धक्कादायक ! अल्पवयीन मुलीवर तीन महिन्यांत तिघांकडून वेळोवेळी लैंगिक अत्याचार; इतर दोघांकडून विनयभंग

आशुतोष, नागेश आणि गौरव या तिघांनी १५ वर्षीय अल्पवयीन मुलीवर वेळोवेळी लैंगिक अत्याचार केल्याचा प्रकार समोर आला आहे. इतर दोघांनीही तिच्याशी अश्लील चाळे केल्याचा प्रकार समोर आला आहे.

पुणे : गेल्या काही दिवसांपासून गुन्हेगारीच्या घटनांमध्ये वाढ होताना दिसत आहे. किरकोळ कारणावरून खून, खुनाचा प्रयत्न यांसारख्या घटना घडत आहेत. त्यात महिलांवरील अत्याचाराच्या घटनाही लक्षणीय आहेत. असे असताना आता पुण्यात 15 वर्षीय अल्पवयीन मुलीवर वेळोवेळी लैंगिक अत्याचार करण्यात आल्याचा धक्कादायक प्रकार उघडकीस आला.

आशुतोष विजयकुमार पाटील (वय २५), नागेश सुर्यवंशी (वय २१), गौरव माने (वय २०) यांना बलात्कार, तसेच प्रीतम जगताप याला विनयभंगाच्या गुन्ह्यात अटक केली आहे. तर, एक आरोपी पसार झाला आहे. आशुतोष, नागेश आणि गौरव या तिघांनी १५ वर्षीय अल्पवयीन मुलीवर वेळोवेळी लैंगिक अत्याचार केल्याचा प्रकार समोर आला आहे. इतर दोघांनीही तिच्याशी अश्लील चाळे केल्याचा प्रकार समोर आला आहे. खळबळजनक म्हणजे, गेल्या तीन ते साडे तीन महिन्यांपासून हा प्रकार सुरू असून, तिघांनी वेगवेगळ्या वेळी तसेच वेगवेगळ्या ठिकाणी अत्याचार केल्याची माहिती पोलिस सूत्रांनी दिली.

हेदेखील वाचा : Beed Crime: धक्कादायक ! एका ५ वर्षीय चिमुरडीवर १६ वर्षीय अल्पवयीन मुलाने केले लैंगिक अत्याचार; आरोपी ताब्यात

मिळालेल्या माहितीनुसार, आरोपी आशुतोष, नागेश तसेच गौरव हे भारती विद्यापीठ भागात राहण्यास असून, गेल्या तीन ते साडे तीन महिन्यांत त्यांनी पीडित मुलीच्या अल्पवयीन असल्याचा फायदा घेऊन तिच्यावर वेगवेगळ्या ठिकाणी आणि एकट्या एकट्याने तिला गाठून अत्याचार केला. तर, प्रीतम या तरुणाने तिच्या अश्लील चाळे करून तिचा विनयभंग केला.

व्हिडिओ कॉलवरून विनयभंग

तसेच पाचव्या आरोपीने तिच्याशी व्हिडिओ कॉल करून तिचा विनयभंग केला आहे. याप्रकरणात मंगळवारी गुन्हा नोंदवण्यात आला. तीन आरोपींनी वेगवेगळ्या ठिकाणी आणि वेगवेगळ्या वेळी लैंगिक अत्याचार केला आहे.

5 वर्षांच्या चिमुकलीवर लैंगिक अत्याचार

दुसऱ्या एका घटनेत, बीड जिल्ह्यातून एक धक्कादायक घटना समोर आली आहे. एका १६ वर्षीय मुलाने ५ वर्षीय चिमुरडीवर लैंगिक अत्याचार झाल्याची संतापजनक घटना समोर आली आहे. पोलिसांनी अल्पवयीन आरोपीला अटक केली आहे. ही घटना पेठ बीड पोलीस ठाण्याच्या हद्दीत घडली. या घटनेने परिसरात खळबळ उडाली आहे.