- Crime »
Crime News Live Updates : उल्हासनगरच्या साईनाथ कॉलनीत गोळीबार अन् तलवारीनं हल्ला
Crime News Live Updates Marathi : आज दिनांक 28 - 08- 2025 रोजी देश-विदेशासह राज्यातील गुन्हेगारी संदर्भातल्या ताज्या घडामोडींचे अपडेट वाचा फक्त एका क्लिकवर...
Crime News Live Updates
28 Aug 2025 01:40 PM (IST)
गडचिरोलीत मोठी कारवाई! चकमकीत 4 नक्षलवाद्यांचा खात्मा
गडचिरोलीत नक्षलवाद्यां विरोधात मोहीम राबवण्यात येत आहे. ही मोहीम अधिक तीव्र करण्यात आली असून गडचिरोलीत चार नस्खलवाद्यांना ठार मारण्यात पोलिसांना यश आले आहे. त्यात तीन महिला आणि एका पुरुषाचा समावेश आहे. यावेळी पोलिसांना शस्त्रसाठा सापडला असून अजूनही चकमक सुरु आहे. ही कारवाई भामरागड तालुक्यातील कोपर्शीच्या जंगलात सुरु आहे.
28 Aug 2025 01:20 PM (IST)
4 वर्षांच्या लेकराला आधी विष दिला, नंतर पती-पत्नीने घेतला गळफास
उत्तर प्रदेशमधून एक धक्कादायक घटना समोर आली आहे. एका दाम्पत्याने आधी स्वतःच्या ४ वर्षाच्या मुलाचा जीव घेतला नंतर दोघांनी गळफास घेऊन आत्महत्या केली. कर्जबाजारीपणातून या व्यापारी दाम्पत्याने आत्महत्या केल्याचं समोर आलं. त्यांनी मुलाला विषारी पदार्थ खायला दिला आणि गळफास घेत आत्महत्या केली. पोलिसांनी मृतदेह शवविच्छेदनासाठी पाठवली असून घटनास्थळी त्यांना एक सुसाईड नोट भेटली.
28 Aug 2025 01:05 PM (IST)
जर्मनीत हॉटेल टाकण्याच्या बहाण्याने ५४ लाखांचा गंडा
जर्मनीत हॉटेल व्यावसायात गुंतवणुक करण्याच्या बहाण्याने ५४ लाखांची फसवणुक केल्याचा प्रकार उघडकीस आला आहे. याप्रकरणी समर्थ पोलिस ठाण्यात पाच जणांवर गुन्हा दाखल करण्यात आला आहे. किरण कुमार त्रिवेदी (रा. कांताकुंज, गुजरात), चंद्रेश त्रिवेदी, जानव्ही चंद्रेश त्रिवेदी (दोघेही रा. साल्सबर्गर स्ट्रिट, जर्मनी), निती पांडेय, तृप्ती नितीन पांडेय (२८, दोघेही रा. वल्लभनगर, इंदोर, मध्यप्रदेश) अशी गुन्हा दाखल करण्यात आलेल्यांची नावे आहेत. याबाबत हरदीपसिंग अमोलकसिंग होरा (५४, रा. सायकल मर्चंट हौंसिंग सोसायटी, रास्तापेठ) यांनी समर्थ पोलिस ठाण्यात तक्रार दिली आहे. हा प्रकार सप्टेंबर २०२४ ते २० मे २०२५ दरम्यान घडला.
28 Aug 2025 12:42 PM (IST)
नामांकित हॉटेल व्यवसायिकाचा कामगाराकडून खून
पुणे शहरातील नामांकित हॉटेल 'पीकॉक गार्डन अँड रेस्टॉरंट'चे मालक संतोष शेट्टी (४५) यांचा त्यांच्याच हॉटेलातील कामगार याने रागाच्या भरात खून केल्याची धक्कादायक घटना मंगळवारी (दि. २६) रात्री उशिरा घडली. किचनमधला चाकू आणत तो अचानक त्यांच्या पोटात घुपसून व वारकरून खून केला. बेसावध असल्याचे पाहून त्याने वार केले. किरकोळ कारणावरून झालेल्या वादातून ही घटना घडल्याचे सांगण्यात आले. याप्रकरणी उत्तमनगर पोलिसांनी कामगार उमेश दिलीप गिरी (३९) याला ताब्यात घेतले आहे.
