हनीट्रॅपचा धक्कादायक प्रकार! मुंबईच्या उद्योगपतीला जाळ्यात ओढून महिला क्रिकेटरने उकळले 63 लाख रुपये

Mumbai Crime : सेक्सटॉर्शनच्या जाळ्यात अडकून महिला क्रिकेटपटूने २८ वर्षीय व्यावसायिकाकडून केली पैशांची लूट. यात तिचा भाऊ आणि आणखी एक साथीदार सामील असून पोलिसांनी आरोपींना अटक करण्यात यश मिळवले आहे.

• मुंबईतील उद्योगपतीला ऑनलाइन ओळखीच्या माध्यमातून जाळ्यात अडकवून मोठी फसवणूक करण्यात आली.
• धमक्या देत आणि दबाव टाकत आरोपींनी लाखोंची रक्कम उकळली.
• पोलिसांनी आरोपींना अटक करून प्रकरणाचा तपास सुरू केला आहे.

फसवणूकीचे प्रकार वाढत असतानाच आता यात आणखी एका मोठ्या घटनेची नोंद झाली आहे. मुंबईतील उद्योगपतीला आपल्या जाळ्यात अडकवून एका महिला क्रिकेटपटूने तब्बल ६३ लाख रुपये लुटले. यासंबंधित मुंबई पोलिसांनी आता महिला क्रिकेटपटू आणि तिच्या भावाला अटक केली आहे. माहितीनुसार, त्यांनी दिल्लीतील एका हाॅटेलमधून ताब्यात घेण्यात आलं. तर त्यांच्या आणखी एका साथीदाराला जम्मू आणि काश्मीर येथील श्रीनगर येथून ताब्यात घेण्यात आलं. आरोपींची ओळख फरखांदा खान (३०) आणि तिचा भाऊ, बाझिल खान (२७) आणि साथीदार उद्दीन इम्तियाज वानी (२२) अशी पटली आहे. तक्रारीनुसार, फसवणूक झालेला व्यक्ती हा कुलाबा येथील २८ वर्षांचा व्यावसायिक असून सेक्सटॉर्शनच्या जाळ्यात अडकून त्याच्याकडून ही पैशांची लूट करण्यात आली आहे.

Ashok Kharat Case : अशोक खरातबाबत आणखी एक धक्कादायक माहिती समोर; सरकारी डॉक्टरला सोबत घेऊन…

काय आहे प्रकरण?

२०२४ मध्ये तक्रारदार व्यावसायिक फरखांदा खानला भेटला. मोबाईल चॅटद्वारे त्यांची ओळख झाली ज्यानंतर त्यांच्यातील जवळीक वाढू लागली. आरोपी महिला ही मूळची जम्मू काश्मीरमधील असून ती जम्मू काश्मीरची राष्ट्रीय स्तरावरील खेळाडू आहे. ती महिला टी-20 लगीमध्येही सहभागी झाली होती. पोलिसांच्या सांगण्यावरुन जवळीक साधून महिलेने आर्थिक गरजेचं कारण सांगत व्यावसायिकाकडे पैशांची मागणी केली. पण जेव्हा त्याने हे पैसे देण्यास नकार दिला तेव्हा फरखांदाने त्याला धमकवण्यास सुरुवात केली. पैसे दिले नाही तर त्यांच्यातील अश्लिल चॅट सार्वजनिक करेल अशी धमकी ती व्यावसायिकाला करु लागली.

अखेर दबावाखाली येऊन व्यावसायिकाने ३० एप्रिल २०२४ ते १३ जानेवारी २०२६ या कालावधीत ३२ बँक व्यवहारांद्वारे एकूण २३ लाख रुपये फरखांदाच्या बँक खात्यात ट्रान्सफर केले. तपासात समोर आले की, या रकमेतील मोठा भाग हा उद्दीन इम्तियाज वानी याच्या बँक अकाऊंटमध्ये ट्रान्सफर करण्यात आला. तर यातील काही रक्कम तिने वडील, अब्दुल अझीझ खान यांच्या खात्यातही ट्रान्सफर केली.

लेकीबाबत ‘ते’ शब्द ऐकताच बाप संतप्त; रॉडने वार करून थेट हत्याच

माहितीनुसार, फरखांदाचा भाऊ देखील त्यांच्यातील चॅट्सचे स्क्रिनशाॅर्ट दाखवून तक्रारदाराला पुन्हा पुन्हा तुरुंगवासाची धमकी देत होता. या धमक्यांनी कंटाळून व्यावसायिकाने पुन्हा एकदा ४० लाख रुपये आरोपींच्या बँक खात्यात ट्रान्सफर केले. तक्रारीच्या आधारे, आता पश्चिम विभाग सायबर पोलीस ठाण्यात भारतीय दंड संहितेच्या कलम ३०८(२), ३०८(६), ३५१(२), ३५१(३) आणि माहिती तंत्रज्ञान कायद्याच्या कलम ६१(२) आणि ३(५) अंतर्गत गुन्हा दाखल करण्यात आला आहे. पोलिस या प्रकरणाचा आता सखोल तपास करत आहे.