Crime News Updates : पुण्यात भरधाव कारने तरुणीला चिरडले

14 Jun 2025 06:26 PM (IST)

अवैध गोमांस विक्री, मशिदींवरील भोंग्या विरोधात मढीचे सरपंच आक्रमक

14 Jun 2025 05:49 PM (IST)

एका शेअरवर 210 रुपयांचा लाभांश! गुंतवणूकदार होतील मालामाल

बजाज ऑटो लिमिटेडने प्रति शेअर २१० रुपये लाभांश देण्याचा निर्णय घेतला आहे. कंपनीने २० जून २०२५ ही या लाभांशाची रेकॉर्ड डेट म्हणून घोषित केली आहे. म्हणजेच, या दिवशी कंपनीचे शेअर्स धारण करणाऱ्या गुंतवणूकदारांना प्रत्येक शेअरवर २१० रुपये नफा मिळेल.

14 Jun 2025 05:46 PM (IST)

मुंबईत भीषण अपघात, डंपरने तिघांना चिरडले

गेल्याच आठवड्यात लोकल रेल्वेतून अपघात झाल्याने 4 प्रवाशांचा मत्यू झाल्याची धक्कादायक घटना मुंबईतील मुंब्रा रेल्वे स्टेशनजवळ घडली होती. त्यामुळे, प्रवाशांच्या सुरक्षिततेचा प्रश्न ऐरणीवर आला होता. त्यातच, आता मुंबईतील गोवंडी शिवाजी नगर भागात एका डंपर चालकाने 3 जणांना चिरडल्याची धक्कादायक घटना काही वेळापूर्वी घडली आहे. या भीषण अपघातात तिन्ही प्रवशांचा मृत्यू झाल्याची माहिती आहे. घटनेनंतर स्थानिक जमावाने संताप व्यक्त करत डंपरचालकाला पकडून पोलिसांच्या ताब्यात दिले.

14 Jun 2025 05:01 PM (IST)

बांगलादेच्या कर्णधारपदी Mehdi Hassan ची नियुक्ती

अष्टपैलू मेहदी हसन मिराजची एका वर्षासाठी बांगलादेशच्या एकदिवसीय कर्णधारपदी नियुक्ती करण्यात आली. पुढील महिन्यात श्रीलंकेत होणाऱ्या तीन सामन्यांच्या मालिकेत तो पहिल्यांदाच संघाचे नेतृत्व करेल. मेहदी नझमुल हुसेन शांतो यांच्याकडून एकदिवसीय संघाची सूत्रे स्वीकारेल जो कसोटी कर्णधार राहील. लिटन दास टी-२० मध्ये बांगलादेशचे नेतृत्व करत राहील.

14 Jun 2025 04:00 PM (IST)

डॉक्टरांनी जिवंत रुग्णाला मृत घोषित केलं

उल्हासनगरमधील शिवनेरी हॉस्पिटलमधून एक धक्कादायक घटना समोर आली आहे. अभिमान तायडे (वय 65) या जिवंत असलेल्या व्यक्तीस मृत घोषित करून डॉक्टरांनी चक्क त्यांना डेथ सर्टिफिकेट दिल्याचा धक्कादायक प्रकार उघडकीस आला आहे. यामुळे वैद्यकीय क्षेत्रातील निष्काळजीपणावर गंभीर प्रश्नचिन्ह उपस्थित झाले आहेत.

14 Jun 2025 02:58 PM (IST)

SBI ने दिला गुंतवणूकदारांना मोठा धक्का...

देशातील सर्वात मोठी सार्वजनिक क्षेत्रातील बँक, स्टेट बँक ऑफ इंडिया (SBI) ने FD गुंतवणूकदारांना मोठा धक्का दिला आहे. SBI ने त्यांच्या विशेष FD “अमृत वृत्ती” योजनेवरील व्याजदर कमी केला आहे, तर इतर नियमित मुदत ठेवींचे दर अपरिवर्तित ठेवले आहेत. अमृत वृत्ती एफडीसाठी सुधारित दर १५ जून २०२५ पासून लागू होतील. याचा अर्थ आता गुंतवणूकदारांना या योजनेअंतर्गत ठेवींवर पूर्वीपेक्षा कमी व्याज मिळेल. तथापि, SBI ने इतर नियमित FD व्याजदरांमध्ये कोणताही बदल केलेला नाही.