28 Aug 2025 12:22 PM (IST)
दारूबंदीच्या 'त्या' आदेशाला हायकोर्टाची स्थगिती
मध्यभागातील म्हणजेच खडक, विश्रामबाग आणि फरासखाना पोलिस ठाण्यांच्या हद्दीत २७ ऑगस्ट ते ६ सप्टेंबर या संपूर्ण गणेशोत्सवाच्या काळात दारू आणि वाईन शॉपीची दुकाने बंद ठेवण्याचा निर्णय घेण्यात आला होता. जिल्हाधिकाऱ्यांनी तसे आदेश देखील पारित केले होते. मात्र, निवडक दारूबंदीविरोधात दाखल झालेल्या याचिकेवर सुनावणी करत उच्च न्यायालयाने हा आदेश फेटाळत स्थगिती दिली. त्यामुळे आता मध्यवर्ती भागातील दुकाने पूर्ण दहा दिवस बंद राहणार नाहीत. त्यानूसार सुधारित आदेश काढण्यात आला आहे.
28 Aug 2025 11:51 AM (IST)
हॉटेलमध्ये तरुणाची निर्घृण हत्या
बीडच्या अंबाजोगाई येथून एक धक्कदायक घटना समोर आली आहे. अंबाजोगाईतील साखर कारखाना रोडवरील हॉटेलमध्ये बसलेल्या तरुणाची निर्घृण हत्या करण्यात आली. तरुणाची डोक्यात तीक्ष्ण हत्याराने वार करून निर्घृण हत्या करण्यात आली. ही धक्कादायक घटना मंगळवारी रात्री घडली असून, मृत तरुणाचे नाव अविनाश शंकर देवकर (रा. रायगड नगर, अंबाजोगाई) असे आहे. हल्ला केल्यानंतर आरोपी पसार झाले आहे. पोलीस त्यांचा शोध घेत आहेत.
28 Aug 2025 11:31 AM (IST)
कचऱ्यात फेकले मतदान कार्ड
काही दिवसांपूर्वीच काँग्रेसचे राहुल गांधी यांनी मतदान प्रक्रियेवर गंभीर आरोप केले होते. नागरिकांनी केलेलं मतदान मतमोजणी प्रक्रियेदरम्यान चोरीला जात असल्याच्या राहुल गांधीच्या आरोपांमुळे राजकीय वातावरण चांगलंच तापलं होतं. यावर सत्ताधारी आणि विरोधक यांच्यात अनेक आरोप प्रत्यारोप देखील पाहायला मिळाले आहेत. या मतमोजणीच्या पार्श्वभूमीवर ठाण्यातून एक धक्कादायक बाब समोर आली आहे. मुंब्र्यातील गणेशघाट खाडीपरिसरात मोठ्या संख्येने मतदान कार्ड फेकलेले आढळून आले आहेत. गणेशोत्सवाच्या निमित्ताने साफसफाई करणाऱ्या सफाई कर्मचाऱ्यांना एका पिशवीत जास्तीच्या संख्येने मतदान कार्ड फेकल्याचं आढळून आलं. या प्रकरणा ने परिसरात एकच खळबळ उडाली आहे. एवढ्या मोठ्या प्रमाणात मतदान कार्ड का फेकली आणि हे नेमकं कोणी केलं याबाबत अद्यापतरी ठोस माहिती नाही.
