Goa Crime: गोव्यात भीषण अपघात! बिझनेसमनच्या मुलाच्या कारने दिली 23 वर्षीय तरुणीला धडक; तरुणीचा मृत्यू

गोव्यातील डोना पॉला येथे भरधाव मिनी कूपर कारने दुचाकीला धडक दिल्याने 23 वर्षीय तरुणीचा मृत्यू झाला, तर सहकारी गंभीर जखमी झाला. आरोपी चालकाला अटक असून पोलिस तपास सुरू आहे.

• मिनी कूपर कारची दुचाकीला जोरदार धडक
• 23 वर्षीय तरुणीचा मृत्यू, सहकारी गंभीर जखमी
• आरोपी चालकाला पोलिसांकडून अटक

गोवा: गोव्यातून एक भीषण अपघाताची घटना समोर आली आहे. एका बिझनेसमनच्या मुलाच्या कारणे २३ वर्षीय तरुणीला धडक दिल्याचे समोर आले आहे. यात तिचा मृत्यू झाला. ही तरुणी एका पंचतारांकित हॉटेलमध्ये कर्मचारी म्हणून कार्यरत होती. ती आपल्या एका पुरुष सहकाऱ्यांसोबत दुचाकीवरून जात होती त्यावेळी एका भरधाव आलिशान मिनी कूपर कारणे त्यांच्या दुचाकीला जोरदार धडक दिली. यात तिचा मृत्यू झाला तर तिचा सहकारी गंभीर जखमी झाला. या घटेनमुळे खळबळ उडाली आहे.

Accident News : मसूर-उंब्रज रस्त्यावर भीषण अपघात; महिलेचा जागीच मृत्यू तर 7 महिला जखमी

काय घडलं नेमकं?

या प्रकरणातील २२ वर्षीय डॅरियस डायस या तरुणाला अटक केली आहे. डॅरियस हा एका बिझनेसमनचा मुलगा आहे. तो रविवारी रात्री आपली मिनी कूपर कार अत्यंत वेगाने चालवत असल्याचा आरोप आहे. उत्तर गोव्यातील डोना पॉला परिसरातील रस्त्यावर ही आलिशान कार थेट समोरून येणाऱ्या दुचाकीवर आदळली. या धडकेचा वेग इतका भीषण होता की त्यात दुचाकीवरील दोघांनाही गंभीर दुखापत झाली. त्याच्यावर रुग्णालयात उपचार सुरु आहे. त्याची प्रकृती चिंताजनक असल्याचे समोर आले आहे.

बिझनेसमनच्या मुलाग ताब्यात

डॅरियस डायसला पोलिसांनी ताब्यात घेतले असून या अपघाताच्या वेळी नेमकी काय परिस्थिती होती, याची सखोल चौकशी केली जात आहे. पोलिसांनी डॅरियस डायस याच्याविरुद्ध संबंधित कलमान्वये गुन्हा दाखल केला आहे. मंगळवारी या प्रकरणाची अधिकृत माहिती प्रसिद्ध केली आहे.

गाडीला नोंदणी क्रमांक नाही

अपघातग्रस्त मिनी कूपर कारवर अद्याप कायमस्वरूपी नोंदणी क्रमांक नव्हता. ही कार प्रादेशिक परिवहन कार्यालयाकडे (RTO) अधिकृतपणे नोंदणी करण्यापूर्वी जी तात्पुरती नंबर प्लेट दिली जाते, त्याच नंबर प्लेटवर चालवली जात होती. आरटीओ नोंदणी प्रलंबित असताना अशा प्रकारे वेगाने गाडी चालवणे एका निष्पाप तरुणीच्या जीवावर बेतल्याचे पोलीस अधिकाऱ्यांनी सांगितले आहे.

साहेब, मी माजी उपसरपंच आहे, मित्रांमुळे एकदाच ड्रग्ज घेतले! वाचा पोलिसांनी पकडलेल्या तरुणाची कहाणी