(सविस्तर बातमीसाठी येथे क्लिक करा)

14 Jun 2025 02:35 PM (IST)

मुंबई हादरली! नवऱ्याला सोडून बॉयफ्रेंडसोबत गेली, विरोध करणाऱ्या बापालाही संपवलं

मुंबईच्या अंधेरी पूर्व परिसरात धक्कादायक आणि संतापजनक घटना घडली आहे. एका ३७ वर्षीय तरुणी ने आपल्याच वडिलांची हत्या केल्याची धक्कादायक घटना समोर आली आहे. विशेष म्हणजे तिने आपल्या प्रियकराच्या मदतीने हा काटा काढला. तरुणीच्या वडिलांनाही अनैतिक संबंधांना विरोध केल्याच्या कारणातून हत्या केल्याचं समोर आला आहे. ३७ वर्षीय तरुणीचे नाव सोनाली बैत असे आहे तर तिच्या प्रियकराचे नाव महेश पांडे (२७) असे आहे. या दोघांवर अंधेरी एमआयडीसी पोलीस ठाण्यात खुनाचा गुन्हा दाखल झाला असून पोलिसांनी दोघांनाही अटक केली आहे. सविस्तर बातमी

14 Jun 2025 01:22 PM (IST)

रस्ता क्रॉस करताना महिला पाण्यात वाहून गेली

पुणे शहरात गुरूवारी रात्री झालेल्या मुसळधार पावसात पाण्यातून रस्ता क्रॉस करताना नाल्याचा अंदाज न आल्याने ज्येष्ठ महिला नाल्यात पडून वाहून गेल्याचा धक्कादायक प्रकार समोर आला आहे. नवले ब्रिजजवळ ही घटना घडली असून, सायंकाळी उशिरा वारजे परिसरात तिचा मृतदेह आढळून आला आहे. अग्निशमन दल तसेच पोलिसांच्या पथकांनी तिचा शोध घेतला. शोभा मनोहर महिमाने (वय ६४, रा. फुरसुंगी) असे वाहून गेलेल्या महिलेचे नाव आहे. याप्रकरणाची नोंद भारती विद्यापीठ पोलीस ठाण्यात करण्यात आली आहे.

14 Jun 2025 12:59 PM (IST)

भरधाव कारने तरुणीला चिरडले

बेदरक व निष्काळजी ट्रक चालकामुळे गंगाधाम चौकात दुचाकीस्वार सासऱ्यांना व सूनेला चिरडल्याची घटना ताजी असताना आणखी एक अशीच घटना घडली असून, बेदरक आणि निष्काळजी टुरिस्ट कार चालकाने फुटपाथवरून पायी निघालेल्या महाविद्यालयीन तरुणीला धडक दिली आहे. यात तरुणीचा जागीचं मृत्यू झाला आहे. कात्रजमधील सुखसागरनगरमध्ये भरदुपारी ही घटना घडली असून, कार चालवण्याचे मित्राकडून शिक्षण घेताना ही घटना घडली असावी, असा अंदाज पोलिसांचा आहे.

14 Jun 2025 12:55 PM (IST)

मिरा-भाईंदरमध्ये गुन्हेगाराकडून दोन अग्नीशस्त्र जप्त; खंडणी विरोधी पथकाची धडक कारवाई

मिरा-भाईंदर-वसई-विरार पोलीस आयुक्तालयाच्या गुन्हे शाखेतील खंडणी विरोधी पथकाने केलेल्या धडक कारवाईत एका तरुणाकडून दोन अग्नीशस्त्र, पाच जिवंत काडतुसे, दोन रिकाम्या मॅगझिन्स आणि मोबाईलसह एकूण 89,500 रुपयांचा मुद्देमाल जप्त करण्यात आला आहे. ही कारवाई अहमदाबाद-मुंबई महामार्गावर वसोंचा गाव येथील वाटिका हॉटेलसमोर करण्यात आली.

