धक्कादायक ! सांगलीत इंजिनिअरिंगच्या विद्यार्थिनीवर सामूहिक अत्याचार; लॉजवर नेऊन दोन मित्रांनीच…

सांगली जिल्ह्यातील ईश्वरपूरमध्ये ही धक्कादायक आणि संतापजनक घटना घडली. मूळची सातारा जिल्ह्यातील असलेली ही तरुणी ईश्वरपूर येथे राहून इंजिनिअरिंगचे शिक्षण घेत होती.

सांगली : सांगलीमध्ये इंजिनिअरिंगच्या 20 वर्षीय विद्यार्थिनीवर सामूहिक बलात्कार करण्यात आल्याची धक्कादायक घटना घडली. या घटनेमुळे सांगली हादरले. विद्यार्थिनीच्या दोन मित्रांनीच हे भयंकर कृत्य केल्याने एकच खळबळ उडाली आहे. विद्यार्थिनीला लॉजवर नेऊन तिच्यावर आरोपींनी आळीपाळीने बलात्कार केला. एवढ्यावर न थांबता आरोपींनी पीडित विद्यार्थिनीला जीवे मारण्याची धमकी दिली. तिने न घाबरता पोलिस ठाण्यात धाव घेत तक्रार दाखल केल्यानंतर हे प्रकरण समोर आले.

याप्रकरणी पोलिसांनी गुन्हा दाखल करत एका आरोपीला अटक केली तर दुसऱ्याचा शोध घेत आहेत. मिळालेल्या माहितीनुसार, सांगली जिल्ह्यातील ईश्वरपूरमध्ये ही धक्कादायक आणि संतापजनक घटना घडली. मूळची सातारा जिल्ह्यातील असलेली ही तरुणी ईश्वरपूर येथे राहून इंजिनिअरिंगचे शिक्षण घेत होती. शुक्रवारी सकाळी तिच्या मित्रांनी तिला ईश्वरपूर-कामेरी रस्त्यावरील एका लॉजवर नेले. तेथे तिला जाळ्यात ओढून शीतपेयातून गुंगीचे औषध पाजले. त्यानंतर तिच्या इच्छेविरोधात जाऊन तिव्यावर अत्याचार केला. एवढेच नाही तर, घडलेला प्रकार कोणाला सांगितल्यास जीवे मारण्याची धमकी देत आरोपींनी तिला मारहाणही केली.

दरम्यान, पीडित तरुणीने हिंमत दाखवून थेट ईश्वरपूर पोलिस ठाणे गाठले आणि तक्रार दाखल केली. पोलिसांनी घटनेचे गांभीर्य लक्षात घेता तत्काळ सामूहिक बलात्कारासह विविध कलमांन्वये गुन्हा दाखल केला. पोलिसांनी तपासाची चक्रे वेगाने फिरवत एका आरोपीला अटक केली. तर दुसरा आरोपी घटनास्थळावरून फरार झाला असून, पोलीस त्याचा शोध घेत आहेत.

विद्यार्थ्यांमध्ये भीतीचे वातावरण

या प्रकरणाचा पुढील तपास पोलिस उपनिरीक्षक एस. डी. ताम्हाणे करत आहेत. दिवसाढवळ्या घडलेल्या या धक्कादायक घटनेमुळे विद्यार्थ्यांमध्ये आणि नागरिकांमध्ये भीतीचे वातावरण पसरले आहे. फरार आरोपी पोलिसांच्या जाळ्यात कधी अडकणार? याकडे आता सर्वांचे लक्ष लागले आहे.

5 वर्षीय मुलींवर बसमध्ये अत्याचार

दुसऱ्या एका घटनेत, कर्जत तालुक्यातून एक धक्कादायक प्रकार समोर आला आहे. स्कूल बसमधील क्लीनरने पाच वर्षाच्या दोन चिमुरड्यांवर लैंगिक अत्याचार केल्याचे समोर आले आहे. आरोपीला अटक करण्यात आली असून, गुन्हा दाखल करण्यात आला आहे. कर्जत तालुक्यात शाळेच्या बसमधील क्लिनरने पाच वर्षांच्या दोन चिमुरड्यांवर कथित लैंगिक अत्याचार केल्याची घटना समोर आली आहे. आरोपी करण दीपक पाटील (वय २४) याच्यावर पोक्सो कायद्यानुसार गुन्हा दाखल करून अटक करण्यात आली आहे.

Sherewadi double murder case : शेरेवाडी दुहेरी हत्याकांडाचा उलगडा; २५ वर्षीय आरोपी अटकेत, सोन्याचे दागिने जप्त