Job Alert : जर्मनीमध्ये भारतीयांसाठी सुवर्णसंधी! जॉब सिक्योरिटीसह मिळणार गलेलठ्ठ पगार

युरोपमधील सर्वात शक्तिशाली राष्ट्र जर्मनी तुमच्या स्वागतासाठी सज्ज झालं आहे. जर्मनी सध्या इतिहासातील सर्वात मोठ्या मनुष्यबळ संकटाचा सामना करत आहे; आणि ही पोकळी भरून काढण्यासाठी, आता त्यांनी त्यांचं लक्ष भारताकडे आहे.

• युरोपमधील राष्ट्र जर्मनी तुमच्या स्वागतासाठी सज्ज
• ‘कुशल कामगार व्हिसा’चा वार्षिक कोटा
• केवळ एक ईमेल आणि लोकांचे जग बदलेल

Germany Hiring : जर तुमच्या हातात पदवी असूनही, तुम्ही चांगला पगार देणारी नोकरी शोधताय पण बराच संघर्ष करावा लागतोय तर युरोपमधील सर्वात शक्तिशाली राष्ट्र जर्मनी तुमच्या स्वागतासाठी सज्ज झालं आहे. जर्मनी सध्या इतिहासातील सर्वात मोठ्या मनुष्यबळ संकटाचा सामना करत आहे; आणि ही पोकळी भरून काढण्यासाठी, आता त्यांनी त्यांचं लक्ष भारतातील कुशल तरुणांकडे वळवलं आहे.

UPES बनलं देशातील पहिलं ‘AI-First’ विद्यापीठ; OpenAI सोबत केली मोठी घोषणा

‘कुशल कामगार व्हिसा’चा वार्षिक कोटा

आश्चर्याची गोष्ट म्हणजे, जर्मनीला केवळ अभियंते आणि डॉक्टरांचीच नव्हे, तर सुतार, लोहार, बेकर्स आणि मांस विक्रेते यांसारख्या कुशल कारागिरांचीही नितांत गरज आहे. परिस्थिती अशी आहे की, जर्मनीने भारतीयांसाठीच्या ‘कुशल कामगार व्हिसा’चा (Skilled Work Visas) वार्षिक कोटा २०,००० वरून वाढवून तब्बल ९०,००० पर्यंत नेला आहे.

केवळ एक ईमेल आणि लोकांचे जग बदलेल

या मोठ्या बदलाचा पाया २०२१ मध्ये रचला गेला, जेव्हा जर्मनीतील फ्रायबर्ग येथे कार्यरत असलेल्या वॉन उंगर्न-स्टर्नबर्ग यांना भारतातून एक साधा ईमेल आला. त्या ईमेलमध्ये विचारणा करण्यात आली होती की, व्यावसायिक प्रशिक्षण घेऊ इच्छिणाऱ्या उत्साही भारतीय तरुणांची जर्मनीला काही गरज आहे का? त्या वेळी, कसाईकाम आणि बेकरी यांसारख्या पारंपरिक व्यवसायांमध्ये काम करण्यासाठी लोक शोधताना जर्मनीला मोठी कसरत करावी लागत होती. वॉन यांनी या प्रस्तावाला एक संधी देण्याचे ठरवले; आणि २०२२ मध्ये, ‘मॅजिक बिलियन’ या संस्थेमार्फत १३ तरुण भारतीयांची पहिली तुकडी जर्मनीमध्ये दाखल झाली. आज, ही संख्या शेकड्यांमध्ये पोहोचली आहे.

जर्मनीला ‘देशी’ हातांची गरज का?

जर्मनीची लोकसंख्या वेगाने वृद्ध होत आहे आणि त्यांची ‘बेबी बूमर’ पिढी आता निवृत्तीच्या उंबरठ्यावर आहे. एका अहवालानुसार, आपली अर्थव्यवस्था सुरळीत चालवण्यासाठी जर्मनीला दरवर्षी २,८८,००० परदेशी कामगारांची आवश्यकता आहे. दुसरीकडे, भारताकडे तरुणांची एक विशाल फौज उपलब्ध आहे. नेमक्या याच कारणामुळे २०२२ मध्ये या दोन्ही राष्ट्रांमध्ये एक भागीदारी करार करण्यात आला, ज्यामुळे आज भारतीयांना तिथे स्थायिक होणे खूपच सोपे झाले आहे.

एखादे कौशल्य शिकणे अधिक सोयीचं

बीबीसीने आपल्या एका अहवालात, दिल्लीचा रहिवासी असलेल्या २० वर्षीय ‘इशू गारिया’ याची कहाणी मांडली आहे. ही कहाणी अशा हजारो तरुणांसाठी प्रेरणादायी ठरते, जे नेहमीच्या चौकटीबाहेर जाऊन (out of the box) विचार करतात. महागडी महाविद्यालयीन पदवी आणि त्यानंतर मिळणाऱ्या अल्प-वेतनाची नोकरी मिळवण्यासाठी करावा लागणारा संघर्ष या मार्गाची निवड करण्याऐवजी, इशूने जर्मनीला जाण्याचा निर्णय घेतला. आज इशू जर्मनीच्या ‘ब्लॅक फॉरेस्ट’ (Black Forest) प्रदेशात एक ‘बेकर’ म्हणून कार्यरत आहे. तिचा दिवसाचा प्रारंभ पहाटे ३ वाजता, कडाक्याच्या थंडीत होतो; तरीही ती आनंदी आहे. इशू सांगते, “केवळ तुटपुंज्या पगारासाठी संघर्ष करावा लागावा, या हेतूने मला पदवीवर पैसे वाया घालवायचे नव्हते. इथे मला चांगले उत्पन्न मिळते, ज्यामुळे मला माझ्या कुटुंबाला आर्थिक आधार देणे शक्य होते; शिवाय, येथील हवा अत्यंत स्वच्छ आहे.”

नोकरीच्या विपुल संधी उपलब्ध असलेली क्षेत्रे

रस्ते बांधकाम
मेकॅनिक्स आणि तंत्रज्ञ
बेकर्स आणि बुचर्स (मांस विक्रेते)
दगडकाम करणारे कारागीर (Stone Masons)
आरोग्यसेवा आणि नर्सिंग

भारताचा वाढता प्रभाव: आकडेवारीवर एक दृष्टिक्षेप
२०१५: केवळ २३,३२० भारतीय
२०२४: १,३६,६७० भारतीय कामगार

RTE विद्यार्थ्यांकडून शुल्क आकारल्यास शाळांवर होणार कठोर कारवाई; शिक्षण मंत्री दादाजी भुसे यांचा थेट इशारा