दोन वर्षापूर्वी शाहरुख खानच्या मन्नतमध्ये घुसखोरी करणाऱ्या तरुणाला अटक (फोटो सौजन्य-X)
Shah Rukh Khan News Marathi: २०२३ मध्ये बॉलिवूड अभिनेता शाहरुख खानच्या मुंबईतील ‘मन्नत’ बंगल्यामध्ये घुसखोरी केलेल्या एका तरुणाला गुजरातमधील भरूचमध्ये चोरीच्या आरोपाखाली अटक करण्यात आली आहे. शहरातील एका निवृत्त लष्करी जवानाच्या घरी झालेल्या चोरीच्या आरोपाखाली २१ वर्षीय राम स्वरूप कुशवाहाला अटक करण्यात आल्याचे पोलिसांनी बुधवारी सांगितले. २ मार्च २०२३ रोजी आरोपीने शाहरुख खानच्या मन्नत बंगल्यात घुसखोरी केली होती. पोलिसांनी आरोपीकडून २.७४ लाख रुपये जप्त केले आहेत.
याप्रकरणी भरूचचे उपपोलिस अधीक्षक (डीएसपी) सीके पटेल यांनी पीटीआयला सांगितले की, आरोपी आणि आणखी एका व्यक्तीने चार दिवसांपूर्वी घरात घुसून २.७४ लाख रुपयांपेक्षा जास्त किमतीच्या सोन्या-चांदीच्या वस्तू चोरल्याचा आरोप आहे. चौकशीदरम्यान आरोपी राम स्वरूप कुशवाहाने पोलिसांना सांगितले की, त्याने यापूर्वीही मुंबईतील वांद्रे परिसरातील सुपरस्टार शाहरुख खानच्या बंगल्या मन्नतच्या उच्च सुरक्षा घेरा तोडला होता, परंतु सुपरस्टारच्या सुरक्षा रक्षकांनी त्याला आणि त्याच्यासोबत असलेल्या व्यक्तीला पकडले होते.
आरोपी कुशवाह आणि मिन्हज सिंधा यांना भरूच बी डिव्हिजन पोलिसांनी मोना पार्क सोसायटीमधील एका घरात झालेल्या चोरीच्या गुन्ह्यात सहभागी असल्याबद्दल अटक केली आहे. त्यांच्या ताब्यातून २.७४ लाख रुपयांचा चोरीचा माल जप्त करण्यात आला आहे. पोलिसांनी दिलेल्या माहितीनुसार, २ मार्च २०२३ रोजी सकाळी शाहरुख खानच्या घरात बाहेरील भिंत ओलांडून प्रवेश केल्यानंतर दोघांना ताब्यात घेण्यात आले आणि नंतर परिसरात उपस्थित असलेल्या सुरक्षा कर्मचाऱ्यांनी त्यांना अटक केली. याचदरम्यान वांद्रे पोलिस ठाण्यात भारतीय दंड संहितेच्या अंतर्गत त्याच्याविरुद्ध अतिक्रमणाचा गुन्हा दाखल करण्यात आला होता.
त्याने चार दिवसांपूर्वी माजी सैनिकाच्या घरात घुसून २.७४ लाख रुपयांपेक्षा जास्त किमतीचे दागिने चोरले. रामस्वरूप कुशवाह आणि मिन्हज सिंधा यांना भरूच बी डिव्हिजन पोलिसांनी चोरीच्या आरोपाखाली अटक केली आहे. पोलिसांनी त्यांच्या ताब्यातून २.७४ लाख रुपयांच्या चोरीच्या वस्तू जप्त केल्या. चौकशीनंतर दोन्ही आरोपींना तुरुंगात पाठवले जाईल.
.png "Videos"){kind=small}
