रविवार, 4 ऑक्टोबर 2026
संग्रहित फोटो
आकाश उर्फ अक्या विठ्ठल पाटोळे (वय २९, रा. काशेवाडी) असे खून झालेल्या तरुणाचे नाव आहे. याप्रकरणी अजय उर्फ चोर राजा सुखदेव शिंदे (वय ३०, रा. काशेवाडी, भवानी पेठ) याला पोलिसांनी अटक केली आहे. या घटनेबाबत मृत आकाश याच्या वहिणीने पोलिसांकडे तक्रार दाखल केली आहे.
पोलिसांनी दिलेल्या माहितीनुसार, आकाश आणि आरोपी अजय शिंदे हे भवानी पेठेतील एका सोसायटी परिसरात रात्री साडेआठच्या सुमारास थांबले होते. त्यावेळी दोघांमध्ये किरकोळ कारणावरून वाद झाला. वाद वाढल्यानंतर आरोपीने रागाच्या भरात जवळच असलेल्या सिमेंटच्या पेपर ब्लॉकने आकाशच्या डोक्यात जोरदार प्रहार केला. या हल्ल्यात आकाश गंभीर जखमी झाला. घटनेनंतर परिसरात गोंधळ उडाला. त्याला उपचारासाठी रुग्णालयात नेण्यात आले; मात्र उपचारादरम्यान त्याचा मृत्यू झाला. घटनेची माहिती मिळताच पोलिसांनी तत्काळ घटनास्थळी धाव घेतली आणि तपास सुरू केला. या प्रकरणी पोलिसांनी आरोपीला ताब्यात घेऊन त्याच्याविरोधात खुनाचा गुन्हा दाखल केला आहे. घटनेमागील नेमके कारण, वादाची पार्श्वभूमी आणि आरोपीच्या भूमिकेबाबत पोलिसांकडून अधिक तपास सुरू आहे.
