Students Exam Fee: दुष्काळग्रस्त विद्यार्थ्यांना दिलासा! परीक्षा शुल्क घेतल्यास थेट महाविद्यालयावर कारवाई होणार

Drought Affected Students Exam Fee: राज्यातील दुष्काळी २६५ तालुक्यातील विद्यार्थ्यांचे परीक्षा शुल्क माफ करण्यात येणार आहे. परीक्षा शुल्क वसूल करणाऱ्या महाविद्यालयांवर कडक कारवाई करण्याचे उच्च व तंत्रशिक्षण मंत्र्यांचे आदेश आहेत.

• दुष्काळी परिस्थिती जाहीर केलेल्या तालुक्यातील विद्यार्थ्यांचे परीक्षा शुल्क माफ
• विद्यार्थ्यांकडून परीक्षा शुल्क घेतल्यास महाविद्यालयांवर कारवाई
• उच्च व तंत्रशिक्षण मंत्री चंद्रकांतदादा पाटील यांचे विद्यापीठ प्रशासनाला निर्देश
• विद्यार्थ्यांची आर्थिक परिस्थिती पाहून शासनाचा दिलासा देण्याचा प्रयत्न

Drought Affected Students Exam Fee : राज्यातील ३४ जिल्ह्यांमधील २६५ तालुक्यांमध्ये दुष्काळी परिस्थिती जाहीर केली आहे. या पार्श्वभूमीवर संबंधित भागातील विद्यार्थ्यांना दिलासा देण्यासाठी त्यांच्या परीक्षा शुल्क माफीबाबत उच्च शिक्षण संचालनालयाने परिपत्रक जारी केले आहे. मराठवाड्यातील दुष्काळी परिस्थिती लक्षात घेता विद्यार्थ्यांना आर्थिक दिलासा देण्यासाठी त्यांच्याकडून परीक्षा शुल्क आकारण्यात येऊ नये, असे स्पष्ट निर्देश उच्च व तंत्रशिक्षण मंत्री चंद्रकांतदादा पाटील यांनी दिले.

विद्यार्थ्यांकडून परीक्षा शुल्क घेतल्यास संबंधित महाविद्यालयावर कारवाई

उच्च व तंत्रशिक्षण मंत्री चंद्रकांतदादा पाटील म्हणाले, मुख्यमंत्री देवेंद्र फडणवीस यांनी विद्यार्थ्यांकडून परीक्षा शुल्क घेऊ नये, अशी भूमिका स्पष्ट केली आहे. त्यामुळे विद्यार्थ्यांकडून परीक्षा शुल्क वसूल करणाऱ्या महाविद्यालयांवर कारवाई करण्यात येईल. मराठवाड्यातील दुष्काळी परिस्थितीमुळे शेतकरी आणि सर्वसामान्य कुटुंबांना आर्थिक अडचणींचा सामना करावा लागत आहे. अशा परिस्थितीत विद्यार्थ्यांवर परीक्षा शुल्काचा अतिरिक्त आर्थिक भार पडू नये, यासाठी शासनाच्या निर्देशांची काटेकोर अंमलबजावणी करावी.

India Post GDS: जीडीएसची पहिली मेरिट लिस्ट जाहीर; अनेक राज्यांत कटऑफ १००% वर गेल्याने खळबळ

विद्यार्थ्यांची आर्थिक परिस्थिती पाहून शासनाचा दिलासा देण्याचा प्रयत्न

शासनाच्या निर्देशांचे पालन करून विद्यार्थ्यांकडून परीक्षा शुल्क आकारले जाणार नाही, याची दक्षता विद्यापीठ प्रशासनाने घ्यावी. तसेच, शासनाच्या सूचनांचे उल्लंघन करून विद्यार्थ्यांकडून परीक्षा शुल्क वसूल करणाऱ्या महाविद्यालयांची दखल घेऊन त्यांच्यावर नियमानुसार कारवाई करावी, अशा सूचना डॉ. बाबासाहेब आंबेडकर मराठवाडा विद्यापीठातील संबंधित अधिकाऱ्यांना देण्यात आल्या आहेत. विद्यार्थ्यांचे शैक्षणिक हित आणि आर्थिक परिस्थिती लक्षात घेऊन त्यांना दिलासा देणे ही शासनाची प्राथमिकता आहे, असेही मंत्री चंद्रकांतदादा पाटील यांनी सांगितले.

Art Exhibition: कलेचा अनोखा संगम! जे. जे. कॉलेजमध्ये सजले राज्यस्तरीय चित्रकला प्रदर्शन; त्वरित भेट द्या