मंगळवार, 20 ऑक्टोबर 2026
पुणे महापालिकेत नियमांना फाटा देत थेट पदभरती; ४५ माजी कर्मचाऱ्यांच्या फेरनियुक्तीच्या निर्णयावर मोठे प्रश्नचिन्ह!
Pune Municipal:पुणे महापालिकेच्या हद्दीत ३२ गावे समाविष्ट झाल्यामुळे शहराचे क्षेत्रफळ ४८४ चौरस किलोमीटर झाले आहे. वाढलेल्या हद्दीमुळे रस्त्यांवरील अतिक्रमणे, अनधिकृत स्टॉल आणि टपऱ्यांच्या संख्येत मोठी वाढ झाली आहे, ज्यामुळे वाहतूक कोंडीची समस्या गंभीर बनली आहे. यावर कारवाई करण्यासाठी पुरेसे मनुष्यबळ उपलब्ध नसल्याचे कारण देत, महापालिकेने नियमांना फाटा देऊन थेट ४५ सहाय्यक अतिक्रमण निरीक्षकांची एकत्रित मानधनावर नियुक्ती करण्याचा घाट घातला आहे.
विशेष म्हणजे, २०२२ मध्ये जेव्हा महापालिकेने १०० सहाय्यक अतिक्रमण निरीक्षकांची भरती केली होती, तेव्हा याच ४५ कर्मचाऱ्यांना कामावरून कमी करण्यात आले होते. आता पुन्हा एकदा त्याच कर्मचाऱ्यांना पाठीशी घालून मागच्या दाराने थेट फेरनियुक्ती देण्याचा प्रयत्न केला जात आहे.
CAT Exam Preparation: कॅट मॉक टेस्टमध्ये स्कोअर वाढत नाहीये? वापरा ‘हा’ ५-स्टेप फॉर्म्युला; पर्सेंटाइलमध्ये होईल मोठी वाढ!
या संपूर्ण प्रक्रियेमध्ये पारदर्शकतेचा अभाव स्पष्टपणे दिसून येत आहे. कोणतीही नवीन जाहीर निविदा न काढता किंवा पारदर्शक स्पर्धात्मक परीक्षा न घेता थेट मागील कर्मचाऱ्यांची वर्णी लावल्यामुळे महापालिकेच्या कार्यपद्धतीवर नागरिकांमधून आणि विविध स्तरांतून तीव्र संताप व्यक्त होत आहे. नवीन उमेदवारांना संधी न देण्यामागे नेमके कोणाचे हितसंबंध आहेत, असा सवाल उपस्थित केला जात आहे.
Supreme Court Recruitment 2026: १० वी पास उमेदवारांना सर्वोच्च न्यायालयात नोकरीची संधी! ‘या’ तारखेपासून करा अर्ज
यापूर्वी तत्कालीन अतिरिक्त आयुक्त पृथ्वीराज बी. पी. यांनी अशा प्रकारे कोणालाही सेवेत सामावून घेणे न्यायोचित ठरणार नाही, असे स्पष्ट केले होते. तरीही अतिक्रमण निर्मूलन विभागाने या ४५ जणांच्या नियुक्तीचा प्रस्ताव सामान्य प्रशासन विभागाकडे पाठवला असून, या प्रस्तावाला स्थायी समितीचे अध्यक्ष श्रीनाथ भिमाले यांनीही शिफारस केली आहे.
नियमबाह्य चाललेल्या या प्रक्रियेमुळे आणि जुन्याच कर्मचाऱ्यांना थेट पुन्हा कामावर घेण्यासाठी पायघड्या घातल्या जात असल्यामुळे महापालिकेच्या या निर्णयावर मोठे प्रश्नचिन्ह निर्माण झाले आहे. या मनमानी कारभारावर आता नागरिक आणि विरोधक काय भूमिका घेतात, याकडे सर्वांचे लक्ष लागले आहे.
Ans: महापालिकेत ३२ नवीन गावे समाविष्ट झाल्यामुळे शहराचे क्षेत्रफळ वाढले असून अतिक्रमणे आणि वाहतूक कोंडीची समस्या वाढली आहे. यावर कारवाई करण्यासाठी पुरेसे मनुष्यबळ नसल्याचे कारण देत ही भरती केली जात आहे.
Ans: २०२२ मध्ये ज्या ४५ कर्मचाऱ्यांना कामावरून कमी करण्यात आले होते, त्याच जुन्या कर्मचाऱ्यांना नियमांना फाटा देऊन मागच्या दाराने थेट फेरनियुक्ती देण्याचा घाट घातला जात असल्याचा आक्षेप घेतला जात आहे.
