Chandrapur News: क्षणात आनंद शोकात! लग्नात नाचताना 25 वर्षीय तरुणाचा मृत्यू; चंद्रपुरातील घटना

चंद्रपूरमध्ये मित्राच्या लग्नात डीजेवर नाचताना 25 वर्षीय तरुण अचानक कोसळला. रुग्णालयात नेल्यानंतर डॉक्टरांनी मृत घोषित केले. प्राथमिक अंदाजानुसार हृदयविकाराच्या झटक्याने मृत्यू झाला.

• लग्नात डीजेवर नाचताना तरुण कोसळला
• रुग्णालयात डॉक्टरांनी मृत घोषित केले
• हृदयविकाराच्या झटक्याची प्राथमिक शक्यता

चंद्रपूर: चंद्रपूर शहरात लग्नसोहळ्यात दुर्दैवी घटना घडल्याचे समोर आले आहे. मित्राच्या लग्नात डीजेच्या तालावर नाचताना एका तरुणाचा हृदयविकाराच्या झटक्याने अचानक मृत्यू झाल्याची घटना समोर आली आहे.

काय घडलं नेमकं?

अल्पेश दहगावकर असे २५ वर्षीय मृत्यू झालेल्या तरुणाचे नाव आहे. अल्पेश हा लग्नाच्या कार्यक्रमात डीजेच्या तालावर नाचताना अचानक खाली कोसळला. सुरुवातीला उपस्थितांना हा प्रकार लक्षात आला नाही. मात्र काही वेळातच तो प्रतिसाद देत नसल्याचे पाहून त्याला गोंडपिपरी येथील सामान्य रुग्णालयात दाखल करण्यात आले. मात्र, डॉक्टरांनी तपासणी करून त्याला मृत घोषित केले.

Gujrat Crime: रात्रीचं जेवण ठरलं काळ! डोसा खाल्ल्याने दोन चिमुकल्यांचा मृत्यू; पालकांची प्रकृती चिंताजनक

परिसरात हळहळ

त्याचा मृत्यू हृदयविकाराच्या झटक्यामुळे झाल्याची शक्यता व्यक्त केली जात आहे. या घटनेमुळे लग्न समारंभात एकच खळबळ उडाली आहे. आनंदाचे वातावरण क्षणात शोकमय झाले. अल्पेश याच्या अकाली निधनामुळे परिसरात हळहळ व्यक्त केली जात आहे.

चंद्रपुरात थरारक खून! २२ वर्षीय तरुणाने केली प्रेयसीची हत्या; आधी केला आत्महत्येचा बनाव मात्र…

चंद्रपूर जिल्ह्यातून एक धक्कादायक घटना समोर आली आहे. एका २२ वर्षीय तरुणाने आपल्या २९ वर्षीय लिव्ह-इन पार्टनरची मोबाईल चार्जरच्या वायरने गळा आवळून निर्घृण हत्या केली आहे. धक्कादायक बाब म्हणजे ही हत्या केल्यांनतर आरोपीने या प्रकरणाला आत्महत्येचे रूप देण्याचा प्रयत्न केला होता. जेणेकरून तो कायद्याच्या कचाट्यातून वाचू शकेल. मात्र २० दिवसांनी प्राप्त झालेल्या शवविच्छेदन अहवालाने या संपूर्ण प्रकरणाचा पर्दाफाश केला आणि पोलिसांच्या तपासाला एक नवी दिशा मिळाली. ही घटना चंद्रपूर जिल्ह्यातील दुर्गापूर परिसरात घडली. या घटनेने खळबळ उडाली आहे.

काय घडलं नेमकं?

आरोपीचे नाव अंकेश योगेश बहिरवार (वय २२ वर्ष) रा. सोनापूर, तहसील सावली अशी पटली आहे. तर मयत महिला प्रियांका (वय २९ वर्षे) ही तुकूम येथील रहिवासी होती. प्रियांका ही आपल्या पतीपासून विभक्त राहत होती आणि याच काळात तिची भेट स्वतःपेक्षा ७ वर्षांनी लहान असलेल्या अंकेशशी झाली होती. हळूहळू या ओळखीचे रूपांतर प्रेमात झाले आणि ते दोघेही दुर्गापूर येथील प्रियांकाच्या घराच्या वरच्या मजल्यावर लिव्ह-इन रिलेशनशिपमध्ये राहू लागले. सुरुवातीला सर्व काही सुरळीत चालले होते, मात्र गेल्या काही काळापासून त्यांच्यात किरकोळ कारणांवरून वारंवार वाद होऊ लागले होते. प्रियांका अंकेशवर काही गोष्टींसाठी दबाव टाकत असे आणि त्याला त्याच्या कुटुंबाशी संवाद साधण्यापासून रोखत होती, ज्यातून त्यांच्यातील तणाव वाढत गेला आणि अखेर त्याचे रूपांतर हत्येत झाले.

कांदा व्यापाऱ्याने केली महिलेची फसवणूक; आधी विश्वास संपादन केला अन् नंतर 30 लाखांना गंडा घातला