आई-मुलाच्या नात्याला काळीमा! मद्यधुंद अवस्थेत मुलाकडून आईवर लैंगिक अत्याचार, आरोपीला स्थानिकांकडून बेदम मारहाण

बिहारमधील मुजफ्फरपूर येथे आई-मुलाच्या नात्याला काळीमा फासणारी धक्कादायक घटना समोर आली आहे. मद्यधुंद अवस्थेत मुलाकडून आईवर लैंगिक अत्याचार केल्याचा आरोप असून, घटनेनंतर संतप्त ग्रामस्थांनी आरोपीला बेदम मारहाण केली.

• मद्यधुंद अवस्थेत मुलाकडून आईवर लैंगिक अत्याचार केल्याचा आरोप; परिसरात संताप.
• संतप्त ग्रामस्थांनी आरोपीला पकडून बेदम मारहाण केली; पोलिसांनी हस्तक्षेप करून ताब्यात घेतले.
• घटनेचा व्हिडिओ सोशल मीडियावर व्हायरल; पोलिसांकडून पुढील तपास आणि कायदेशीर कारवाई सुरू.

आई-मुलाचे नाते हे जगातील सर्वात पवित्र नात मानलं जात. यात प्रेम, आपुलकी, ममता, काळजी अशा अनेक भावना असतात. गुन्हेगारी प्रकरणांमध्ये वाढ होत असतानाच अलिकडे बिहारच्या मुजफ्फरपुर येथून एक अत्यंत धक्कादायक बातमी समोर येत आहे. मिळालेल्या माहितीनुसार, इथे एका मुलाने मद्यधुंद अवस्थेत आपल्याच जन्मदात्या आईचे लैंगिक शोषण केल्याची घटना समोर येत आहे. घटनेची माहिती आजूबाजूला पसरल्यानंतर स्थानिकांमध्ये रागाचा फडका उडाला. संतापाच्या भरात लोकांनी आरोपीला पकडून बेदम मारहाण केल्याचेही स्पष्ट होत आहे.

अविवाहित तरुणांना लुटणाऱ्या टोळीचा पर्दाफाश; लग्न लावून देण्याचे आमिष दाखवले जायचे अन् नंतर…

अंगावर काटा आणणारी ही घटना मुझफ्फरपूरच्या सकरा पोलीस ठाण्याच्या हद्दीत घडली आहे. माहिती मिळताच पोलिसांचे पथक घटनास्थळी दाखल झाले आणि त्यांनी तत्काळ आरोपीला आपल्या ताब्यात घेतले. तथापि, स्थानिकांच्या तावडीतून आरोपीला सोडवण्यासाठी त्यांना मोठी धडपड करावी लागली. जमलेली लोक आरोपी मुलावर इतकी भडकली होती की मारहाणीत जीव जाईल की काय अशी परिस्थिती निर्माण झाली. अनेक प्रयत्नांनंतर स्थानिकांनी आरोपीला जमावाच्या तावडीतून सोडले आणि पोलिस ठाण्यात घेऊन गेले.

स्थानिकांनी एकत्रित केला हल्ला

ही संपूर्ण घटना मुजफ्फरपुर जिल्ह्यातील सकरा पोलिस ठाण्याच्या हद्दीतील मझौलिया पंचायतीच्या एका गावात घडून आली आहे. तीन दिवसांपूर्वी, मुलगा मद्यधुंद अवस्थेत घरी परतला आणि त्याने आपल्याच आईचे लैंगिक शोषण केले. नंतर घटनेची माहिती मिळाल्यानंतर स्थानिकांमध्ये संतापाचे वातावरण निर्माण झाले. हा संताप पुढे इतका वाढला की जमावाने एकत्रिपण आरोपी मुलावर हल्ला केला आणि त्याला बेदम मारहाण करण्यास सुरुवात केली.

Uttarpradesh Crime : लपंडाव खेळात असताना ९ वर्षीय मुलीसोबत घडलं भयंकर! ७ ते १२ वर्षीय मुलांनी केला सामूहिक अत्याचार

पोलिसांनी आरोपीला केली अटक

घटनेची माहिती मिळताच सकरा पोलीस ठाण्याचे पोलीस आरोपीला अटक करण्यासाठी घटनास्थळी दाखल झाले. यावेळी स्थानिक आरोपीला मारहाण करत होते. अशात पोलिसांनी बराच प्रयत्न करुन आरोपीला जमावाच्या तावडून सोडले आणि गाडीत बसवून पोलिस ठाण्यात घेऊन गेले. या घटनेचे फुटेज देखील सोशल मिडियावर व्हायरल झाले आहे. पोलिस सध्या घटनेचा तपास करत असून पुराव्यांच्या आणि जबाबाच्या आधारावर आरोपीवर पुढील कायदेशीर कारवाई करण्यात येईल.