दिवे घाटात भीषण अपघातात बाप-लेकीचा मृत्यू; मुलगा गंभीर जखमी
पुणे : दिवे घाटात झालेल्या भीषण अपघातात बाप-लेकीचा दुर्दैवी मृत्यू झाल्याची घटना घडली आहे. एका भरधाव ट्रकने त्यांच्या दुचाकीला धडक दिल्यामुळे हा अपघात झाला आहे. या अपघातात दुचाकीवरील त्यांचा मुलगा गंभीर जखमी झाला आहे. याप्रकरणी फुरसुंगी पोलिसांनी ट्रक चालकाला अटक केली आहे. सोमवारी मध्यरात्री हा अपघात झाला आहे.
सुंदर कैलास गंगावणे (वय ३८, रा. उंड्री-पिसोळी) व अनन्या सुंदर गंगावणे (वय १२) अशी मृत्यू झालेल्यांची नावे आहेत. तर, अपघातात सोहम सुंदर गंगावणे जखमी झाला असून, त्याच्यावर रुग्णालयात उपचार सुरू आहेत. याप्रकरणी ट्रक चालक हनुमंत बाबूराव मलकापुरे (वय ३२, रा. नागेवाडी, ता. शिरुर अनंतपाळ, जि. लातूर) याला अटक करण्यात आली आहे. याबाबत अश्विनी उत्तम पवार (वय ३०, रा. कमलविहार सोसायटी, धनकवडी) यांनी फुरसुंगी पोलिस ठाण्यात तक्रार दिली आहे.
पोलिसांच्या माहितीनुसार, तक्रारदार अश्विनी पवार यांचे मामेभाऊ सुंदर गंगावणे, त्यांची मुलगी अनन्या आणि मुलगा सोहम हे दुचाकीवरुन पुणे-सासवड रस्त्यावरुन सोमवारी (३० मार्च) मध्यरात्री सव्वाबाराच्या सुमारास निघाले होते. दिवे घाटातून ते जात असताना पाठिमागून आलेल्या भरधाव ट्रकने त्यांच्या दुचाकीला धडक दिली. धडक इतकी भीषण होती की, तिघेही रस्त्यावर आपटले गेले. यात गंभीर मार लागल्याने सुंदर गंगावणे व मुलगी अनन्या यांचा मृत्यू झाला. तर, सोहम गंभीर जखमी झाला.
दरम्यान, या अपघाताची माहिती मिळताच पोलिस उपनिरीक्षक ढावरे, उपनिरीक्षक देशमुख यांनी येथे भेट दिली. सोहम याच्यावर रुग्णालयात उपचार सुरू आहेत. ट्रक चालकाला अटक करण्यात आली असून, अधिक तपास पोलिस उपनिरीक्षक देशमुख तपास करत आहेत.
रत्नागिरीतही घडला भीषण अपघात
रत्नागिरी शहरातील मारुती मंदिर ते आठवडा बाजार जाणाऱ्या मुख्य रस्त्यावर रुद्र हॉटेलसमोर गेल्या काही दिवसाखाली एक भीषण अपघात झाला आहे. भरधाव टेम्पोने दुचाकीला धडक दिल्याने ७३ वर्षीय वृद्ध दुचाकीस्वार गंभीर जखमी झाले आहेत. याप्रकरणी रत्नागिरी शहर पोलीस ठाण्यात टेम्पो चालकाविरुद्ध गुन्हा दाखल करण्यात आला आहे. राजन जयवंत जाधव (वय ७३, रा. शंखेश्वर गार्डन, आरोग्य मंदिर, रत्नागिरी) असे या अपघातात गंभीर जखमी झालेल्या व्यक्तीचे नाव आहे.
.png "Videos"){kind=small}
