धावत्या एक्सप्रेसमध्ये ‘मोबाईल चोर’ सुसाट! तासाभरात 5 महागडे फोन लंपास; आरोपी कल्याणमध्ये जेरबंद
अमृतसर-मुंबई एक्सप्रेसमधून प्रवासी प्रवास करत असताना आरोपीने एसी कोचला लक्ष्य केले. प्रवाशांची नजर चुकवून त्याने एका तासाच्या कालावधीत पाच महागडे मोबाईल चोरल्याचा आरोप आहे. रेल्वेच्या एसी कोचमध्ये चोरी झाल्याने प्रवाशांच्या सुरक्षिततेचा मुद्दाही या घटनेनंतर पुन्हा चर्चेत आला आहे.
Murder Case : गुन्हा दाखल केल्याच्या रागातून वृद्धाचा निर्घृण खून; पोलिसांनी आरोपींना घेतले ताब्यात
कल्याण रेल्वे स्थानकात पोलिसांना एक प्रवासी संशयास्पद स्थितीत आढळून आला. पोलिसांनी त्याला थांबवून चौकशी सुरू केली. मात्र चौकशीदरम्यान तो समाधानकारक माहिती न देता उलटसुलट उत्तरे देत असल्याने पोलिसांचा संशय आणखी बळावला. यानंतर पोलिसांनी त्याची झडती घेतली. त्याच्याकडे पाच महागडे मोबाईल फोन आढळून आले. एवढ्या मोठ्या संख्येने मोबाईल आढळल्याने पोलिसांनी त्याची कसून चौकशी सुरू केली.
पुढील तपासात संशयिताची ओळख मुजम्मिल रहमान शेख अशी पटली. तो मालेगावचा रहिवासी असल्याची माहिती पोलिसांना मिळाली. त्याच्याकडून सापडलेल्या मोबाईलची माहिती तपासल्यानंतर ते अमृतसर-मुंबई एक्सप्रेसच्या एसी कोचमधील प्रवाशांचे असल्याचे समोर आले.
पोलिसांनी आरोपीची गुन्हेगारी पार्श्वभूमी तपासली असता आणखी धक्कादायक माहिती समोर आली. त्याच्याविरोधात यापूर्वी चोरीचे तब्बल 17 गुन्हे दाखल असल्याची माहिती पोलिसांनी दिली आहे. त्यामुळे रेल्वे प्रवासादरम्यान आणखी काही चोरीच्या घटनांमध्ये त्याचा सहभाग आहे का, याचाही तपास केला जाण्याची शक्यता आहे.
कल्याण जीआरपी पोलिसांनी मुजम्मिल रहमान शेखला अटक केली असून त्याच्याकडून पाच मोबाईल हस्तगत करण्यात आले आहेत. या प्रकरणामध्ये आणखी कोणी सहभागी आहे का, तसेच आरोपीने यापूर्वी रेल्वेमध्ये अशाच प्रकारे आणखी चोऱ्या केल्या आहेत का, याबाबत कल्याण जीआरपी पोलीस पुढील तपास करत आहेत.
Nashik Sucide : नाशिकमध्ये तरुणाची गळफास घेऊन आत्महत्या; धक्कादायक कारणही समोर
.png "Videos"){kind=small}
