Crime News: टप्प्याटप्प्याने पैसे भरायला लावले अन् नर्ससोबत…; अमरावतीमध्ये घडले काय?

Crime News: यानंतर ११ मार्च रोजी आरोपींनी पीडितेला अधिक नफा मिळण्याचे आमिष दाखवत विविध खात्यांमध्ये टप्प्याटप्प्याने पैसे ट्रान्सफर करण्यास सांगितले.

नर्सची १ लाखाने ऑनलाइन फसवणूक
टेलिग्रामवर दाखविले ‘स्टार रेटिंग’चे आमिष
अमरावतीमध्ये घडली फसवणुकीची घटना

अमरावती: घरबसल्या टेलिग्राम अॅपवर ‘स्टार रेटिंग’ देऊन पैसे कमावण्याचे आमिष दाखवत अज्ञात सायबर भामट्यांनी चांदूर रेल्वे येथील एका नर्सची १ लाख १८ हजार रुपयांची ऑनलाइन फसवणूक केल्याची घटना उघडकीस आली आहे. सुरुवातीला थोडी रक्कम परत देऊन विश्वास संपादन केल्यानंतर आरोपींनी विविध खात्यांमध्ये मोठी रक्कम ट्रान्सफर घेतली.

पोलिसांनी दिलेल्या माहितीनुसार, तक्रारदार ही चांदूर रेल्वे येथील रहिवासी असून नर्सिंग स्टाफ म्हणून कार्यरत आहे. मंगळवारी तिच्या टेलिग्राम अॅपवर एका अज्ञात आयडीवरून मेसेज आला. या मेसेजमध्ये घरबसल्या टेलिग्रामवर ‘स्टार रेटिंग’ देऊन पैसे मिळतील, असे आमिष दाखवण्यात आले. सुरुवातीला पीडितेने करून दिलेले रेटिंगचे काम पूर्ण केल्यानंतर तिच्या खात्यात १५० रुपये जमा करण्यात आले. त्यानंतर आरोपींनी १ हजार रुपयांची गुंतवणूक केल्यास १ हजार ४३० रुपये परत मिळतील, असे सांगितले आणि ती रक्कमही खात्यात जमा केली. त्यामुळे पीडितेचा विश्वास बसला.

यानंतर ११ मार्च रोजी आरोपींनी पीडितेला अधिक नफा मिळण्याचे आमिष दाखवत विविध खात्यांमध्ये टप्प्याटप्प्याने पैसे ट्रान्सफर करण्यास सांगितले. त्यानुसार तिने ३ हजार, ४ हजार, १५ हजार, ४० हजार आणि ३० हजार रुपये अशा हप्त्यांमध्ये एकूण १ लाख १८ हजार रुपये पाठवले. पीडितेने पैसे परत मागितले असता तिला फसवणूक झाल्याचे लक्षात आले.

Crime News: तरुणाला नोकरीचे आमिष दाखवले अन्…; वैभववाडीमध्ये घडले काय?

तरुणाला नोकरीचे आमिष दाखवले

वैभववाडी तालुक्यातील एका उच्चशिक्षित तरुणाला वर्क फ्रॉम होम नोकरीचे आमिष दाखवून १५ हजार रुपयांना गंडा घातला. याप्रकरणी संबंधित तरुणाने राष्ट्रीय सायबर विभागाकडे तक्रार नोंदवली आहे. पीडित तरुणाच्या व्हॉट्स अॅपवर एका अनोळखी क्रमांकावरून मेसेज आला होता. सुरुवातीला विश्वास संपादन करण्यासाठी कंपनीने त्याला केवळ २०० रुपये जमा करण्यास सांगितले.

Cyber Crime: व्यावसायिकाला ३६ लाखांचा गंडा; एका लिंकवर क्लिक करणे पडले महागात

तरुणाने २०० रुपये भरल्यानंतर त्याला परतावा म्हणून ३०० रुपये मिळाले कंपनीवर विश्वास बसारेत्या तरुणाला त्यानंतर ५ हजार रुपये भरण्यास सांगण्यात आले, तरुणाने यूपीआयद्वारे ५ हजार रुपये भरले, मात्र त्याचा मोबदला मागितला असता कंपनीने पुन्हा १० हजार रुपये भरण्याची अट घातानी, अशा प्रकारे तरुणाने एकूण १५ हजार रुपये कंपनीकडे जमा केले. या बदल्यात त्याला २१ हजार ६९९ रुपये मिळणे अपेक्षित होते. मात्र, जेव्हा त्याने या रक्कमेची मागणी केली, तेव्हा कंपनीने त्याला पुन्हा ३० हजार रुपये भरण्यास सांगितले. यावेळी आपली फसवणूक होत असल्याचे तरुणाच्या लक्षात आले.