Mumbai Crime: ‘CA’ नोकरीचे आमिष, लग्नाचे वचन अन् शोषण; मुंबईत भाजप पदाधिकाऱ्यावर गंभीर आरोप

मुंबईतील दहिसरमध्ये भाजप पदाधिकारी सूरज प्रतापसिंह देवडा याच्याविरोधात लग्न आणि CA नोकरीचे आमिष दाखवून तरुणीचे लैंगिक शोषण केल्याचा गुन्हा दाखल झाला आहे. गन दाखवून धमक्या देणे आणि लाखो रुपये उकळल्याचाही आरोप आहे. आरोपी सध्या फरार असून गुन्हे शाखेकडून शोध सुरू आहे.

• भाजप पदाधिकाऱ्यावर लैंगिक शोषण आणि फसवणुकीचा आरोप.
• गन दाखवून धमक्या आणि लाखो रुपये उकळल्याची तक्रार.
• आरोपी फरार असून तपास गुन्हे शाखेकडे वर्ग.

मुंबई: मुंबई येथून एक धक्कादायक घटना समोर आली आहे. भाजपच्या नेत्याविरोधात गंभीर आरोप करत गुन्हा दाखल करण्यात आल्याचे समोर आले आहे. भाजप नेत्यावर बारमधील तरुणीचे लैंगिक शोषण केल्याचा आरोप करण्यात आले आहे. लग्नाचे आमिष दाखवून आणि कंपनीत CA ची जॉब देण्याचं आमिष दाखवून शारीरिक संबंध ठेवले. विवाहित असूनही स्वतःला अविवाहित असल्याचे सांगितले. एवढेच नाही तर लाखो रुपये उकळत गन दाखवून धमकी दिल्याचे समोर आले आहे. या प्रकरणी तरुणीने तक्रार दिली असून गुन्हा दाखल करण्यात आला आहे. गुन्हा दाखल झाल्याची कुणकुण लागताच भाजप नेत्या हा फरार झाला असून पोलीस त्याचा कसून शोध घेत आहे.

काय नेमकं प्रकरण?

या प्रकरणातील गुन्हा दाखल करण्यात आलेल्या भाजप नेत्याचे नाव सूरज प्रतापसिंह देवडा असे आहे. ते दहिसर-बोरिवली भाजप मंडल महामंत्री आहेत. या प्रकरणातील बारमधील एका तरुणीने सुरज प्रतापसिंह देवडा यांच्याविरुधात गंभीर आरोप करत तक्रार दाखल केली आहे. पीडितेने दिलेल्या तक्रारीनुसार सूरज देवडा याने आपण विवाहित असूनही स्वतःला अविवाहित असल्याचे सांगितले. त्यानंतर पीडितेला लग्नाचे आमिष दाखवले, तसेच एका मोठ्या कंपनीत सीए (CA) ची नोकरी लावून देण्याचे आमिष दाखवून तिच्याशी जबरदस्तीने शारीरिक संबंध ठेवले. “माझ्यासह इतरही अनेक मुलींचे यात शोषण झाले आहे,” असा खळबळजनक दावाही पीडितेने आपल्या तक्रारीत केला आहे.

Gadchiroli Crime: ‘तुझ्याशीच लग्न करेन’ म्हणत डॉक्टरकडून वारंवार लैंगिक शोषण, डॉक्टर अटकेत; आष्टीतील धक्कादायक प्रकार

गन दाखवून धमक्या…

सूरज देवडा याने पीडित तरुणीवर एका बारमध्ये तब्बल ५० हजार रुपयांच्या नोटा उडवले. विश्वास संपादन केल्यानंतर त्याने पिडीतेकडून लाखो रुपये उकाळ्याचाही आरोप आहे. जेव्हा तरुणीने या सर्व प्रकाराला विरोध करण्याचा प्रयत्न केला, तेव्हा तिला थेट गन (बंदूक) दाखवून जीवे मारण्याच्या धमक्या देण्यात आल्याची नोंद तक्रारीत करण्यात आली आहे.

पोलीस तपास सुरु

या प्रकरणाचे गांभीर्य आणि भाजप नेत्याचे नाव समोर आल्यानंतर मुंबई पोलीस आयुक्त देवेन भारती यांनी तातडीने या प्रकरणाची गंभीर दाखल घेतली. त्यांच्या थेट आदेशानंतर दहिसर पोलीस ठाण्यात सूरज देवडा याच्या विरोधात गुन्हा दाखल करण्यात आला. या प्रकरणाचा तपास मुंबई गुन्हे शाखेकडे वर्ग करण्यात आला आहे. गुन्हे शाखेचे विशेष पथक सध्या फरार आरोपी प्रतापसिंह देवडा याच्या शोधासाठी विविध ठिकाणी छापे टाकत आहे. या प्रकरणाचा पुढील तपास पोलीस करत आहे.

भांडण सोडविण्यासाठी जाण तरुणाला भोवलं; पोटावर अन् मानेवर सपासप वार करुन खून