Crime News: ‘डिजिटल अरेस्ट’च्या भीतीने २५ लाखांना गंडा; तिघांविरुद्ध गुन्हा दाखल

सुधाकर जाधव यांच्या नावे बँक खात्यामध्ये २ कोटींचे मनी लॉन्ड्रिग झाले आहे. त्याबाबत खारघर येथे तक्रार नोंद असल्याचे खोटे सांगून चौकशीसाठी हजर राहावे लागेल, असे सांगण्यात आले.

तिघांवर जयगड ठाण्यात गुन्हा दाखल
‘डिजिटल अरेस्ट’च्या भीतीने २५ लाखांना गंडा
पोलिस असल्याचे भासवून केली फसवणूक

रत्नागिरी: वारंवार फोन करून आतंकवादी सहभाग, बैंक खात्यामध्ये २ कोटींचे मनी लॉन्ड्रिग झाले आहे, असे सांगून आणि नाशिक पोलिस असल्याचे भासवून २५ लाख २७ हजार रुपयांची फसवणूक करणाऱ्या तीन संशयितांविरुद्ध जयगड पोलिस ठाण्यात गुन्हा दाखल करण्यात आला. दि. १७ फेब्रुवारी ते ९ मार्च २०२६ या कालावधीत तालुक्यातील जयगड-साखरी बौद्धवाडी येथे ही घटना घडली. फिर्यादी सुधाकर लक्ष्मण जाधव (वय ६१, रा. जयगड, साखरी बौद्धवाडी, रत्नागिरी) यांना अनोळखी तिघांनी वारंवार फोन करून नाशिक पोलिस असल्याचे भासविले. त्यांचा आतंकवादी हल्ल्यामध्ये सहभाग असल्याचे सांगितले.

सुधाकर जाधव यांच्या नावे बँक खात्यामध्ये २ कोटींचे मनी लॉन्ड्रिग झाले आहे. त्याबाबत खारघर येथे तक्रार नोंद असल्याचे खोटे सांगून चौकशीसाठी हजर राहावे लागेल. व्हॉटसअॅप कॉलद्वारे डिजिटल अरेस्ट राहावे लागेल. फिर्यादीच्या खात्यामध्ये जमा झालेले पैसे रिझर्व्ह बैंक ऑफ इंडिया येथे तपासण्यासाठी जमा करावे लागतील, असे सांगून फसविले. पोलिस ठाण्याचा लोगो असलेले त्यावर फिर्यादीचे नाव, आधार कार्ड क्रमांक व फोटो असलेले बनावट पत्र पाठवून सुधाकर जाधव यांच्याकडून २५ लाख २७ हजार रुपये वेगवेगळ्या बँक खात्यांवर भरणा करण्यास सांगून फसवणूक केली.

डिजिटल अरेस्टच्या नावावर दोघांना गंडा; तब्बल दोन कोटींची केली फसवणूक

डिजिटल अरेस्टच्या नावावर दोघांना गंडा

गेल्या काही दिवसांपासून गुन्हेगारीच्या घटनांमध्ये सातत्याने वाढ होत आहे. किरकोळ कारणावरून खून, खुनाचा प्रयत्न, मारहाण यांसारख्या घटना घडत आहेत. फसवणुकीच्या घटनाही लक्षणीय आहेत. असे असताना आता जनजागृती आणि वारंवार सतर्क केल्यानंतरही लोक सायबर गुन्हेगारांच्या जाळ्यात अडकत आहेत. शहरात अशाप्रकारच्या घटनांमध्ये वाढ झाली.

आता सायबर गुन्हेगारांनी एका सेवानिवृत्त बँक अधिकाऱ्यासह दोघांना जवळपास 2 कोटी रुपयांचा चुना लावल्याचे उघडकीस आले. पीडित 62 वर्षीय सेवानिवृत्त बँक अधिकारी प्रतापनगर ठाण्यांतर्गत राहतात. 6 नोव्हेंबरला विनिता शर्मा आणि प्रेमकुमार गौतम नावाच्या दोन गुन्हेगारांनी त्यांना दोनदा व्हॉट्सअॅप कॉल केले.

हेदेखील वाचा : NPCI ने जारी केला अलर्ट, ‘Digital Arrest’ स्कॅमपासून सावध राहा! या कॉल्सना उत्तर दिल्यास होईल मोठं नुकसान

दहशतवादी विरोधी पथकाचा (एटीएस) अधिकारी असल्याचे सांगून पीडिताचे नाव मनी लाँड्रिंग प्रकरणात आले असून, त्यांना अटक करण्याची धमकी दिली. घाबरलेल्या पीडिताने अटक न करण्याची विनंती केली. दरम्यान, आरोपींनी एक कोटीची मागणी करून त्यांना डिजिटल अरेस्ट केले. तेव्हा पीडित व्यक्तीने त्यांच्याजवळ इतके पैसे नसल्याचे सांगितले. त्यानंतर आरोपींनी नवा बहाणा करत पैसे लुबाडण्याचा प्रयत्न केला.