Navi Mumbai bars closed: नवी मुंबईत रात्रीचे बार, हॉटेल आणि क्लब बंद? ‘तोंडी आदेश’ नेमका कुणाचा, चर्चांना उधाण

Navi Mumbai bars closed: मुख्यमंत्र्यांच्या नवी मुंबई दौऱ्याच्या पार्श्वभूमीवर शहरातील रात्रीचे बार, हॉटेल आणि क्लब बंद ठेवण्याचे तोंडी आदेश देण्यात आल्याची चर्चा सुरू झाली आहे. कोणताही अधिकृत लेखी आदेश नसताना अशा सूचना दिल्याचा दावा होत असल्याने प्रशासन आणि व्यावसायिक वर्तुळात प्रश्न उपस्थित झाले आहेत.

• मुख्यमंत्र्यांच्या दौऱ्याची धास्ती की सुरक्षेचा भाग?
• नवी मुंबईत रात्रीचे बार, हॉटेल आणि क्लब बंद?
• ‘तोंडी आदेश’ नेमका कुणाचा, चर्चांना उधाण

सावन वैश्य | नवी मुंबई : नवी मुंबईतील डी. वाय. पाटील परिसरात आयोजित ‘कॅम्पस कनेक्ट’ या महत्त्वाकांक्षी कार्यक्रमासाठी राज्याचे मुख्यमंत्री देवेंद्र फडणवीस यांच्या दौरा उद्या म्हणजेच 22  ऑगस्ट रोजी सकाळी 11 वाजता असून नवी मुंबईत चांगलाच गदारोळ निर्माण झाला आहे. या हाय-प्रोफाइल व्हीआयपी दौऱ्याच्या पूर्वसंध्येला शहरातील सर्व डान्स बार, लेडीज बार आणि नाईट क्लब बंद ठेवण्याच्या तोंडी सूचना देण्यात आल्याचा दावा व्यावसायिक करत आहेत. कोणत्याही अधिकृत परिपत्रकाशिवाय किंवा कायदेशीर नोटीसशिवाय हे निर्बंध लादल्याने हॉटेल व नाईटलाईफ व्यवसायिकांमध्ये तीव्र असंतोष पसरला आहे.

अधिकृत नोटीस की ‘अदृश्य’ दबाव?

सामान्यतः व्हीआयपी किंवा मुख्यमंत्र्यांच्या सुरक्षेसाठी पोलीस प्रशासनाकडून अधिकृत लेखी नोटीस जारी केली जाते. मात्र, या प्रकरणात कोणतेही लेखी आदेश न देता केवळ वरिष्ठ पातळीवरून ‘ तोंडी सूचना’ देऊन रात्रीच्या आस्थापना बंद पाडल्या जात असल्याचे बार मालकांचे म्हणणे आहे. त्यामुळे “हा अदृश्य आदेश नेमका कोणाचा आणि कोणत्या कायद्याखाली?” असा सवाल उपस्थित केला जात आहे.

चाकूने भोसकून सराईत गुंडाची हत्या; प्रेयसीला दुसऱ्या तरुणासोबत पाहून झाला वाद अन्…

‘कॅम्पस कनेक्ट’साठी पोलीस आयुक्तांची मेहनत; नागरिकांच्या साथीची गरज

दरम्यान, तरुण पिढीला ड्रग्ज आणि इतर व्यसनांपासून दूर ठेवण्यासाठी तसेच विद्यार्थ्यांमध्ये जागृती निर्माण करण्यासाठी नवी मुंबईचे पोलीस आयुक्त मिलिंद भारंबे यांच्या मार्गदर्शनाखाली ‘कॅम्पस कनेक्ट’ ही विशेष मोहीम राबवली जात आहे. पोलीस आयुक्त मिलिंद भारंबे हे या मोहिमेसाठी अतिशय मेहनत घेत असून संपूर्ण नवी मुंबईत मोठ्या प्रमाणावर जनजागृती करत आहेत. युवापिढीचे भविष्य सुरक्षित करणाऱ्या पोलीस प्रशासनाच्या या कौतुकास्पद आणि चांगल्या उपक्रमाला नवी मुंबईकरांनीही तितकीच मनापासून साथ देणे अत्यंत गरजेचे आहे, असा सूर सुजाण नागरिकांमधून उमटत आहे.

वेळेचे उल्लंघन अन् प्रशासनाची डोकेदुखी

दुसऱ्या बाजूला, नियमांचे उल्लंघन करणाऱ्या व्यवसायिकांवरही या निमित्ताने बोट ठेवले जात आहे. शासनाने ठरवून दिलेल्या वेळेत आस्थापना बंद केल्या तर कोणालाही अडचण असणार नाही. परंतु, अनेक बार व क्लब चालक सुरक्षेच्या नियमांचा गैरफायदा घेत रात्री उशिरापर्यंत किंवा पहाटेपर्यंत अनधिकृतपणे व्यवसाय सुरू ठेवतात. यामुळे कायदा व सुव्यवस्थेचा प्रश्न निर्माण होतो आणि प्रशासनाला अशा कठोर पावलांचा अवलंब करावा लागतो, अशीही चर्चा रंगली आहे. या संपूर्ण प्रकरणावर पोलीस प्रशासन किंवा स्थानिक आयुक्त कार्यालयाकडून अद्याप कोणतीही अधिकृत स्पष्टता दिलेली नाही. त्यामुळे हा निर्णय केवळ सुरक्षेचा भाग आहे की राजकीय दबावापोटी घेतलेला निर्णय, यावर नवी मुंबईच्या वर्तुळात उलटसुलट चर्चा सुरू आहेत.

कान्हे येथे 105 ग्रॅम गांजा जप्त, 55 वर्षीय व्यक्तीविरुद्ध गुन्हा दाखल; वडगाव मावळ पोलिसांची कारवाई