14 Jun 2025 12:00 PM (IST)

एकाच मुस्लिम कुटुंबातील ४ जणांचा मृत्यू

कुटुंबातील लोकांनी प्रशासन आणि माध्यमांवर आपला राग व्यक्त केला. मृतासाठी मुंबईहून अहमदाबादला पोहोचलेले मुस्लिम कुटुंब संतप्त आहे. ते म्हणतात की आम्ही २ दिवसांपासून अहमदाबादमध्ये आहोत पण आम्हाला अद्याप मृतदेहाची ओळख पटवता आलेली नाही. जावेद अली त्यांच्या पत्नी आणि दोन मुलांसह मुंबईहून लंडनला जाणाऱ्या विमानाने प्रवास करत होते पण गुजरातमध्ये पोहोचल्यानंतर त्यांची विमान प्रतीक्षा यादीत होती. या घटनेत जावेद अलीसोबत त्यांची पत्नी आणि मुलांचाही मृत्यू झाला.

14 Jun 2025 11:27 AM (IST)

धारदार शस्त्राने प्रेयसीवर वार

मुंबईच्या मीरारोड कनकिया येथून एक धक्कादायक माहिती समोर आली आहे. म्हाडा वसाहतीत एका महिलेची अत्यंत क्रूरपणे हत्या करण्यात आल्याची धक्कादायक घटना उघडकीस आली आहे. हत्या झालेल्या महिलेचं नाव करिश्मा असे आहे. तिच्या गळ्यावर धारधार शस्त्राने खोल वार करून हत्या करण्यात आली. ही हत्या तिच्याच प्रियकराने केली असल्याचे तपासात निष्पन्न झाले आहे. हत्या झालेल्या महिलेचं नाव करिश्मा (पूर्ण नाव गोपनीय) तर आरोपीचा नाव शमशुद्दीन मोहम्मद खुर्शीद हसीफ (वय 24, व्यवसाय,शेफ) असे आहे.

14 Jun 2025 11:26 AM (IST)

कर्जाच्या ओझ्याने युवा शेतकऱ्याची आत्महत्या

कर्जबाजारीपणा, नापिकी आणि कुटुंबावरची जबाबदारी या सगळ्यांचा मानसिक ताण झेलताना एका तरुण शेतकऱ्याने आपलं जीवन संपवलं. या धक्कादायक घटनेचा परिणाम इतका गंभीर ठरला की त्याच्या वडिलांचा काही दिवसांतच मृत्यू झाला आणि आईलाही हृदयविकाराचा तीव्र झटका बसला. एकाच कुटुंबावर आलेल्या या दुहेरी आघातामुळे संपूर्ण गावावर शोककळा पसरली असून, ही घटना शेतकऱ्यांच्या हलाखीच्या परिस्थितीचं विदारक दर्शन घडवणारी ठरली आहे. हि घटना नांदेड जिल्ह्यातील लोहा तालुक्याचे सावरगाव नसरत येथे घडली आहे.

14 Jun 2025 11:25 AM (IST)

धारदार विळ्याने केले पत्नीवर वार

कोल्हापूरच्या शाहूवाडी तालुक्यातील सावे गावात एक धक्कदायक घटना घडली आहे. वाढदिवसाच्या दिवशी घरगुती किरकोळ वादातून पतीने पत्नीवर धारधार विळ्याने वार केले. यानंतर त्याने स्वतःच गळा चिरून आत्महत्या केली. ही घटना रात्री साडेआठच्या सुमारास घडली आहे. मृतकाचे नाव कृष्णा शिवाजी झेंडे (वय 47) आणि राधिका झेंडे असे आहेत.