सोमवार, 26 ऑक्टोबर 2026
संग्रहित फोटो
पोलिसांनी दिलेल्या माहितीनुसार, पानवडी गावात आरोपी गणेश धिवार हा मयत मोहन धिवार यांच्या घराशेजारीच राहत असून त्यांच्यात काही दिवसापासून किरकोळ कारणावरून वाद होते. त्यातच फिर्यादीच्या दारासमोरून गायी व बैल नेत असताना त्यांच्यामध्ये वाद झाला होता. या वादाचा राग मनात धरूनच आरोपीने रत्नमाला धिवार आणि मोहन धिवार यांच्यावर धारदार शस्त्राने वार करून त्यांची अत्यंत निर्घुणपणे हत्या केली.
२५ ऑक्टोबर रोजी सायंकाळची घटना
२५ ऑक्टोबर २०२६ रोजी सायंकाळी ५.२० च्या दरम्यान मयत वृद्ध दाम्पत्य आपल्या घराकडे निघालेले असताना घराच्या अंगणात आधीच तयारीत असलेल्या आरोपीने वृद्धांवर धारदार शस्त्राने जोरदार हल्ला चढविला. यामध्ये दोघानाही जबर मार लागून मोठ्या प्रमाणात रक्तस्त्राव झाला. आणि त्यातच रुग्णालयात नेण्यापूर्वीच त्यांचा मृत्यू झाला.
खून केल्यानंतर आरोपी फरार
मयत धिवार पती- पत्नी आणि आरोपी गणेश धिवार हे एकाच भावकीतील असून आरोपीचे कुटुंब गेल्या दोन ते तीन पिढ्यापासून रोजगारानिमित्त बाहेरगावी राहायला आहेत. त्यामध्ये आरोपी गणेश धिवार हा गुन्हेगारी प्रवृत्तीचा असून त्याच्यावर यापूर्वी वेगवेगळे गुन्हे दाखल आहेत. काही दिवसापूर्वीच जेलमधून सुटून आला असून त्याला पुन्हा तडीपार केल्याने मूळ गावी राहायला आला होता. मात्र त्याच्या प्रवृत्तीने निष्पाप वृद्ध दाम्पत्याचा जीव घेतला आहे.
घटनेची माहिती मिळताच उपविभागीय पोलीस अधिकारी राजेंद्रसिंह गौर, पोलीस निरीक्षक संतोष घोळवे, महिला पोलीस उपनिरीक्षक अर्चना पाटील यांनी पोलीस पथकासह घटनास्थळी धाव घेत घटनेचा पंचनामा केला. दरम्यान पोलीस निरीक्षक संतोष घोळवे यांच्या मार्गदर्शना खाली सहाय्यक पोलीस निरीक्षक सोनवणे पुढील तपास करीत आहेत.
Ans: पुरंदर तालुक्यातील पानवडी गावात २५ ऑक्टोबर २०२६ रोजी सायंकाळी वृद्ध दाम्पत्याची धारदार शस्त्राने हत्या करण्यात आली.
Ans: रत्नमाला मोहन धिवार (वय ७२) आणि मोहन बाबुराव धिवार (वय ८३) अशी मृतांची नावे आहेत.
Ans: घरासमोरून गायी-बैल नेण्याच्या कारणावरून आरोपी आणि दाम्पत्यामध्ये वाद झाला होता. या वादाचा राग मनात धरून हत्या केल्याचा आरोप आहे. या प्रकरणी सासवड पोलिसांनी गुन्हा दाखल करून तपास सुरू केला आहे.
