाठी आवश्यक असणारे मोठे प्रमाण, स्थिरता आणि विश्वासार्हता यामध्ये अर्थपूर्ण योगदान देता येईल.”
.png "Videos"){kind=small}
