रविवार, 25 ऑक्टोबर 2026
तब्बल 184000 रुपये पगार ! SEBI ची ऑफिसर ग्रेड-ए पदांसाठी भरतीची घोषणा; ११० पदांसाठी संधी, अर्ज कुठे अन् कसा करावा? (फोटो सौजन्य-X)
उमेदवारांनी अर्जासोबत विहित शुल्क भरावे लागेल. शुल्काशिवाय अर्ज स्वीकारले जाणार नाहीत. अनारक्षित, ईडब्ल्यूएस आणि ओबीसी श्रेणींसाठी अर्ज शुल्क ₹१००० अधिक जीएसटी आणि एससी, एसटी आणि पीडब्ल्यूबीडी श्रेणींसाठी ₹१०० अधिक जीएसटी आहे. शुल्क ऑनलाइन भरता येते.
निवड झालेल्या उमेदवारांची अधिकारी ग्रेड ‘ए’ म्हणून नियुक्ती केली जाईल आणि त्यांना दोन वर्षांचा परिविक्षाधीन कालावधी पूर्ण करावा लागेल. ग्रेड ए अधिकाऱ्यांसाठी वेतनश्रेणी ₹६२५०० – ३६०० (४) – ७६९०० – ४०५० (७) – १०५२५० ईबी – ४०५० (४) – १२०४५० – ४६५० (१) – १२६१०० अशी १७ वर्षांसाठी आहे. या वेतनश्रेणीच्या किमान स्तरावर, राष्ट्रीय पेन्शन योजनेत (NPS) सेबीचे योगदान, ग्रेड अलाउन्स, स्पेशल अलाउन्स, महागाई भत्ता, फॅमिली अलाउन्स, लोकल अलाउन्स, लर्निंग अलाउन्स आणि स्पेशल ग्रेड अलाउन्स यांचा समावेश करून, मुंबईत निवासस्थानाशिवाय अंदाजे १,८४,००० रुपये प्रति महिना आणि निवासस्थानासह १,४३,००० रुपये प्रति महिना एकूण वेतन मिळेल.
