Crime News: युवकाकडून अल्पवयीन मुलाचा खून; एकवीस महिन्यात हुबेहूब घटना, विषय काय?

साईराजच्या खुनानंतर आरोपी असलेल्याचा चुलत भाऊ अक्षय मांजरे हा स्थानिक नागरिकांच्या गर्दीमध्ये पोलीस व वनविभाग अधिकाऱ्यांच्या सोबत फिरत असल्याचे उघड झाल्याने आता पहिल्या घटनेकडे देखील नागरिकांचे लक्ष लागून राहिले आहे.

अल्पवयीन मुलाचा मृतदेश सापडल्याने खळबळ
विहीरीच्या कडेला डोक्यावर जखम झालेल्या अवस्थेत मृतदेह
दहिवडीमधील धक्कादायक घटना

शिक्रापूर: शिरुर येथील मांजरे वस्ती येथे २१ जून २०२४ रोजी यश गायकवाड या बालकाचा डोक्यावर जखम असलेल्या अवस्थेत मृतदेह आढळून आलेला असताना त्याच ठिकाणी त्याच शेतात व त्याच विहिरीच्या कडेला त्याच पद्धतीने डोक्यावर जखम असलेल्या अवस्थेत खून झालेल्या बालकाचा मृतदेह आढळून आल्याने खळबळ उडाली असून साईराज गणेश मांजरे असे खून झालेल्या बालकाचे नाव आहे.

दहिवडी ता. शिरुर येथील साईराज गणेश मांजरे हा बारा वर्षीय बालक १७ मार्च २०२६ रोजी दुपारी घरातून गेला मात्र पुन्हा घरी न आल्याने कुटुंबीयांनी त्याचा शोध घेतला असता घरापासून काही अंतरावर एकवीस महिन्यांपूर्वी ज्या ठिकाणी यश गायकवाडचा मृतदेह आढळून आला त्याच ठिकाणी ज्या पद्धतीने यशचा मृतदेह मिळाला त्याच पद्धतीने साईराज मांजरेचा मृतदेह आढळून आला, घटनेची माहिती मिळताच शिरुर उपविभागीय पोलीस अधिकारी प्रशांत ढोले, पोलीस निरीक्षक दिपरतन गायकवाड, शिरुर वनपरिक्षेत्र अधिकारी निळकंठ गव्हाणे यांनी घटनास्थळी धाव घेतली.

दरम्यान नागरिकांनी काही दिवसांपूर्वी यश गायकवाडचा देखील अशाच पद्धतीने मृत्यू होऊन त्याचे कारण समोर आले नाही मात्र पोलिसांनी वनविभागाच्या माथी प्रकरण मारल्याचा आरोप करत या प्रकरणात खुनाचा गुन्हा नोंद करा तेव्हाच आम्ही मृतदेह हलवू अशी आक्रमक भूमिका घेतल्याने पोलिसांनी स्थानिकांचा रोष लक्षात घेत, घटनास्थळीच फिर्याद घेत अज्ञात व्यक्तीवर खुनाचा गुन्हा नोंद केला, सदर घटनेबाबत गणेश जयसिंग मांजरे वय ३८ वर्षे रा. मांजरेवस्ती दहिवडी ता. शिरुर जि. पुणे यांनी शिक्रापूर पोलिसांना दिलेल्या फिर्यादीवरुन पोलिसांनी अज्ञात व्यक्तीवर खुनाचा गुन्हा दाखल केला.

Crime News: ५ मृतदेह, ३ पिस्तुलं आणि कपाळावर गोळी! हत्या की आत्महत्या? पोलीसही चक्रावले

दरम्यान स्थानिक गुन्हे अन्वेषण विभाग व शिक्रापूर पोलीस घटनेचा तपास करत असताना पोलिसांना अक्षय मांजरे बाबत माहिती मिळाली असता पोलिसांनी त्याच्याकडे चौकशी केल्यानंतर त्याने सदर खून केल्याची कबुली दिली, तर पोलिसांनी अक्षय दत्तात्रय मांजरे वय २२ वर्षे रा. मांजरेवस्ती दहिवडी ता. शिरुर जि. पुणे याला अटक केली असून खुनाचे कारण तपासात पुढे येईल अशी माहिती पोलिसांनी दिली असून पुढील तपास पोलीस निरीक्षक दिपरतन गायकवाड हे करत आहे.

दहिवडी येथील साईराज माजरे याच्या घटनेचे गांभीर्य ओळखून शिक्रापूर पोलिसांनी घटनेचा छडा लावला त्याच प्रकारे एकवीस महिन्यांपूर्वी यश गायकवाडच्या प्रकरणाचे तत्कालीन तपासी अधिकारी सहाय्यक पोलीस निरीक्षक केशव वाबळे यांनी घटनेचे गांभीर्य ओळखून तपास केला असता तर यश गायकवाडला देखील न्याय मिळाला असता अशी भावना स्थानिकांनी व्यक्त केली आहे.

खून करणारा आरोपी थेट गर्दीमध्ये . . . . . . . .

दहिवडी येथील साईराजच्या खुनानंतर आरोपी असलेल्या त्याचा चुलत भाऊ अक्षय मांजरे हा स्थानिक नागरिकांच्या गर्दीमध्ये पोलीस व वनविभाग अधिकाऱ्यांच्या सोबत फिरत असल्याचे उघड झाल्याने आता पहिल्या घटनेकडे देखील नागरिकांचे लक्ष लागून राहिले आहे.

Pakistan Hindu Murder: बांगलादेशनंतर आता पाकिस्तानातही हिंदूवर अत्याचार! २३ वर्षीय तरुणाची गोळ्या झाडून हत्या; नेमकं कारण काय?

दहिवडी येथील यश गायकवाड व साईराज मांजरे या दोघांचे मृतदेह एकाच ठिकाणी, एकाच विहिरी जवळ, एकाच ठराविक वेळेत तर दोघांच्याची डोळ्यालाच जखम अशा अवस्थेत मिळून आले, मात्र यश गायकवाडचा मृतदेह बिबट्याच्या हल्ल्यात झाल्याचे बोलले गेले मात्र तसा अहवाल प्राप्त झाला नाही मात्र बिबट्याचा हल्ला नसून खून असल्याचा संशय स्थानिकांना होता व आज देखील बिबट्याचा हल्ल्याचा संशय व्यक्त केला जात असताना स्थानिकांनी आक्रमक भूमिका घेऊन वनविभाग मध्ये घेऊच नका अशी मागणी करत ठिय्या मांडला होता.