आधी बायकोला संपवलं नंतर स्वतः घेतला गळफास, करमाळ्यातील धक्कादायक प्रकार…

सोलापूरच्या करमाळा तालुक्यातील कोर्टी येथून एक धक्कादायक प्रकार समोर येत आहे. एका तरुणाने आपल्या पत्नीचा गेला तांबं हत्या केली आणि त्यानंतर स्वतः गळफास घेतला. या घटनेने परिसरात खळबळ.

crime (फोटो सौजन्य - pinterest)

Follow Us:

Follow Us:

नुकताच सोलापुरात दूषित पाणी पिल्याने दोन मुलींनी जीव गमावल्याची घटना घडली असतानाच आता सोलापुरातील करमाळा तालुक्यातून एक धक्कादायक घटना समोर येत आहे. एका व्यक्तीने आधी आपल्या पत्नीचा गळा दाबून हत्या केली त्यानंतर स्वतः गळफास घेऊन आत्महत्या केली. युवराज लक्ष्मण शेरे (वय 31) व रूपाली युवराज शेरे (वय 25) असे मृत पती-पत्नीचे नाव आहे. त्यांना साडेचार महिन्याची एक चिमुकली आहे. या घटनेने परिसरात खळबळ उडाली.

पुण्यात चोरट्यांचा धुमाकूळ; गाडीची काच फोडून लाखोंची रोकड चोरली

पोलिसांचा अंदाज

युवराज शेरे हा पत्नी ,आई, वडील,भाऊ, भावजय लहान मुलीसह कोर्टी येथील हुलगेवाडी रस्त्यावरील शेरे वस्ती येथे राहत होता. हत्येच्या दिवशी युवराज शेरे व त्यांची पत्नी रूपाली दोघेच घरी होते. घरात कोणीही नसल्याने युवराजने पत्नी रूपालीचा गळा दाबून खून केला. त्यानंतर आपल्या हातून होत्याचे नव्हते झाल्याच्या पश्चातापातून युवराजने देखील स्वतः घरातील अँगलला गळफास घेऊन आत्महत्या केली असावी, असा पोलिसांचा अंदाज आहे.

त्याच दिवशी सायंकाळी साडेपाच सहाच्या सुमारास कामानिमित्त बाहेर गेलेली कुटुंबातील इतर लोक घरी आली. त्यावेळी चिमुकली बंद घरात रडत होती. त्यावेळी युवराजच्या वडिलांनी दरवाजा तोडून आता प्रवेश केला. तेव्हा सून रूपाली निपचित पडली होती आणि युवराज लोखंडी अँगलला लटकत असल्याचे दिसले. त्यांनी युवराजला खाली उतरवले आणि पोलिसांना कळविले. यानंतर पोलिस घटनास्थळी दाखल झाले, पोलिसांनी मतदेह उत्तरीय तपासणीसाठी सरकारी दवाखान्यात पाठविले आहेत. पोलिस निरीक्षक विनोद घुगे याबाबतचा अधिक तपास करत आहेत.

चिमुकलीसमोरच हत्या

गेल्या काही दिवसापासून युवराज सतत पत्नीला चिडचिड करत होता, कुटुंबियांशी देखील तो मागील दोन महिन्यापासून व्यवस्थित बोलत नव्हता. त्याला कोणता तरी मोठा ताण होता, ज्याच्यातून टोकाचे पाऊल उचलत त्याने साडेचार महिन्याच्या चिमुकलीसमोरच पत्नीचा गळा दाबून खून केला. त्यानंतर स्वतःलाही संपविले आहे. या घटनेने परिसरात खळबळ उडाली.

डोंबिवलीत नवा घोटाळा: तब्बल 1 कोटी 23 लाखांची फसवणूक; काय आहे प्रकरण?

Web Title: First he killed his wife and then he hanged himself shocking incident in karmala

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com