Pimpri-Chinchwad: पिंपरी-चिंचवड हादरले! २२ वर्षीय तरुणीने गर्भपाताच्या गोळ्या घेतल्या अन्…

संबंधित तरुणी सात महिन्यांची गरोदर होती. मात्र, याबद्दल तिने आपल्या कुटुंबीयांना कोणतीही कल्पना दिली नव्हती. मंगळवारी सकाळी तिने स्वतःहून गर्भपाताच्या गोळ्या घेतल्या.

PCMC News: पिंपरी-चिंचवड परिसरातून एक अत्यंत हृदयद्रावक आणि धक्कादायक घटना समोर आली आहे. गर्भपाताच्या गोळ्यांचे सेवन केल्याने एका २२ वर्षीय अविवाहित तरुणीचा आणि तिच्या महिन्यांच्या नवजात अर्भकाचा उपचारादरम्यान मृत्यू झाल्याची माहिती समोर आली आहे. या घटनेमुळे परिसरात मोठी खळबळ उडाली असून, असुरक्षित गर्भपाताचा प्रश्न पुन्हा एकदा ऐरणीवर आला आहे.

Mira-Bhayandar News: मिरा-भाईंदर महापालिकेत लोकशाहीचा गळा आवळला? अर्थसंकल्पीय महासभेत

 

कुटुंबीयांपासून लपवले होते मातृत्व

मिळालेल्या माहितीनुसार, संबंधित तरुणी सात महिन्यांची गरोदर होती. मात्र, याबद्दल तिने आपल्या कुटुंबीयांना कोणतीही कल्पना दिली नव्हती. मंगळवारी सकाळी तिने स्वतःहून गर्भपाताच्या गोळ्या घेतल्या. या गोळ्यांच्या परिणामामुळे तिची मुदतपूर्व प्रसूती (Premature Delivery) झाली. प्रसूतीनंतर तरुणीला प्रचंड रक्तस्त्राव सुरू झाल्याने तिची प्रकृती चिंताजनक बनली. तरुणीची प्रकृती खालावल्याने तिला तातडीने पुण्यातील ससून रुग्णालयात उपचारासाठी हलवण्यात आले. दुसरीकडे, सात महिन्यांच्या नवजात बाळाला पिंपरीतील यशवंतराव चव्हाण स्मृती (YCM) रुग्णालयात दाखल करण्यात आले. मात्र, डॉक्टरांनी शर्थीचे प्रयत्न करूनही काही तासांतच दोघांचाही मृत्यू झाला.

 

पोलीस तपासात अनेक प्रश्न

दरम्यान या घटनेची माहिती मिळताच पिंपरी चिंचवड पोलिसांनी या प्रकरणाचा तपास सुरू केला आहे. या तरुणीला गर्भपाताच्या गोळ्या कोणी पुरवल्या, त्या गोळ्या डॉक्टरांच्या सल्ल्याशिवाय कशा मिळाल्या आणि हे प्रकरण दडपण्यासाठी हे सर्व करण्यात आले का, असे प्रश्न आता उपस्थित होत आहेत. या प्रकरणी पोलिसांनी सखोल चौकशी सुरू केली आहे. अविवाहित तरूणीने उचललेल्या या टोकाच्या निर्णयामुळे तिच्या कुटुंबावर मोठा आघाच झाला आहे. पण अनधिकृतपणे गर्भपाताच्या गोळ्यांची विक्री करणाऱ्यांवरही कारवाई केली जावी, अशी मागणी होऊ लागली आहे.

देशातील 70% महिलांना PCOS-PCOD, वाढतोय वंध्यत्वाचा धोका; Swami Ramdev नी सांगितला रामबा

दुसरीकडे या प्रकरणात अनेक संशयास्पद गोष्टी आढळून आल्या आहेत. पोलिसांनी तरुणीचा मोबाईल फोन मिळाला तेव्हा तो फोन फॉरमॅट केलेला होता. त्यामुळे पोलिसांचा संशय अजूनच बळावला आहे. तसेच, तरुणीला गर्भपाताच्या गोळ्या कोणी पुरवल्या आणि तिचा मोबाईल फॉरमॅट करून त्यातील डेटा नष्ट कोणी केला, यामागे हे प्रकरण दडपण्याचा तर हेतू नव्हता ना, असा प्रश्न आहे. या प्रकरणाचा उलगडा करण्यासाठी आता चिंचवड पोलिसांनी तपासचक्र फिरवले आहे. मोबाईलचा डेटा रिकव्हर करण्यासाठी सायबर तज्ज्ञांची मदत घेतली जाणार आहे.