CRIME (फोटो सौजन्य - PINTEREST )
जळगावात सैराटची पुनरावृत्ती घडली आहे. प्रेम विवाह केल्याच्या रागातून वडिलांनी आपली मुलगी आणि जावई यांच्यावर गोळीबार करत मुलीला ठार केला आहे. यात जावई गंभीररीत्या जखमी झाले आल्याची घटना समोर आली आहे. ही घटना जळगाव जिल्ह्याच्या चोपडा शहरात घडली आहे. या घटनेने सर्वत्र परिसरात खळबळ उडाली आहे. या ऑनर किलिंग घटनेत संतप्त लोकांनी गोळीबार करणाऱ्या मुलीच्या वडिलांना बेदम मारहाण केल्याने त्यांची प्रकृती ही गंभीर असल्याची माहिती समोर आली आहे. सध्या त्यांच्यावर जळगाव जिल्हा रुग्णालयात उपचार सुरु आहे.
Crime News: सांगवी पोलिसांची मोठी कारवाई! दारूची बेकायदेशीरपणे वाहतूक केल्याप्रकरणी थेट…
गोळीबार करणाऱ्या व्यक्तीचे नाव किरण मांगले आहे. किरण मांगले सीआरपीएफमधील सेवानिवृत्त पीएसआय आहे. किरणने आपल्या मुलीवर एका लग्नाच्या कार्यक्रमात बेछूट गोळीबार केला आहे. या गोळीबारात मुलगी तृप्ती मांगले हीचा जागीच मृत्यू झाला असून जावई अविनाश वाघ गंभीर जखमी झाला आहे. या घटनेची माहिती मिळताच पोलीस घटनास्थळी पोहोचले आणि पुढील कारवाई सुरु केली आहे. या घटनेने सर्वत्र एकाच खळबळ उडाली आहे.
भर विवाह समारंभात गोळीबार
पुढे आलेल्या माहितीनुसार, तृप्ती आणि अविनाश वाघ यांनी साधारण वर्षभरापूर्वी प्रेमविवाह केला होता. विवाहानंतर हे दाम्पत्य पुण्यात राहत होते. चोपडा या शहरात अविनाशच्या नातेवाईकांच्या लग्नासाठी दोघे आले होते. याची माहिती मिळताच किरण मांगले चोपड्यात आले आणि थेट लग्नस्थळी पोहोचत त्यांनी आपल्या जावळील बंदुकीने गोळ्या झाडल्या. या गोळीबारात तृप्तीचा जागीच मृत्यू झाला तर अविनाश गंभीर जखमी झाला आहे. या घटनेत आणखी एक महिला जखमी झाल्याची प्राथमिक माहिती समोर आली आहे.
गोळीबारानंतर विवाह समारंभात आलेल्या संतप्त जमावाने किरण मांगले यांच्यावर हल्ला चढवून त्यांना गंभीर जखमी केले. सध्या जखमींची प्रकृती गंभीर असून जावई अविनाश वाघ यांना जळगावच्या शासकीय वैद्यकीय महाविद्यालयात उपचारासाठी दाखल करण्यात आले आहे. घटनेची माहिती मिळताच पोलीस अधीक्षक डॉ. महेश्वर रेड्डी घटनास्थळी दाखल झाले असून तपास सुरू आहे. या ऑनर किलिंगच्या घटनेने चोपडा शहर हादरले आहे.
खंडणीसाठी गुंडाचा रिक्षाचालकावर जीवघेणा हल्ला; मोठा दगड भिरकावला अन्…
.png "Videos"){kind=small}