उल्हासनगरमध्ये कौटुंबिक वादातून गोळीबाराची धक्कादायक घटना घडली आहे. या गोळीबारात एक जण गंभीर जखमी झाला असून दुसऱ्यावर तलवारीने हल्ला करण्यात आला आहे. ही घटना सोमवारी रात्री उशिरा हिललाइन पोलिस ठाण्याच्या हद्दीतील साईनाथ कॉलनी परिसरात घडली. घटनेमुळे परिसरात भीतीचे वातावरण निर्माण झाले असून पोलिसांनी घटनास्थळी धाव घेऊन तपास सुरू केला आहे. कौटुंबिक वादातून ही घटना घडल्याचे समोर आले आहे. घटनेनंतर पोलिस तात्काळ घटनास्थळी दाखल झाले व पंचनामा करून हल्लेखोरांच्या शोधासाठी पथके विविध ठिकाणी रवाना करण्यात आली आहेत. गोळीबारात जखमी झालेल्या व्यक्तीची प्रकृती गंभीर असल्याने त्याला पुढील उपचारासाठी ठाण्यातील खासगी रुग्णालयात दाखल करण्यात आले आहे.
Web Title: Maharashtra crime news in marathi live updates 38
Get Latest Marathi News , Maharashtra News and Marathi News from Politics, Election News , Sports News , Entertainment News, Business News and Religion News only on Navarashtra.com
संबंधित बातम्या
नामांकित हॉटेल व्यवसायिकाचा चाकूने भोसकून खून; रागाच्या भरात कामगाराने संपवलं
धक्कादायक ! नोकरीचे आमिष दाखवून महिलेसोबत बळजबरी; दागिन्यांसह रोकडही लुटली
Crime News: दूर जाऊन सिगारेट प्या म्हणताच युवकांना राग आला अन्…: कामगारांसोबत नेमके काय घडले?
Mumbai Crime: संतापजनक! तीन अल्पवयीन मुलींसमोर अश्लील कृत्य, आरोपी अटकेत; मुंबईतील घटना
ताज्या बातम्या
पृथ्वी शॉ कोणाला डेट करत आहे? गणेश चतुर्थीच्या निमित्ताने ही ‘महिला’ दिसली त्याच्यासोबत ; Photo Viral
एकनाथ शिंदे अन् देवेंद्र फडणवीस यांनी केलेल्या घोषणांचे काय झाले? मराठा आरक्षणावरुन काँग्रेसचा सवाल
Safest Muslim Nation : Sky Dome आणि भूमिगत बंकर… मुस्लिम देशांमध्ये तुर्की कसा बनला सर्वात सुरक्षित देश?
“ठाकरे हे महाराष्ट्राचे शिल्पकार आहेत…फडणवीस नाहीत; खासदार संजय राऊत स्पष्टच म्हणाले
थरारक! मगरीच्या पिल्लावर तुटून पडला सिंहाचा कळप; एकाने पाय धरला, एकाने जबडा अन्…, Video Viral
भारतावर ५० टक्के कर, ‘या’ शेअर्सना मोठा फटका, तुमच्याकडे आहे का?
Maratha Andolan : खेड टोलनाक्यावर वाहतूक धीम्या गतीने; शेकडो वाहनांची मार्गावर गर्दी
व्हिडिओ
Solapur : नवसाला पावणारा असा गणपती; हेमाडपंथी शैलीतील प्राचीन गणेश मंदिर
Solapur : नवसाला पावणारा असा गणपती; हेमाडपंथी शैलीतील प्राचीन गणेश मंदिर
Sambhajinagar : ठाकरे बंधूच्या एकत्रिकरणाचा महायुतीवर परिणाम होणार? काय म्हणाले भागवत कराड ?
Sindhudurg : निलेश राणे आमदार व्हावेत, म्हणून कार्यकर्त्यांनी केला नवस
Navi Mumbai : वाशीमध्ये नवसाला पावणाऱ्या महाराजाचे भव्य आगमन
Pratap Sarnaik : ठाणेकरांना डिसेंबरपासून मेट्रोची भेट मिळण्याची शक्यता
