CAT 2026 Application: कॅट परीक्षेसाठी अर्ज करायचाय? IIM ने वाढवली मुदत; ‘या’ तारखेपूर्वी करा ऑनलाईन नोंदणी

CAT 2026 Registration: कॉमन ॲडमिशन टेस्ट म्हणजेच CAT 2026 साठी ऑनलाईन नोंदणीची अंतिम तारीख वाढवली आहे. ज्या उमेदवारांनी अद्याप CAT 2026 साठी अर्ज केलेला नाही, त्यांना आता या तारखेपर्यंत ऑनलाईन अर्ज करण्याची संधी मिळणार आहे.

फोटो सौजन्य- सोशल मीडिया

Follow Us:

Follow Us:

CAT 2026 Registration: भारतीय व्यवस्थापन संस्थांनी (IIMs) कॉमन ॲडमिशन टेस्ट म्हणजेच CAT 2026 साठी ऑनलाईन नोंदणीची अंतिम तारीख वाढवली आहे. ज्या उमेदवारांनी अद्याप CAT 2026 साठी अर्ज केलेला नाही, त्यांना आता २२ सप्टेंबर २०२६ रोजी सायंकाळी ५:०० वाजेपर्यंत ऑनलाईन अर्ज करण्याची संधी मिळणार आहे. यापूर्वी अर्जाची अंतिम तारीख १५ सप्टेंबर निश्चित करण्यात आली होती. यंदा IIM इंदूर (IIM Indore) द्वारे CAT 2026 परीक्षेचे आयोजन केले जात आहे.

कॅट २०२६ साठी ऑनलाईन नोंदणी प्रक्रिया ३ ऑगस्ट २०२६ रोजी सकाळी १०:०० वाजता सुरू झाली होती. आयआयएमने आता ही मुदत एक आठवड्याने वाढवून २२ सप्टेंबर केली आहे. उमेदवारांना विहित वेळेत अर्ज, आवश्यक माहिती आणि परीक्षा शुल्क भरण्याची प्रक्रिया पूर्ण करावी लागेल.

आता कधीपर्यंत करता येईल अर्ज?

ज्या उमेदवारांनी अजूनही CAT 2026 साठी अर्ज भरलेला नाही, ते २२ सप्टेंबर २०२६ रोजी सायंकाळी ५ वाजेपर्यंत अर्ज करू शकतात. आयआयएमनुसार हीच अंतिम मुदत असणार आहे. त्यामुळे ऐनवेळी होणारी घाई टाळण्यासाठी उमेदवारांनी लवकरात लवकर अधिकृत संकेतस्थळावरून अर्ज सादर करावा.

Pune University: ‘आविष्कार’ संशोधन स्पर्धेची मुदत वाढली! विद्यार्थ्यांना अन् महाविद्यालयांना दिलासा; सुधारित वेळापत्रक जाहीर

CAT 2026 परीक्षा कधी होणार?

परीक्षेची तारीख: CAT 2026 परीक्षा रविवार, २९ नोव्हेंबर २०२६ रोजी आयोजित केली जाईल.

सत्र : ही परीक्षा तीन सत्रांमध्ये पार पडेल.

परीक्षेची शहरे: देशभरातील सुमारे १७० शहरांमध्ये ही परीक्षा घेतली जाईल.

केंद्रांची निवड: अर्ज करताना उमेदवारांना आपल्या आवडीच्या ५ परीक्षा शहरांची निवड करता येईल.

उमेदवारांनी दिलेल्या ५ पर्यायांपैकीच एक केंद्र देण्याचा प्रयत्न परीक्षा प्राधिकरणाकडून केला जाईल. मात्र, एखाद्या शहरात जास्त मागणी असल्यास जवळचे दुसरे शहर दिले जाऊ शकते. एकदा परीक्षा केंद्र वाटप झाल्यानंतर त्यात बदल करण्याची परवानगी असणार नाही.

Pakistan News: पाकिस्तानात १० वीच्या परीक्षेत शीख तरुण चमकला! भारताच्या SGPC देणार ५१ लाखांचे बक्षीस

अर्ज सबमिट केल्यावर सुधारणा करता येईल का?

नोंदणी प्रक्रिया संपल्यानंतर उमेदवारांना अर्जात दुरुस्ती करण्यासाठी मर्यादित वेळेसाठी ‘एडिट विंडो’ (Edit Window) उपलब्ध करून दिली जाईल. ही सुविधा केवळ अशाच उमेदवारांना मिळेल ज्यांनी वेळेत नोंदणी पूर्ण करून अर्ज शुल्क भरले आहे. या एडिट विंडोद्वारे उमेदवारांना फक्त फोटो, सही आणि परीक्षा शहरांचा प्राधान्यक्रम यामध्येच बदल करता येईल.

उमेदवारांनी ॲडमिट कार्ड, परीक्षा केंद्र आणि इतर अपडेट्ससाठी अधिकृत CAT संकेतस्थळाला वेळोवेळी भेट देणे आवश्यक आहे.

Web Title: Cat 2026 registration date extended iim indore marathi news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com